реклама
Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

АЛЫСТАГЫ ЖАРЫК

№933 22-28-октябрь, 2020-ж.


– Бирин-бири издеген адамдар көп. Кээде “жаңылыш эле табышып калыптырбыз” деп “аттиң” кылгандар андан да көп. Жүрөктөгүңдү таап алып, жаныңды кыйнаган азап менен жашагандар да бар. Ошолордун ичине мен да кирем. Мен сени бул дүйнөдө кезиктирбей калсам жакшы болмок беле деп ойлойм. Жок дегенде анда жашоомду улантуу үчүн бир себеп болмок. Же жок дегенде “мен издегенимди тапкан жокмун” деген өзүмдү-өзүм актоо болмок. Бирок тагдыр сага жолуктурду. Оо, сен анда жер баспай турган учуруң эле. Фанаттарың укмуш болчу. Супсулуу, ийгиликтүү болчусуң. Биздин курстагы кыздардын алдыңкы окуганы сен элең. Сени өзүмө каратып алыш үчүн эмнелерди гана кылбадым. Башында сен мага суз гана саламыма баш ийкеп өтүп кетчүсүң. Ансайын туталанып, мага маани бербей койгонуңа түтөп түрдүү жиндиликтерди кылчумун. Айлам кеткенде мага көңүлүңдү буруш үчүн жинди немедей бети-башымды бырыштырып маскарапоз болуп өтчүмүн. Ошол боюнча көңүл бурбай койсоң эмне? Азыр бычактай сайылып турган уятымдан көрө “мени карабай койгон” деген бир арман калса жакшы болмокпу дейм. Андай болбоду. Жарым жылдан кийин эмнегедир сен да мени көздөрүң менен издей баштадың. Кыздарың менен кетип баратып мени бир тиктеп өтчүсүң.

– Койчу, ай, сени карабайт!

– Убара болбочу...

– Тима, ал кыздын каалаганы такыр башка.

Досторум ушинтип айтышчу. Бирок бир керемет болду. Сен да мени сүйүп калдың. Мени! Эмнеге? Баш-аягы жок баскан мени, колунда 5 тыйыны жок мени, ата-энеси ажырашып кетип ар кимдин колунда өскөн мени сүйүп калдың. Азыркыга чейин таң калам. Аябай жакшы келечеги бар жигиттер артыңдан чуркап жүргөндө менден эмне таптың, байкушум?

– Сүйүү жок дешет көбү. Бирок анда сени көргөндө ичимден жыргап кеткендеги сезим эмне?- дедиң бир жолу.

– Жыргап кетесиңби?

– Ии, университетке киргенде сени издейм. Бир жерде турганыңды көргөндө ичимди калтыраткан бир сезим болот.

Калтыраган колдорум менен чачыңды сылайм. Сен меники экениңе дагы деле ишене албай, өөп жаткан кучагымдагы сен азыр эрип кетчүдөй ичим титиреп коркчумун. Кийин ишене баштадым. Андан кийин сен менден эч кайда кете албайт деген эрдемсиген сезим ойгонду. Биз акыркы курста кош бойлуу болуп калганыңды билдик.

Мен сени кайда алып барам? Апам менен атам ажырашып кетип, апам Орусияда эле. Ал жактан турмушка чыгып өзү менен өзү, атам бул жакта үй-бүлөсү менен. Мени таятам менен таенем баккан эле, алардын да көзү өтүп кеткен. Өз күчүм менен окууга өтүп, окуп жүргөн кезим болчу. Акыл сурай турган адамым жок эле.

– Үйлөнөбүз...- дедим оозум бош.

Ата-энеңдин каршылыгына карабай мага турмушка чыктың. Ата-эне биздин аркабыздагы чоң күч экен. Биз экөөбүз тең ал күчсүз калдык. Меники го башынан жок эле, сеники жөн эле чийип коюшту. Кайын энем менин түрүмдү бир карап эле жүзүн буруп кетти. Бир жолу үйгө келип кызын күңкүлдөп урушуп жатканын уктум.

– Жылтыраган сулуу жүзүнөн башка эч нерсе көрө алган жокмун мунуңдун. Сени кантип багат?

– Биз бирге бутубузга турабыз, апа.

– Сенин
акылың, жүрөгүң бар, кызым. Бирок менде тажрыйба бар. Ишеничиң акталса экен. Бирок “көрбөгөндүн көргөнү жаман” деген сөз бар.

Ушул сөздү мен азыр ичимден көп айтам. “Көрбөгөндүн көргөнү жаман”. Демек, сен туруктуу тарбия албасаң, рухуң ачка болсо, келген дөөлөттү көтөрө албайт экенсиң.

Ооба, мен кайындарыма аябай намыстандым. Эмне иш менен алек болгон жокмун. Эми уялбай эле айта берейин. Мен “Орто-Сай” базарында араба түрткөндөн иш баштагам. Бир ай болсо да түрттүм. Анан сооданын көзүн үйрөнүп орун алдым. Анан базардан эки орун алдым. Кудай оң көзү менен тиктеп турганбы, тез бутума турдум. 5 жылдын ичинде үй алдым, машина алдым, килейген мамлекеттик кызмат да сатып алдым.

Табият мага акыл жана жөн­дөм берген экен. Башында прес­тиждүү университетке өз күчүм менен кирип окуп кеткенимди айтпадым беле. Ошол жерден сени жолуктургам. Ошол кезде мен эң бактылуу көз ирмемдерди башымдан өткөргөн экем.

Кайненем айткандай, “көрбө­гөндүн көргөнү жаман” мен болдум. Ачыгын айтыш керек, көөп кеттим. Ырыскымды көтөрө албадым. Сени такыр эле көрбөй калдым. Мен муну азыр сезип жатам. Менин музам, менин сулуу жарым, кол жеткис жылдызым азыр жөн эле үй кожойкеси болчу. Иштетпей койдум. “Кызымды кара, жетет ошо” дедим. Экинчи наристелүү болууга да караманча каршы чыктым. Жаман акылымда “кызымдын келечегин куралы, быжыратып төрөп алгандай биз эски кишилер белек?” дедим. Ий, арым жок да. А сен балалуу болгуң келди. Сурандың. Жалындың. Азыр гана сага эмнеге экинчи бала керек болгонун түшүнүп жатам. Сен, көрсө, мен сенден алыстап баратканымды сезип, бала аркылуу бизге экинчи мүмкүнчүлүк болсун деген экенсиң. Мени эсиме келтире турган бир нерсени өз алдыңча издепсиң.

А мен ачык эле сенин көзүң­чө кыздар менен жазышып, жасанып чыгып кетип, каалаган күнү келбей баштадым. Ага да көз жумдуң. Мен ичкиликке, кыздарга, кумарга бериле баштадым. Иштерим жүрүшпөй калды. Аркамдан текшерүүлөр жүрө баштады, жыйынтыгында жумуштан алындым. Анда да эсиме келбедим. Ого бетер кыжырландым. Сага колум тийип, ооруканада өмүр менен күрөшүп калганга жеткирдим. Сен бир күнү жөн гана сотко барып ажырашуу тууралуу арыз жаздың.

– Мээң иштебейт сенин. 5 тыйыны жок студентке тий­генсиң. Азыр баары бар ийгиликтүү адамдан эмнеге ажырашып жатасың?- дедим жиним келип.

Сен мени бир таң каларлык көз караш менен карадың. Ал көздөр “ай, байкуш, ушунча жыл жашап мени билбеген экенсиң. Эми кайдан билесиң?” деп айтып жатты. Оозуң болсо араң кыбырады.

– Бир гана суранам. Кызыңа ата бол. Мага эбак эле күйөө болбой калгансың.

Өкүрдүм, бакырдым, кызымды алып качтым. Ажырашпаш үчүн эмнелерди кылдым? Баягы эң башындагы маскарапоз кейпиме түштүм. Бирок бул жолу жүрөгүңдү жылыта албадым. Биротоло жаап салыптырсың. Илмийген студент кезимде оңой эле жүрөгүңдү ачсам, бакыйган бизнесмен болуп, алдыңа дүйнөнү төшөп жатсам да ачылбады. Аны сезгенимде ого бетер жинди болдум.

Азыр ажырашканыбызга 2 жыл болду. Ушул эки жыл ичинде менин бактылуу болушум үчүн болгону сен керек экениңди түшүндүм. Андан да кызыгы – мен сен үчүн бутума турганымды билдим. Мен ушул жеңиштердин баарын сен үчүн жасаптырмын, көрсө. Сен жасаптырсың мени!

Бир күнү эмнегедир сенин сүйүп жеген таттууларыңды көрүп калдым. Алгым келди. Сүйүндүргүм келди. Үйгө алып келдим. Муздак үй каршылады мени. Кызым экөөңөр түшкөн сүрөттү боорума кыскан боюнча бир далайга отурдум.

Кызык, сен болсоң азыр мага эмне демексиң? Сен кандай болуп өзгөрдүң? Биздин жашообуздун жакшы көз ирмемдери бар, ээ? Ошолорду унутпа. Менин келесоо кылыктарымды такыр эстебе. Жаш кезибиздеги сонун күндөрүбүз менен эсиңде калайын. Анан да мүмкүн болсо, күчүң жетсе мени кечир!

Камсанаба, мен оңолом. Балким, турмуш курам. Бул жашоонун мыйзамы эмеспи. Бирок сенин жүрөгүмдөгү ордуң такыр башка. Ал жерге эч ким кире албайт. Жүрөгүм өзүмө караганда сага таандык. Аттиң дебейм. Сага жетиш мен үчүн кыял болчу. Жеттим, сонун турмуш курдук. Мен акмак болгончо экөөбүз бактылуу жашадык. Ата-энем да эмес, башка да эмес, мени сен жасадың. Караңгы дүйнөмдөгү бирден-бир жарыгым сенсиң. Ошол боюнча каласың. Алыстагы жарыгым!

Тимур



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
26.10.2020. 14:00 
Тайпасы:
Жаран
Комментарийлердин саны:
55
Катталган:
09-08-2012
Соӊку аракети:
01-12-2020 11:50
Жынысы:
Белгисиз
Калаасы:
Москва
+2
Кеч да болсо эсине келипсиз.ондоп кетиш учун азыр да кеч эмес.
26.10.2020. 14:01 
Тайпасы:
Жаран
Комментарийлердин саны:
55
Катталган:
09-08-2012
Соӊку аракети:
01-12-2020 11:50
Жынысы:
Белгисиз
Калаасы:
Москва
0
Кеч да болсо эсине келипсиз.ондоп кетиш учун азыр да кеч эмес
26.10.2020. 17:48 
Тайпасы:
Жаран
Комментарийлердин саны:
84
Катталган:
02-07-2019
Соӊку аракети:
01-12-2020 11:35
Жынысы:
Белгисиз
+4
Точно көрбөгөндун көргөнү курусун деген сага тиешелүү экен.
31.10.2020. 21:51 
Тайпасы:
Жаран
Комментарийлердин саны:
40
Катталган:
10-05-2017
Соӊку аракети:
01-12-2020 12:21
Жынысы:
Белгисиз
Калаасы:
Жер жузу
0
Aimani, мага дагы тиешелуу.
27.10.2020. 21:39 
Тайпасы:
Жаран
Комментарийлердин саны:
36
Катталган:
29-11-2014
Соӊку аракети:
01-12-2020 13:08
Жынысы:
Белгисиз
Калаасы:
Бишкек шаары
+3
Эркек барчылыкты,аял жокчулукту көтөрө албайт,деген сөз чын негизи.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24831;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: