ЖЫЛДЫЗ ТӨЛГӨ. 5-ОКТЯБРДАН 11-ОКТЯБРГА ЧЕЙИН

КОЙ (21.03-20.04)

Жеке жашоого байланыштуу маселени шашпай чечиңиз. Туугандарга жардам бересиз. Түгөйүңүз дооматтарын айтса унчукпай кутулган оң. Кырсыктан абайлаңыз, болбосо узакка дарыланып калуу коркунучу бар. Ким менен чыңалган мамиледе болсоңуз, ошол тууралуу жаман кабар угасыз.

БУКАЧАР (21.04-20.05)

Позицияңызды бекемдеп, демилге көрсөтпөсөңүз ийгиликке жетүү кыйын. Иш боюнча сунуш түшсө макул болуу оң, келечеги жакшы болот. Жаңы идеяңыз реалдуу эмес, унутуңуз. Бирөөдөн колдоо күтүүдөн майнап чыкпайт, өзүңүзгө гана ишенип иш кылыңыз. Акча сиз ойлогондон аз болот.

ЭГИЗДЕР (21.05-21.06)

Кесиптештер менен иштешүү кыйындайт. Эмоцияны ичке катыңыз. Үйдөгүлөргө чарба иштерине жардам бересиз. Пландардын кээ бири ишке ашып, келечекке үмүт арттырат. Сейилдөө, достор арасында болуу убактылуу кыйынчылыктарды унуттурат. Жаңы буюм сатып аласыз же бирөөлөр белекке беришет.

БӨЙӨН (22.06-22.07)

Чөйрөнү кеңейтүү, бирөөлөрдөн колдоо алуу тилегиңиз ишке ашат. Кыска убакта көп иштерди бүтүрөсүз. Ооругандардын шыпаасын тапчу дарыгер табылат. Жаңы тааныштар менен чайлашууңуз мүмкүн. Үйгө келген туугандар кыжырыңызга тиет, аларды нааразы кылбаш үчүн жымсалдап сүйлөө оң.

АРСТАН (23.07-23.08)

Жылдыздар күчүңүзгө күч кошот. Чиеленишкен маселени да туура чечесиз. Айрымдарда сүйүү романы башталат. Жетекчиликтин көрсөтмөсүн аткаргыңыз келбей ыргылжың болсоңуз кирешеңиз азаят. Кара күч жумуштарын көп жасоо өнөкөт ооруларды козгоорун эске алыңыз.

БИЙКЕЧ (24.08-23.09)

Жаңы иш ордуна ээ болуу аракетиңизге бут тоскондор чыгат. Жүрүм-турумду, мүнөздү өзгөртүү тактикасын иштеп чыгасыз. Искусство адамдарынын иши алга кетет. Чала тааныш адамдардын компаниясында болууга туура келет. Чакан бизнес баштоону каалагандар банктан насыя ала алышат.

ТАРАЗА (24.09-23.10)

Табыпчылык, сырдуу дүйнөгө кызыгуулар өсөт. Бүтпөгөн иштер үчүн жардам аласыз. Документтерди ирээттештиресиз. Үйгө келгендерден кымбат буюмдарды сактаңыз. Апта аягында болуп өткөн окуя сизге пайда алып келет. Бирөөлөрдүн сизге берген убадалары ишке ашпайт, өзүңүз аракет кылыңыз.

ЧАЯН (24.10-22.11)

Ички туюм күчөп, Кудайдан берилген таланттар ачыла баштайт. Оор иштерге коркпой киришип, бүтүрүүгө аракет кылыңыз. Балдар жакшы жүрүм-туруму, кызыктуу ой-пикирлери менен кубандырат. Каржылык кыйынчылык чыгат. Карыз алгандан качпаңыз, кыйынчылык бат эле өтөт.

ЖААЧЫ (23.11-21.12)

Түшүнбөстүктөр болот, жумушта каталар кетет. Алдамчылыкка барбай, туура эмес сүйлөөдөн карманыңыз. Болбосо аброюңуз төмөндөйт. Жакындарга кайрымдуулук кылууга туура келет. Пландаган буюмду сатып алыш керекпи же албай турса болобу ойлонуп көрүңүз. Жылуу кийинбесеңиз суукка урунасыз.

ТЕКЕЧЕР (22.12-20.01)

Кубаныч менен кабак бүркөөлөр аралаш жүрөт. Абайлабасаңыз, айрым досторду качырып аласыз. Бүткөргөн иштердин жыйынтыгы башкача болуп чыгат. Сизге анча жага бербеген кийим же буюм тартуулашат. Баш кошууну пландагандардын пландары ишке ашат. Апта соңу айрымдар үчүн оор өтөт.

СУУ КУЯР (21.01-19.02)

Күтүлбөгөн кабар же аткарылбаган убада жаатында маселе чыгат. Бирөөнүн таасирине кирем деп ишти татаалдатпаңыз. Карыздарды кайтарып беришет. Алыс сапарга бирөөнү узатасыз же тосуп аласыз. Балдарга техникалык жабдуу же башка керектүүнү алып бересиз. Апта ичи тынч жана гармонияда өтөт.