МУРДАГЫ ӨКМӨТ БАШЧЫ ФИНПОЛго СУРАККА ЧАКЫРЫЛДЫ

Мурдагы премьер-министр Мухаммедкалый Абылгазиев Экономикалык кылмыштарга каршы мамлекеттик кызматка суракка чакырылды. Бул тууралуу 21-октябрда аталган мекеменин басма сөз кызматынан кабарлашты.

Абылгазиев коронавирус пандемиясы учурунда Кыргызстанга гуманитардык жардам жеткирүү боюнча мурда козголгон кылмыш ишинин алкагында күбө катары чакырылганы айтылды. Финпол 20-октябрда Абылгазиевдин өлкөдөн чыгуусуна тыюу салган болчу.

Эскерте кетсек, буга чейин экс-саламаттыкты сактоо министри Космосбек Чолпонбаев пандемия учурундагы ишмердүүлүгүнө байланыштуу кармалып, тергөө абагына киргизилген.

Мухаммедкалый Абылгазиев “Кыргызтелекомдун” радиожыштык чырына байланыштуу быйыл июнь айында кызматтан кеткен.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 933, 22-28-октябрь, 2020-ж.