Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«АК ЖОЛ» БАСКАН КАРА ЖОЛ

№413 1-7-октябрь, 2010-ж.


Тарых барактарынан

Үч жыл мурун Жогорку Кеңештин 71 отургучун ээлеген “Ак жол” партиясынын депутаттары тууралуу кандай гана сөздөр айтылбады... Парламентте көпчүлүктү түзгөн “ак жолчулардын” бир уучу ишин билген жана өз тармагынын адиси деп аталса, айрымдары “кнопка баскыч” деген атка конушту. Ошол “Ак жол” партиясы кантип жаралган жана Кыргызстан үчүн кандай маселелерди чечти? Жооп издеп көрөлү.

“АЛГАНЫН” КЛОНУ
Кыргызстан башынан эки төңкөрүш өткөрүп, эки ажону тактан алып түштү. Экинчиси биринчисинин катасын оңдоонун ордуна дал ошол жолду улантып, саясий ишмердигине чоң кара чекит койду. Бир адамдын бийлигине толук баш ийген, кыңк дебеген күчтүү партия түзүү идеясын Аскар Акаевдин технологдору алып чыккан эле. Эске салсак, “Алга, Кыргызстан!” партиясынын депутаттары шайлоодо административдик басым менен утуп чыгып, бирок ЖКда иштөө мүмкүнчүлүгүнө жетпей арманда калышкан. Ал эми экс-президент Курманбек Бакиевдин “Ак жолу” байкалбай 3 жылдай депутаттык бийликтин доорун сүрүүгө жетишти.
“Алга!” да, “Ак жол” да, тез жана ка­­пысынан пайда болду. Экөөнүн тең автору маркум Медет Садыркулов экендиги эл арасында айтылып жү­рөт. 2007-жылы күзүндө ЖКнын 3-чакырылышы таркатылганда, 3 айдан кийин ал мезгилде аты-жыты жок бир партиянын утуп чыгары биздин элдин түшүнө да кирген эмес. Курманбек Бакиев “Американы ачам” деп кыйналган жок. Себеби Кыргызстандагы түрдүү тармактын аттуу-баштуу адамдарынан турган партияны түздү.
2007-жылдын 15-октябрь күнү “Ак жол” партиясынын курултайы болуп, курултай, болгону, жарым саатка созулду. 30 мүнөттүн ичинде делегаттар экс-президент Курманбек Бакиевди мыйзамды одоно бузганына карабастан (өлкө башчы партияга төрага болбошу керек эле), партиянын төрагасы кылып шайлашкан. Партия экс-президенттин кыргыз жубайынан төрөлгөн уулу Акжолдун атынан аталганы калың калкка 7-апрелден кийин белгилүү болду.

КАН МЕНЕН КЕТЕРИ БЕЛГИЛҮҮ БЕЛЕ?
“Ак жолдун” ушунчалык тездик менен уюшулганын анын эмблемасында кеткен катачылыктан да билсе болот. “Кызыл фондун алдындагы сызыктар ак жол болушу керек”,- деп курултайда экс-президент Курманбек Бакиев айткан. Себеби уюштуруучулар шашыла ак фонго кызыл жолдун сүрөтүн тартып чыгарып алышкан болчу. Сырдуу кубулуштарга ишенгендер “ушул жерде эле ээрден кыйшайып, кандуу жол болуп калды” дешкен. Балким, бекеринен “Ак жолдун” депутаттары аянттагы 80дей жигиттин төгүлгөн каны менен кетпеген чыгар...

“АК ЖОЛЧУЛАРДЫН” АБИЙИРИНДЕ КАЛЧУ МЫЙЗАМДАР
ЖКнын акыркы чакырылышындагы депутаттар кабыл алган мыйзамдардын дээрлик бардыгы “Ак жол” партиясынын абийиринде. Анткени алар көпчүлүктү түзүп, калган эки партиянын 19 депутаты чыркырай каршы чыккан күндө да, алардын добушу чечүүчү мааниге ээ эмес эле.
Ысык-Көлдөгү 4 пансионат жана чек арадагы айрым тилкелер, анын ичинен айтылуу Каркыра жайлоосунун Казакстанга өткөрүлүп берилиши ушул партиянын депутаттарынын абийиринде кала берет. 2008-жылы 11-апрелде ЖК көпчүлүк добуш менен кыргыз-казак мамлекеттик чек ара жөнүндө келишимдин долбоорун ратификациялаган. Ушул эле күнү Ысык-Көлдөгү төрт пансионатты Казакстанга “тартуу” кылган. Аны 59 депутат колдосо, 17си каршы добуш берген. Аскар Акаевдин командасы Кытайга кеткен Үзөңгү-Кууштун айынан кызматынан кол жууса, Бакиев да анын кейпин кийди. Эсибизге жара чыкпаса, пансионаттар чыркырап казактарга кеткенде, анын артынан коңшу өзбектердин ажосу Ислам акебиз дагы көл жээгиндеги пансионаттарын биротоло өткөрүп алмай болгон.
2009-жыл электр энергиясы менен жылуулук баасынын заматта 5-10 эселеп көтөрүлүшү, ар бир уюлдук байланышка салынган “60 тыйындык салык” менен да эсте калды. Жок, эсте калды десек жеңил болуп калат. Бакиевдин, “Ак жолдун” бийлигинин ыргышына дал ушул чектен чыккан чечимдер себепчи болду. Ушул эле жылдын март айында Нарын облусундагы Ак-Сай жана Арпа жайлоолорунун айрым бөлүгү Кытайга өткөрүлүп берилери тууралуу имиштер тарады. Нааразы болуп чыккан элдин айбаты күчтүү болдубу, же кытайлар менен соодалашуу жакшы натыйжа бербедиби, кудай жалгап, бул жерлерибиз өзүбүздө калды.

КАНДУУ ОКУЯЛАР
2008-жылы сентябрь айында КСДПнын депутаты Жусупжан Жээн­бековдун уулу Бахтияр Амиражанов дайынсыз жоголуп, туугандары издей башташты. Анын сөөгү 2009-жылы июль айында Чоң-Кеминден табылды. Аны менен удаа эле 2008-жылы 3-октябрда КСДПнын депутаты Руслан Шабатоев дайынсыз жоголду. Туура бир жылдан кийин анын да өзү эмес, сөөгү Бишкекке жакын Байтик айылынан табылып, тапанчанын огунан каза тапкандыгы белгилүү болду.
Ал эми 2009-жылы 13-мартта президенттик администрациянын жетекчилигинен жылдын башында четтетилген Медет Садыркулов "жол кырсыгынан" каза тапты. Ушул эле жылдын 14-апрелинде “Ак жолдун” депутаты Санжарбек Кадыралиев үйүнүн жанынан атылып өлтүрүлдү.
Бул кырсыктарды “Ак жолго” та­ңуу­лагандан алыспыз, болгону, “ак жол­чулар” бийлеп турган кездеги кандуу окуяларды эске салдык. Ошентип, кечээ эле Бакиевдин ырын ырдагандар бүгүн түрдүү партиянын курамында эл аралап, убадаларды берип жүрүшкөн кези. Анткени алардын арасында кайрадан депутаттык креслодо чалкалап, кнопка басып отургусу келгендер толтура.

АРАКЕТ БОЛГОН, БИРОК АЯГЫНА ЧЫККАН ЭМЕС
Адилеттүүлүк үчүн айтып коюу керек, 2008-жылы пансионаттар Казакстанга "ура-ура" болуп берилип жатканда, бийликчил партиянын курамында болгонуна карабастан, "Ак жолдун" экс-депутаты Ибрагим Жунусов каршы чыккан. Добуш берүүдө да "каршы" деп добуш бергени байкалбай кеткен. Өзү бул ызы-чуулуу мыйзам тууралуу: "Ооба, ал мезгилде “Ак жолдо” экениме карабай бийликке каршы чыкканмын. Парламенттеги сүйлөгөн сөзүм интернет баракчаларында бүгүн да популярдуу. Мен ошол пансионаттардын Казакстанга 49 эмес, 9 жылга берилишине да каршы чыкканмын. “Эмне үчүн Акаевдин учурунда берилбегенди биз беришибиз керек?” деп айткам",- дейт.
Ал эми "Ак жолдун" отличницасы" деген лакап атка конгон экс-депутат Динара Молдошева дагы Каркыранын тагдыры Кыргызстанга эмес, Казакстандын пайдасына чечилип жатканда, мындай чечимди колдобогон. Анын айтымында, "Ак жол" партиясынын ичинде "бийликтин мыйзамын колдойсуңар" деген көрсөтмө болгон. "Ошого карабастан, чек ара маселесинде 11 депутат өз ара сүйлөшүп алып, колдогон эмеспиз. Анын дээрлик баары көлдүктөр болчу. Айта кете турган жагдай, Кубанычбек Исабеков дал ушул маселе боюнча добуш берилер күнү келбей койгон. Ачыгын айтканда, качып кеткен. Мен ачык эле “макулдугумду бере албайм” дегенмин",- деп Динара Молдошева өткөн күндү эске салат.
Каркыра менен пансионаттардан кийинки Бакиевдин бийлигинин чоң катачылыгы электр энергия жана жылуулуктун баасын көтөрүү болгону белгилүү. "Ак жолчулардын" анча-мынчасы каршы чыгымыш болгону менен, мурунку өкмөт башчы Данияр Үсөнов депутаттардын оозун жапкан.
Баасын көтөрүп жатканда унчукпай, кийин бюджетти талкуулоо учуру келип, эл асмандаган бааны 3 ай бою төлөгөн соң карт бөрү "ак жолчуларга" салыштырмалуу жаш депутат Максат Кунакунов алгачкы жолу тарифтер боюнча өкмөткө каршы сүйлөгөн. Бул окуя бийликтин кулашынын алдына төп келип калган. "Бийлик кулайт дебей эле ушул чечимге каршы чыккам. Анткени жаштар тарифтин кымбаттаганын калктын 70 пайызы колдобой турганын билдиришти. Ошондо Данияр Үсөнов “митингге каалаганча чыккыла” деген. Каршы чыкканым үчүн депутаттык мандатымды алуу маселеси козголуп, ал 7-апрель күнү каралмак болгон. Бирок төңкөрүш болуп кетти. “Ак жолдун” ичинде деле жашыруун оппозициялык күчтөр бар болчу",- дейт Максат Кунакунов.
Өзүңүз байкагандай, 3 жылдык доорунда "ак жолчулар" калкка каршы чечимдер боюнча бийликке сес көрсөтө алган жок. Карапайым калк "ак жолчуларды" азыр эмне үчүн жактырбайт? Себеби алар өлкөнүн кызыкчылыгына төп келбеген мыйзамдарды кабыл алууда саясий эрк көрсөтүп, элдин үнүн, үмүтүн бийликке жеткизип, таламын талаша албады. "Ак жолчулардын" ичинен бирөө дагы депутаттык мандатын көтөрө чаап, залдан чыгып кетүүгө батынышпады. Ушул жагдайлардын баары аларды "кара жол" деп аталууга түрттү.


КЫСКА СУРООГО КЫСКА ЖООП

Исхак Масалиев,
Коммунисттер партиясынын экс-депутаты:
– Сиз жетектеген партия Казакстанга берилген 4 пансионат жана жер тилкелер боюнча кандай добуш беришкен?
– Өзүм пансионаттардын казактарга берилишине “каршы”, ал эми чек арадагы талаш-тартыш жер тилкелери боюнча “макул” деген добушумду бергем. Анткени чек ара татаал маселе жана макулдукту берүүгө аргасыз элек. Менин оюмча, парламентте көпчүлүктү түзгөн “Ак жолдун” жоруктары келерки чакырылышта деле кайталанат. Басымдуулук кылчулар дагы деле чыгат. Себеби биздин саясатчылар ушуга үйрөнүп алышкан.

Дамира Ниязалиева,
КСДПнын экс-депутаты:

– ЖКда КСДПнын 11 депутаты бар болчу. Орчундуу маселелердин талкуусу учурун­да партиянын реакциясы эсиңиз­де­би?
– Албетте. Биздин партиянын эл өкүлдөрү Каркыра менен пансионаттарды Казакстанга өткөрүп берүүгө каршы болуп, жыйынтыгында добуш берүүдөн баш тартып, залдан чыгып кеткенбиз. Аны тастыктаган документтер азыр да бар.


“АК ЖОЛДУН” ӨКҮЛДӨРҮ АЗЫР КАЙДА?

Бир кездеги “Ак жол” партиясынын депутаттары экс-президент Курманбек Бакиевдин шарапаты менен чогуу иштеп келсе, азыркы учурда “Манас” эпосунда “бири кетти күнгөйгө, бири кетти Каңгайга” деп айтылгандай, туш тарапка чачырашты.

1. Чолпон Абдуллаева – “Акыйкат” партиясында.
2. Бейшенбек Абдырасаков – Кыргызстандын үй куруучуларынын партиясында.
3. Нургазы Айдаров – “Ата Журтта”.
4. Эрнаст Акрамов – “Содружестводо”.
5. Азамат Арапбаев – “Ата Журтта”.
6. Гүлнара Дербишева – “Акшумкарда”.
7. Ибрагим Жунусов – “Ата Журтта”.
8. Зиядин Жамалдинов – “Ата Журтта”.
9. Турдукан Жумабекова – Кыргызстандын үй куруучуларынын партиясында.
10. Кубанычбек Исабеков – Кыргызстандын үй куруучуларынын партиясында.
11. Динара Исаева – “Ата Журтта”.
12. Мария Исанова – “Бүтүн Кыргызстанда”.
13. Ажибай Калмаматов – “Ата Журтта”.
14. Жаныш Кудайбергенов – “Ата Журтта”.
15. Абдирейим Кулбаев – “Бүтүн Кыргызстанда”.
16. Максат Кунакунов – Либерал-прогрессивдүү партиясында.
17. Зайнидин Курманов – “Содружестводо”.
18. Адахан Мадумаров – “Бүтүн Кыргызстанда”.
19. Нарынбек Молдобаев – “Ата Журтта”.
20. Мелис Мырзакматов – Ош шаарынын мэри.
21. Орзубек Назаров – “Содружестводо”.
22. Бегалы Наргозуев – “Содружестводо”.
23. Улугбек Ормонов – “Бүтүн Кыргызстанда”.
24. Шарипа Садыбакасова 2007-жылга чейин лидери болуп келген “Кыргыз жери” партиясы жаңыланып, учурда ошол партиянын курамында.
25. Алтынбек Сулайманов – “Республикада”.
26. Лейла Сыдыкова – “Содружестводо”.
27. Рашид Тагаев – “Бүтүн Кыргызстанда”.
28. Арапбай Төлөнов – “Бүтүн Кыргызстанда”.
29. Бакыт Төрөбаев – “Республикада”.

Эльвира Караева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(12)
03.10.2010. 14:54 
Тайпасы:
Кыймылы жок
Комментарийлердин саны:
3
Катталган:
23-08-2010
Соӊку аракети:
24-06-2012 22:56
Жынысы:
Белгисиз
0
Алик байке Чолпон айымды Акыйкат партиясына кошпой эле койсонор болмок. Ушул гана бир кемчилик болуп калды!
03.10.2010. 17:59 
Тайпасы:
Кыймылы жок
Комментарийлердин саны:
14
Катталган:
26-09-2010
Соӊку аракети:
20-06-2016 23:28
Жынысы:
Белгисиз
Калаасы:
Кыргызстан Бишкек
0
Элибизде качан бийи бир, баатыры 1000 болот болду экен. Азыркы партиялардын баары элди ойлоп дагы койгон жок. Мен чыныгы шайлоо болушуна ишенбейм.
04.10.2010. 09:21 
Тайпасы:
Жаран
Комментарийлердин саны:
12
Катталган:
12-07-2010
Соӊку аракети:
02-03-2018 07:37
Жынысы:
Белгисиз
0
ata jurtjana respublika butun kyrghyzstan sodrujestvo betiner jokpu ..
ata jurttu tushunso bolot...alar bet tirmagandar...87 baldar sheyit ketti ...OShol Akjoldun ayinan ..Eldin baari bilet oshol maalda ATA MEKEN partiysi 1 orundu alganini alar oz deputat emes ele alar tilemchi bolup BAKIEVDIN artinan erchip jurgondor jo degende 87 balani oyloboysunarbi?je akcha ele kerekpi..men AKIYKAT partiyasina breyin degem birok bunu korup men ATA MEKEN partiyasina dobush berem.Kriminalga sogus
04.10.2010. 18:52 
Тайпасы:
Кыймылы жок
Комментарийлердин саны:
23
Катталган:
04-10-2010
Соӊку аракети:
08-10-2010 12:30
Жынысы:
Белгисиз
0
А эмнеге СДПК,Ата-Мекендин курамындагы Алгачы же АК-Жолчу депутаттар корсотулгон эмес, эмнеге СуперИнфо 1-2 айдан бери оппозицияда болгон Ата-Журт, Бутун Кыргызстан партияларына жабышып кара пиар колдонуп каралоонун аракетинде,айтканым калп болсо комментчилер айтышсын
04.10.2010. 18:56 
Тайпасы:
Кыймылы жок
Комментарийлердин саны:
23
Катталган:
04-10-2010
Соӊку аракети:
08-10-2010 12:30
Жынысы:
Белгисиз
0
апрелде шейит кеткендерге Бакиевдин да,убактылуу Окмот мучолорунун да тиешеси бар деп айтылып келет, ал эми бул окуяга Ата-Журт жана Бутун Кыргызстандын б.а. Камчы Ташиев менен Адахан Мадумаровдун кандай тиешеси болду экен булар ошол убакта жооптуу кызматта турушпаса
04.10.2010. 18:59 
Тайпасы:
Кыймылы жок
Комментарийлердин саны:
23
Катталган:
04-10-2010
Соӊку аракети:
08-10-2010 12:30
Жынысы:
Белгисиз
0
Ал эми июнь окуясынын эсебин ким сурайт, канчалаган кыргыз шейит кетти, буга ошол учурдагы Убактылуу Окмот мучолору жооп береби деги... Силер мактап жактаган Текебаев, Атамбаев, Отунбаева, Бекназаров ж.б. Алардын июнь окуясына катышы баарын баары билет!!!
05.10.2010. 12:26 
Тайпасы:
Тартип бузгандар
Комментарийлердин саны:
57
Катталган:
16-08-2008
Соӊку аракети:
23-01-2015 20:22
Жынысы:
Белгисиз
Калаасы:
Бишкек
0
Супер Инфо силер да бир жактуу маалымат берип жатасынар. Эл силердин гезитке гана ишенчу акыркы убактарда. Эми минтип силер да ишеничтен кеткени турасынар!
05.10.2010. 13:09 
Тайпасы:
Жаран
Комментарийлердин саны:
151
Катталган:
10-07-2008
Соӊку аракети:
18-10-2017 16:16
Жынысы:
Белгисиз
Калаасы:
Жомоктогу сепил сарай
0
elite, сиз айткан Ата-Мекен менен КСДПнын тизмесинде Ак жолчу жок! Ошондуктан жазылган эместир...
05.10.2010. 13:10 
Тайпасы:
Жаран
Комментарийлердин саны:
151
Катталган:
10-07-2008
Соӊку аракети:
18-10-2017 16:16
Жынысы:
Белгисиз
Калаасы:
Жомоктогу сепил сарай
0
elite, мен сизге кошулам, июнь окуясынын жоопкерлери балким азыркы бийлик кулагандан кийин айтылып калар күн да келер... :)
05.10.2010. 13:11 
Тайпасы:
Жаран
Комментарийлердин саны:
151
Катталган:
10-07-2008
Соӊку аракети:
18-10-2017 16:16
Жынысы:
Белгисиз
Калаасы:
Жомоктогу сепил сарай
0
Гулжигит, гезит кээ бир маалыматтар боюнча бир жактуу болуп жатышы ыктымал, бирок бул макала боюнча 3-фракциянын тең өкүлдөрү өз ойлорун билдириптир, демек бир жактуу деп айтууга болбойт го...
05.10.2010. 13:20 
Тайпасы:
Кыймылы жок
Комментарийлердин саны:
105
Катталган:
05-07-2010
Соӊку аракети:
28-09-2016 13:42
Жынысы:
Белгисиз
Калаасы:
Бишкек
0
Азыр партиялар колунан келбегендердин баарын айтып аны антем, муну минтем дейт Электро энергиядан баштап, Ипотекага, ж.б. га чейин, коробуз го 01.06.2011- ж. светтин арзандаарын.
06.10.2010. 11:18 
Тайпасы:
Кыймылы жок
Комментарийлердин саны:
82
Катталган:
18-05-2009
Соӊку аракети:
15-10-2013 14:39
Жынысы:
Белгисиз
0
Менин коркконум, булардын деле бир куну сасыткылары чыкпаса. Бир куну дал ушундай "кара жол" болуп калбаса. Себеби ишеничтен кеткен. баары бийликке келиш учун кандай гана нерселерди кылып жатат. Окунгонум эч ким патриот эмес, патриоттор колунда жок, бийлик жок отурат
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: