Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КОЛТУКТУН ТЕРДЕГЕНИНЕН КАНТИП КУТУЛУУГА БОЛОТ?

№237 18-24-май, 2007-ж.


Колтуктун тердөөсү адамдарды бир топ ыңгайсыздыкка алып келип, түйшүктөнтөт. Алып айтсак, терге кошо жыттын чыгышы, кийимдердин колтук бөлүгүндө тактардын калышы, такты, жытты кетирүү максатында улам жуулгандан кийимдин өңүнүн өчүшү. Анан да тердеп жыттанган колтугу менен адам эл ичинде өзүн жаман сезип, элге кошула албай четтеп, психикалык жактан азап тартышы... Эмесе, сөз колтуктун тердөөсү, ага каршы каражаттар жана башкалар тууралуу болмокчу.

АДАМ ЭМНЕ ҮЧҮН ТЕРДЕЙТ?
Адамдын организминде 2 миллионго жакын тер бези бар. Алар жалпысынан бир суткада 600-900 грамм тер бөлүп чыгарышат. Кээде тер бөлүп чыгаруунун өлчөмү, мисалы, күн абдан ысыкта же адам кара күч эмгеги менен алектенгенде 1400 граммга чейин жетет. Мындан тышкары, тердин көп бөлүнүп чыгышына көп ичилген суусундуктар, бөйрөктүн оорусу, толкундануу, коркуулар да себепчи болот. Айта кетчү нерсе, эркектер аялдарга караганда 40 пайыз көп тердешет.
Тер бездери терморегулятордун, башкача айтканда, дененин оптималдуу температурасын кармап туруучунун ролун ойнойт. Ал эми көп тердөөнүн жана жыттын келип чыгышынын себебине келсек, ал төмөндөгүчө түшүн­дү­рү­лөт:
Адамдын терисин 182 миң түрлүү микроорганизмдер (микробдор) байырлайт. Мунун 100 миңден ашык түрү колтукта да кездешет. Микробдор нымдуу, ысык чөйрөдө бат көбөйүшөт да, терини, тери алдындагы безди сезгентишет. Ушундан улам тер көп бөлүнүп чыгып, жагымсыз жыттын чыгышын күчөтөт. Мындан тышкары, микробдор өздөрүнөн ар кандай калдыктарды бөлүп чыгарышат. Ал калдыктар да колтуктун жаман жыттануусуна алып келет. Тердин жыты адамдын ичкен тамагына да жараша болот. Мисалы, адам ышталган балык, сала, колбаса, пияз, сарымсак жесе, тер сасык жыттанат. Андыктан, көчөгө чыгаарда аталган азыктарды жегенден мүмкүн болушунча баш тарткан оң. Ал эми майлуу эмес күрүч тамактар, тамакка петрушканы, сабизди, сүт азыктарын колдонсо, тердегенде катуу жыттанбайт.

“ГИПЕРГИДРОЗ”
Ашыкча тердөөчүлүк медицинада “гипергидроз” деп аталат. “Гипергидроз”- латын сөзү. “Гипер”- “күчөө”, “гидро” – “суу” дегенди билдирет. Мунун себептери бир топ:
1) Дененин температурасын жөнгө салуучу симпатикалык нерв системасынын бузулушу. Мындай учурда тери бездери катуулап иштеп, адам азыраак иштегенде же азыраак эмоцияга алдырганда деле колтук тердей баштайт. Ал эми терде көбөйгөн микробдор жогоруда айтылгандай жагымсыз жыт чыгарышат.
2) Эндокриндик системанын (бөйрөк үстүндөгү без, жыныс бездери, калкан сымал без ж.б.) иштөөсүнүн бузулушу кирет.
3) Кан айлануунун бузулушу.
4) Зат алмашуу процессинин бузулуусу.
Ошондуктан, көп тердөөдөн кутулуу үчүн керектүү каражаттарды пайдаланганда да болбой көп тердөө улана берсе, сөзсүз дарыгерлерге текшерилүү керек экендиги белгилүү болду окшойт. Ашыкча тердөөдөн табигый жол менен тер бездери иштөө­сүн басаңдаткан мезгилде, тактап айтканда, 60-70 жаш куракта гана кутулууга болот.

ТЕРДӨӨГӨ КАРШЫ КАРАЖАТТАР
Дары-дармектер
Колтуктун тердөө­сү­нөн арылууну эң жөнө­көй каражаттардан баштоо туура. Мисалы, формедрон, цинк пастасы, Теймур пастасы. Булардын ичинен формедрон (гексометилентетрамин) аябай жакшы жардам берет. Мунун ампула жана эмульсиясы да бар. Сүйкөгөндө таасири 2-3 күнгө дейре жетет. Аталган дарылар колдонууда аллергия берүүлөрү да мүмкүн. Андыктан, этият болуу кажет.
Жогорудагы дары-дармектерден тышкары, глутаральдегид, танин менен да колтукту сүртүүгө болот. Бирок, бир жаман жери буларды узак колдонуу терини дүүлүктүрүп, аллергияга алып келүүсү мүмкүн. Антсе да кыска убакытка коркпой колдонууга болот.

Дезодоранттар жана аптиперспиранттар
Булардын курамындагы алюминий, цинк, темир жана башкалар тердин көп бөлүнүп чыгуусуна бөгөт коёт. Анын үстүнө, бактериялардын көбөйүшүнө жол бербейт. Курамында триклозан бар жакшы аптиперспирант терди, жытты узакка чыгарбайт. Жөнөкөйлөрүнүн тердин чыгышын аз убакытка гана чектөөгө күчү жетет. Терге каршы курамында трикзолан бар “Palmolive”, “Camei”, “Protex”, “Safeguard” жана балдар үчүн чыгарылган самындарын колдонуу да көп тердөөгө жеткизбейт.
Операциялык жолдор
Операциялык ыкмалар Кыргызстанда колдонулбаганы менен Россияда жана чет өлкөлөрдө көп колдонулат.
1-ыкма. Колтуктун түктүү бөлүгү тер бездери менен кошо алынып салынат. Натыйжасы жакшы, бирок, операциядан кийин тырык калат.
2-ыкма. Бул аспирациялык ыкма деп аталат. Ооруну сездирбөөчү каражатты пайдалануу аркылуу жүргүзүлөт. Атайын аппараттын жардамы менен колтуктун териси ич жагынан “кырылат”. Башкача айтканда, тери бездери кырылып салынат.
3-ыкма. “Ботокс” каражатын колдонуу. Дары атайын ийне менен колтуктун терисинин алдына жиберилет. Таасирдүүлүгү орточо эсеп менен 6 айга жетет.

ЭСИҢЕ ТҮЙ!
Терчилдик тубаса кемчилдик эмес. Ашыкча тердөө жогоруда айтып өткөндөй, ички органдардын оорусунун натыйжасында келип чыгат. Колоңсо бир адамдан бир адамга жукпайт. Эгер адамдын колтугунун териси “грибок оорусуна” чалдыккан болсо, анда адам көп тердеп, колтук аябай жыттанат. Ушундай оорусу барлардын кийимдерин башка бирөө кийсе гана анда кийим аркылуу грибок оорусун жуктуруп, тердеп, колтугу сасык жыттана башташы мүмкүн. Андыктан, башкалардын кийимин кийбөө керек.
Колтуктун гигиенасын ар дайым сактоо кажет. Колтуктагы түктөрдү терип же кырып туруу керек. Жайында ачык кийим кийип, синтетикалык кийимден баш тартуу оң. Жаткан, отурган бөлмөлөр дайыма желдетилип турушу шарт.

ИСЛАМ ГИГИЕНА ТУУРАЛУУ
Бул жаатында маалымат алуу үчүн “Дил мүрөгү” адеп-ахлах борборуна чалдык эле, борбордун кызматкери Чаманов Чыңгыз мындайча жооп берди: “Шариятта “колтуктан жаман жыт чыкпоосу жана жүдөбөшү үчүн эркектер да, аялдар да колтуктагы түктөрдү өстүрбөөлөрү керек” деп айтылат. Тазалаганда адам ыңгайына карайт. Мисалы, айына 2 жолу (15 күндө бир) терип же кырып, же кайчы менен кыркып туруусу керек”.
Гигиена тууралуу кененирээк маалыматтарды алгысы келгендер “Ислам өкүмү”, “Ислам ибадаттары” сыяктуу китептерди окушса болот. Өзүмдүн пикиримди билдирип кетсем, кырганда түктөр дагы көбөйүп кеткендиктен, кырккан оң дейт элем».

Даярдаган Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
23.11.2009. 10:58 
Тайпасы:
Кыймылы жок
Комментарийлердин саны:
63
Катталган:
12-10-2007
Соӊку аракети:
27-11-2012 19:52
Жынысы:
Белгисиз
Калаасы:
Кыргызстан
0
Формидрон дарысын колдонгондон мурун колтуктун жунун кыруу керекпи?
Формидрон колдонуп туруп дезодарант колдонсо зыян болбойбу?
04.05.2012. 09:40 
Тайпасы:
Кыймылы жок
Комментарийлердин саны:
140
Катталган:
16-05-2011
Соӊку аракети:
06-09-2016 10:59
Жынысы:
Белгисиз
Калаасы:
Бишкек
0
албетте тазалап туруп анан колдонуу керек формидрондун жыты укмуш аны кечкисин койуп эртен менен муздагыраак суу менен жууп анан дезодарант койуп кой болду
27.06.2012. 23:42 
Тайпасы:
Кыймылы жок
Комментарийлердин саны:
5
Катталган:
09-03-2012
Соӊку аракети:
27-06-2012 23:42
Жынысы:
Белгисиз
Калаасы:
Бишкек
0
Koydun opkosu da jitti ketirgenge jardam beret deyt chinbi? je imishbi?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: