реклама
Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СЕНДЕН КИЙИН... (Эки аялдын таң калычтуу тагдырын баяндаган сериал)

№931 8-14-сентябрь, 2020-жыл


(Башы өткөн сандарда)

– Күнү бүгүнкүдөй эсимде. Мени зордоп аборт кылдырганы алып барды. Ал жактан да бир медайымдын жардамы менен терезеден качып чыктым. Мен ал наристени төрөгүм келди. Анткени кыздарымды сагынып жүргөм. Ооба, мен сүйүү үчүн кыздарымды таштап кеттим. Көзүмө эч нерсе көрүнбөй калды. Бирок мен таш боор, такыр сезими жок адам эмес элем. Бир гана алардан ажыроо мага канчалык оор болгонун билем. Өзүм менен кошо сүрүндү кылгым келбеген, анткени бет алган жагым туңгуюк эле. Атасы аларды кандай болсо да жакшы адам кылып тарбиялап чыгат деп ишенген үчүн таштадым.

Бактыгүл эчен жыл катып келген, эч кимге айта албаган арманын айтып жатты. Алдында отурган кызы экенин да унутту. Бир билгени, ушу күңүрт бөлмөдө өтмүшүн айтып берип, өмүр бою ага тынчтык бербей келген нерседен бошонуу эле. Кудум Кудайдын сурагынын алдында отургандай абал болчу.

– Боюмдагы наристе мага керек эле, анткени анын атасын жанымдан артык сүйгөм. Ал жашоомдо болбосо да, баласы болсо андан ары жашап кеткенге күч табам деп ойлодум. Бирок ал түшүнгөн жок. Мени өзүнө бала аркылуу байлап алып жаткандай сезди. Мени кууланып жаткандай көрдү. “Баланы аман кой, сага эч кандай залакасы тийбейт” деп жалындым. Болбоду. Анткени шайлоонун алды болчу, ал депутаттыкка аттанып жаткан. Эркек үчүн бийликтен ашкан кумар барбы? Жок! Менин клиникадан качып кеткенимди билгенден кийин таап алып, аябай катуу сабады. Атайын баланы түшүрүү үчүн кылды. Мурда талуу жерлериме урчу эмес. Атайын курсагыма тепкилеп жатты. Өзү чарчап, мен эсимди жоготкондо гана токтоткон экен. “Тез жардам” аркылуу ооруканага түшүп калыптырмын. Ошентип 5 айлык балам боюмдан түштү. Эркек бала! Үч кызым болгону үчүн эркек баланы аябай кыялданып жүргөн элем. Ичимден бир нерсе сынып калгандай болду. Жашоого байлай турган эч нерсем калбай калды. Ооруканадан чыккандан кийин жалгыз отуруп ичтим. Тамак да жеген жокмун. Эртеси дагы, анан дагы... Ошентип отуруп ичкиликке берилип кеттим. Мен кайсы жолго түшүп бара жатканымды билдим. Бирок токтоно албадым. Ичимдеги боштукту башка эч нерсе менен толтура албай калдым. Эсимде калган бардык нерселерди унутуш үчүн иче бердим.

– Унута алдыңызбы?

– Жок, унута албадым.

– Кыздарыңызды ким чоңойтту?

Бактыгүл Айтурганды тиктеп турду. Өзүнүн кызы! Сулуу көздөрү менен боору ооруп отурган өзүнүн кызы. Майып кызы. Канча жылдан кийин күйүтүн, арманын айтып жатканын көр. Уялбай ичиндеги жүгүн бул байкуштун ийинине жүктөп жатканын кара. Өзүнөн өзү уялып турду Бактыгүл. Бирок Айтургандын таптаза көздөрүнөн эч кайда качып кутула албады. Периштедей тунук караган көздөр андан чындыкты талап кылып турду.

– Мен улуу кызымды эрте төрөдүм. Ал башка окуя. Анын кайда, эмне болуп чоңойгонун билбейм. Бир билгеним – жакшы бир адамдардын колунда мыкты тарбия алып чоңойду. Азыркыга чейин анын тагдыры тууралуу билбейм.

– Кийинки эки кызыңызчы?

– Бири атасынын колунда калыптыр, экинчисин атасынын эжеси багып алыптыр. Туура кылышкан экен. Анткени ал эки гана жашта болчу. Эч нерсе билбей калды. Эрке, эркин, боорукер кылып чоңойтушкан экен. Ал – Салима.

– Атасы менен калган кызыңызчы?

– Ошол турмуштун запкысын көп көрүп калгандай. Ал такыр башкача кыз. Жашоомдо көргөн эң күчтүү аял. Бирок күчтүүлүк деген эмне? Көкүрөгүнүн түпкүрүндө мени кечирдим деп ойлогону менен, дагы деле күнөөлөйт. Өзү үчүн да эмес, менимче, атасы үчүн. Анткени атасы менен аябай жакын эле. Төрөлгөндөн атасынын кызы болду.

– Анан качан ичкиликтен дарылануу чечимин чыгардыңыз?

– Кыздарым мени издеп келгенде. Мен өзүмдү эчак көмүп салганым менен, алар мени көмбөгөн экен. Дагы да болсо аларга керек экенимди айтышты. Оор абалда экенин, менин жардамым керек экенин айтты. Дагы бир жолу таштап кетпешимди өтүнүштү. Мен анткенге акым жок болчу. Аябай кыйын дарыгерлердин жардамы менен айыктырышты. Андан айыктым, бирок жүрөктөгү жарамдан кантип айыгышты билбейм.

– Эмне үчүн?

– Мен жолумда бир топ тагдырды кыйратып кеттим. Эсеп жетпейт. Үч кызымдын, кыздардын атасынын, ал тургай неберелеримдин тагдырына мен күнөөлүүмүн. Мен өзүмдү бул күнөөдөн кантип жууйм? Жардам бер мага, мен бул күнөөмдөн кантип арыларымды билбейм. Жардам кыл мага! Жол көрсөт.

Аял энтигип ыйлап жиберди. Айтурган коляскасын жылдырып келип аялды кучактай берди. Бактыгүл кызын кучактап, өпкө кага ыйлап жатты.

– Чүш, мына, эми айыга баштадыңыз. Эмки жолу мындан да жакшы болот.

Экөөнүн тең жүрөгү жаралуу болчу. Экөө тең жанын кайсы жерге коюп жашоону улантууну билбеген энеси менен кызы эле. Бирок өздөрү да билбей, бирине-бири даба болуп жатышты. Айтурган ошол окуядан кийин эмнегедир чыйрала түштү. Өзүнүн жардамы дагы да болсо кимдир бирөөгө керек экенин сезе баштады. Мурункудай төрт дубал ичинде жатпастан, жашоонун кызыкчылыгын көрө баштады. Кээде жылмайып, кээде күлүп калчу болду. Күлкүсү мурункудай шаттуу эмес эле. Мурункудай бактылуу эмес эле. Ошентсе да жашоосуна бир үмүт киргенин байкады.

“Сенден кийин... Искендер, сенден кийин жашоо бүттү деп ойлогом. Анткени сен менин бардык нерсем болчусуң. Бир аял бир эркекти мынчалык сүйбөш керек тура. Бактыгүл эженин окуясын уккандан кийин менде бир өзгөрүү пайда болду. Бул аялдын ички дүйнөсүнө сүңгүп кирген сайын мен өзүмдү таап жаткандаймын. Менин айлар бою издеген суроолорумдун жооптору ушул адам сыяктуу. Анткени ал дагы мендей болуп өлүмдүн оозуна барып, кайра келген экен. Ким үчүн? Сүйгөн адамы үчүн. Ичиндеги күйүтү, арманы, ызасы, бардыгы меникиндей. Ал тургай эч нерсеге карабай сүйгөнү да мендей. Аны менен өткөн сеанстарымдын ар бири мага да сабак. Экөөбүз такыр эки башка учурда эки башка тагдырды жашасак да, бир окшоштук бар.

Сенден кийин... Мурункудай эле жамгыр жаап жатат, биздин балкондон жамгырдын жыты келет. Тамчылардын тыпылдагынан угуп жатам. Сен болсоң мени катуу кучактап, бир нерселерди айтып күлдүрөт элең. Экөөбүз көпкө жамгырлуу кечтерде сүйлөшүп жатчу элек. Мен сага бардык нерселерди айтып берчү элем. А сен угуп жата бергенди жакшы көрчүсүң. Көзүңдөгү сүйүүнү көрчү элем. Кызык, качан менден алыстап кеттиң? Эмнеге байкаган жокмун? Макул, бул суроолор менен өзүмдү эзбейм деп чечкем. Жашоо уланып жатат. Сага күндө куран окуйм. Сени, балким, кечире албай жатам, бирок Жараткан сени кечириши үчүн дуба кылам. Ах, Искен, мен сени кандай сагындым бир билсең. Кээде кийимдериңди коюнума алып жатып жыттайм. Жытың калган сыяктуу сезилет. Мен качан айыгам? Бактыгүл эже качан айыгат?”

Айтурган күндөлүгүнө күйөөсү тууралуу күндө жазчу. Акыркы күндөрү бул күндөлүккө күн сайын тамаша, жашоого болгон үмүт жазыла баштады.

ххх

– Апам Айтурганга жакын болуп кетти окшойт?- деди Аяна Салимага.

– Ооба, ал психолог эмеспи. Күндө бир маал сеанс кылышат. Апам көп учурда ыйлап чыгат. Айтурган да азамат, апама жардам берип жатканы сүйүнтөт. Чындыгында ишин мыкты билет экен. Балким, сен да сеанс алсаң кантет?

Аяна сиңдисин жаздык менен уруп калды.

– Э-эй, чын айтам. Кийинки айда өзүм да жазылсамбы деп жатам.

– Сага психологдун кереги жок.

– Эмнеге, мен адам эмесминби? Мен да адаммын, бул таң калычтуу үй-бүлөнүн бир мүчөсүмүн.

Аяна күлүп калды. Аны минтип Салима анан балдары эле күлдүрө алат. Мурун Искендер да бар болчу.

– Эже, сен күлгөндө аябай сулуу болуп кетесиң. Бирок аз күлөсүң. Өзүңө бир эркиндик бер, күл, жырга, али жашсың, жигит тап.

– Менби?

– Искендер өлдү, эже. Ал кайтып келбейт!

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 2 колдонуучу (Катталган: 0, коноктор: 2) бул макаланы окуду:

Макалалардын саны:
24831;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: