Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«СЕРЕБРО» ТОБУ

№238 25-31-май, 2007-ж.


Белгисиз эле топтун күтүлбөгөн жерден пайда боло калып, ал тургай ”Евроведение-2007” эл аралык конкурсуна катышуу укугуна да ээ болгон “Серебро” тобу учурда көпчүлүктүн кызыгуусун арттырып турган убагы. Биздин өлкөбүздө да алардын күйөрмандарынын саны күндөн-күнгө өсүп жатат десек жаңылыштык болбос. Эгерде сизди дагы бул топтун кандайча пайда болгондугу тууралуу маалымат кайдыгер калтырбаса, анда төмөнкү макалага көз чаптырыңыз, урматтуу окурман!

ЖАҢЫДАН ТҮЗҮЛГӨН ТОП
«Атайлап акча табуу үчүн деле топ ачууну ойлоп тапкан жокмун, болгону жан дүйнөмө жагымдуу кумар тартуулоо максатында жаңы музыка жарата баштадым. Бул болсо Россия эстрадасында жаш топтун пайда болушуна түрткү болду» дейт топтун продюсери Максим Фадеев. Ай чырайлуу үч кыздан турган “Серебро” тобу мындан бир жыл мурун эле түзүлгөн болчу. Бирок, ал учурда курамы толук эмес эле. Биринчи ырдалып чыга турган ырлары, кыздардын сырткы келбети, сахнадагы жүрүм-туруму алдын ала пландаштырылганы менен ошол ойлорго төп келишкен кыздарды табуу бир аз кыйынчылыктады жараткан. Алгач Максим Фадеев Елена Темникованы “Фабрика звёзд-2” теледолбоорунан көрүп, талантына баа берген. Ошондон бери чыгармачылыгына колдоо көргөзүп келет, биринчилерден болуп топко да кабыл алат. Экөөлөп топко ылайыктуу ырчы кыз издөөгө киришип, Лена тааныш кыздарын сынакка чакыра баштайт. Алардын арасында Ольга Серябкина дагы бар болчу. Лена менен Ольга жакын курбулардан болбогону менен гостролдордун биринде таанышып калышкан эле. Кийинки ушундай жолугушууда Лена амалкөйлүк кылып, өзүнүн чөнтөк телефонунун камерасына Ольганы тартып алат. Бул тасманы продюсерине көргөзүп, сынакка чакырышат. Үнү келбетине дал келишкен сулуу кыз ушундай жол менен жаңыдан түзүлүп жаткан топтун курамына кошулат.
Ал эми Марина Лизоркинаны интернет аркылуу табышкан. Жаңыдан түзүлүп жаткан эстрадалык топко солистка кыз изделип жатканын уккан Марина дароо эле Максимге жолугушууга жөнөйт. Ырчылык өнөрдөн тышкары Фадеевдин өзгөчө талаптарына ылайык кыздар видео тасмага тартылып, бул жагынан да сынактан өтүүсү керек эле. Марина маектешүүдөн чыгаары менен эле уюлдук телефонуна өзүн тартып, телефонун кабылдамага калтырып кетет. Бир аз убакыттан кийин байланышып, топко кабыл алынгандыгы туралуу кабар алат. Мына ушундай жол менен “Серебронун” курамы толукталып, ыр жаздырылып, стилине ылайык костюм тиктирүүгө киришишет.
Максим көп ойлонбостон топтун атын “Серебро” деп коюуну сунуштаганда кыздар дагы бул сунушун колдоп беришкен. Ал эми дал ушул атты тандап алуунун себебин “күмүш – ден соолукка пайдалуу жана жеңил, кооз металл болгондуктан, биздин топ дагы жергиликтүү эстрадага чоң пайда алып келген, сахнанын көркү болсун деген тилек менен атаганбыз»,- деп түшүндүрөт топтун продюсери Максим Фадеев.
«Серебронун» кыздары продюсери менен болгон келишимде турмушка чыгуу тууралуу айтылбаганына карабастан, азырынча жеке турмуш курууну кийинки пландарга жылдырышууда.

“ЕВРОВЕДЕНИЕ-2007”
Европа өлкөлөрүндө бул конкурска катышуу укугун көбүнчө эч кимге таанымал эмес, бирок, таланттуу, келечеги бар жаштарды жиберүү салтка айланган. Анын сыңарындай, быйыл Россия өлкөсүнөн дагы аты чыга элек дал ушул жаңы топ “Евроведение-2007” конкурсуна катышты. Алгач бардык күйөрмандар тарабынан күмөн саноолорго туш болгонуна карабастан тез эле жүрөктөрүнө ишеним жаратып, колдоого ээ болушат. Максим топту бир аз кийинчерээк сахнага алып чыгууну пландаганы менен бул конкурска баруучулар арасындагы сынакка “Серебронун” репертуарындагы ырын сунуштап көрүүнү чечет. Калыстардын көңүлүнөн орун таап, бир добуштан өлкөсүн жактап конкурска барууга жолдомо алышат.
1956-жылдан бери өткөрүлүп келаткан бул конкурска Россия биринчи жолу 1994-жылы катышкан. Россиялыктардын конкурска катышуу тарыхына кайрылсак, 1997-жылы А.Пугачева өз өлкөсүнө 15-орунду алып келсе, Ф.Киркоров 1995-жылы 17-орунга илинген эле. Андан тышкары Наталья Падольская 15- орун, Юлия Савичева 11- орун, “Тату” тобу 3- жана Алсу менен Дима Билан 2-орундарды ээлеп кайтышкан эле. Ал эми быйыл “Серебро” тобунун тушоосу дал ушул конкурстан, миллиондогон көрүүчүлөр алдына кесилип отурат. Өз күйөрмандарынын купулуна толуп, дүйнөгө талантын даңазалап, “Евроведение-2007ден” катары менен тизилген 42 тепкичтин сербиялык Мария Серифович жана украиналык Верка Сердючкалардан кийинки үчүнчү катарынан орун алышты. Жаш болсо дагы ушундай бийиктикти багынта алган “Серебро” тобунун кыздары, учурда бир канча миңдеген жигиттердин жүрөгүн багындырып, дүйнө жүзүндө миллиондогон күйөрмандардын кызыгуусун арттырып турган учуру.

ЕЛЕНА ТЕМНИКОВА
1985-жылы 18- апрелде Курган шаарында төрөлгөн. Музыкага болгон кызыгуусу беш жашында ойгонуп, скрипка ийримине катыша баштайт. Кызыктуусу, ошол учурда Лена ийримге бир гана өзүнүн устатынын бутун көрүш үчүн барчу экен. Анткени, бутунун көлөмү аябай чоң болуп, башкалардыкына окшобогондуктан, аны карап отурууну жактырчу. Мына ушундай жол менен музыка жолуна түшкөн Еленаны азыр ийримдерге катышып, билим алууга да убактысы жок. “Керек болсо, досторум менен жолугушууга дагы мүмкүнчүлүк жок болгондуктан, түнкүсүн уйкумду бөлүп, алар менен болуума тура келет, анткени, уйкудан да мага курбуларым кымбат” дейт жаш ырчы Лена. Андан тышкары кичине кезинен эле китеп окуганга жакын болгондуктан, бош боло калса эле китеп кармап, сулуулук салондоруна барууга, саунада эс алууга аракеттенет. Жеке жошоосунда үй бүлө күтүүдөн коркот, себеби, мүнөзү оор болгондуктан деги эле башка адамга баш ийүү, тамак даярдоо, анын кирин жууп, жумушун аткаруу деген Лена үчүн чыдагыс кордук. Ал жашоосунда баш ийүүгө караганда башкарууну көбүрөөк жактырат. Акылсыздыктан башканын баарын кечирүүгө кудурети жетет. Ошондой эле сахнада ырдоодон, машина айдоодон, интернет чаттарда сүйлөшүүдөн кумар алат. Келечекте дүйнөнү багындырган ырчы болууну самайт. Елена Темникова көпчүлүккө “Фабрика звёзд-2” теледолбоорунан таанымал экендигин айта кетели.

МАРИНА ЛИЗОРКИНА
Москва шаарында туулуп өскөн. Жеке жашоосунда машина айдоого кызыгат. “Эки күн руль кармабай калсам кадимкидей сагынып калганымды байкайм. Андан тышкары, сүрөт тартуу менин бала чагымдан берки алектенген хоббим” дейт өзү жөнүндө Марина. Башкалардан айырмаланып, күнүмдүк жашоодогу көрүнүштөрдү сүрөткө чагылдырбастан башка дүйнө­нүн сырларын тартууну жактырат. “Бул сүрөттүн маанисине эч ким түшүнбөгөнү менен ар кимиси өзүнүн жашоосунан бир үзүндү тапкандай таңдана карашат жана жан дүйнөсүнөн жаңылык табат” дейт өзүнүн дагы бир өнөрү тууралуу ырчы. Адамдардагы мыкаачылыкка нааразы, анткени, жаныбарларды сүйгөн адам болгондуктан, алардын кыйналып жатканын өзүнүн кыйналганына салыштыра берет. Андыктан, мындай жоруктардан алысыраак эле болууга аракеттенет. Ошондой эле жашоонун бардык бурулуштарына түз көз карашта болуп, эмне гана болбосун аны күч менен жеңүүнү көздөйт. Марина Лизоркина топко келгенге чейин Эстрада-Джаз академиясын бүтүргөн. Анын “Формула” тобунун мурунку солисткасы жана “Обречённая стать звездой” телесериалынын саундтректин аткарган ырчы экендигин эсиңиздерге сала кетели.

ОЛЬГА СЕРЯБКИНА
Ольга Серябкина 1985-жылы 12-апрелде Москва шаарында төрөлгөн. Жети жашынан баштап эле кече бийлери менен алектене баштаган. 17 жашында спорт чебери наамына ээ болуп, эл аралык жарыштарга катыша баштайт. Искусство мектебинин эстрадада ырдоо бөлүмүн аяктаган. Кийинчерээк чыгармачылыктан бир аз алыстап, 2006 - жылы котормочулук кесиби боюнча жогорку билимге ээ болот. Айта кетчү нерсе, Ольга жеке жашоосунда күрөшкө кызыгат. Андан тышкары, бийлегенди, спорт менен машыкканды жактырган шок кыз. “Серебро” тобуна келээрден мурун белгилүү ырчы Ираклинин бий тобунда бийлечү экен.

Даярдаган Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: