Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГЕПАТИТ – ДАРЫЛАБАСА ЦИРРОЗГО, РАККА ӨТҮП КЕТЧҮ ДАРТ

№414 8-14-октябрь, 2010-жыл.


Гепатит жугуштуу оору экендиги илгертен маалым. Аталган оору тууралуу суроолорго жооп издеп, КММАнын балдардын жугуштуу оорулары кафедрасынын доценти Дамирахан Чыныевага кайрылдык.

ТҮРЛӨРҮ
Жугуштуу гепатиттин 7 түрү бар. Алар түрдүү себептер менен келип чыкса да, негизги белгилерине саргаруу жана боордогу оорутуу кирет.

А ГЕПАТИТИ
Жугуу жолдору
А гепатити (мурун Боткин оорусу, сарык деп аталчу) калган түрлөрүнүн ичинен эң жеңил түрү болуп саналат.
Тамак-аш жана буюмдар (сүлгү, идиш-аяк, оюнчук ж.б.) аркылуу жугат. Аталган нерселерге оорулуудан вирус түшүп калса, аны колдонгондорго оорунун жугуу коркунучу бар.
Белгиси
Белгилерине дене табынын көтөрүлүшү (37-380), аздан жөтөлүү, мурундун бүтүшү, тамакка табиттин жоголушу, көңүл айлануу менен кусуу, ичтин оорушу кирет. Заң агарып, зааранын түсү сыранын өңүнө окшошуп калат. Боор менен көк боор чоңоёт. Оору белгилери билингенден 4-7 күн ичинде дене саргайып кетет. Башкача айтканда, көздүн тегереги, тилдин асты, таңдай саргаят. Саргаюунун белгилери 1-2 апта туруп, анан жоголот. Чоңоюп кеткен боор, көк боор калыпка келет.
Эскертүү: А гепатити 3 түрлүү өтүшү мүмкүн:
1) Гепатиттин белгилери аз билинген түрү;
2) саргаюу күтүлбөгөн түрү;
3) белгиси жок (саргаюу да жок) түрү.
Гепатиттин А түрүндө диагноз коюу кыйын, ошол эле учурда чөйрөдөгүлөргө жугуу коркунучу чоң.

Е ГЕПАТИТИ
Жугуу жолдору
Суу, тамак-аш, оорулуунун буюмдарын колдонуу (сүлгүсү, оюнчугу, идиш-аягы ж.б.) аркылуу жугат. Суу аркылуу жукканы көбүнчө суу түтүктөрү жок болуп, арыктан, каналдан суу ичкен айылдарда кезигет.
Белгиси
Белгилери А гепатитине окшош. Бирок кош бойлуу аялдарга коркунуч келтирген жагы бар. Анткени оорунун вирусу бойдон түшүүгө, кандын токтобой калышына жеткирет. Бул каза болуп калууга дейре алып келет.

В ГЕПАТИТИ
Жугуу жолдору
Жыныстык катнаш жана кан аркылуу жугат. Энеден түйүлдүккө өтүшү мүмкүн. Кан аркылуу көбүнчө баңгилер арасында булганган шприц, стоматологияда тиш жулдуруу, ал эми тату салондорунда булганган аспап аркылуу жугат. Мындан тышкары кан болуп, бирок таза жуулбай калган сакал алгычты, тиш щётканы башкалар колдонгондо жугуп калат. Кулак, оозду көзөткөндө (пирсинг), маникюр, педикюр жасатканда да кан болгон аспап таза жуулбай колдонулса, вирустун жугуу коркунучу бар.
Белгиси
Дене табы көтөрүлөт, адам шалдырап, көңүлү айланып, кускусу келет. Кээ бирлерде майда бүдүрлөр чыгышы мүмкүн. Боор, көк боор чоңоёт. Зааранын өңү сыраныкындай болуп, заңдын түсү агарат.
Дене саргаят. Гепатит Ада саргаюу пайда болгон соң оору жеңилдесе, бул түрүндө адамдын абалы оңолбойт. Боор чоңоё берип, адам 1-2 айга чейин ооруйт.
Эскертүү: В гепатитинин коркунучу – вирусту кан аркылуу жуктуруп алган адам өмүр бою оорунун булагы катары кала бергени.

С ГЕПАТИТИ
Жугуу жолдору
Көбүнчө баңгилер, гомосексуалдар арасында кездешет. Эл ичинде “ласковый убийца” деп аталат. Кан жана кан куюу аркылуу жугат. Баңгилерде шприц аркылуу тарайт. Энеден түйүлдүккө өтүшү мүмкүн.
Белгилери
Оорунун белгилери В гепатитине дээрлик окшош.
Убагында дарыланбаса, вирус­ту жуктуруп алгандардын 70-80 пайызында оору өнөкөткө айланып, циррозго жана боордун рагына өтүп кетет.

Д ГЕПАТИТИ
Жугуу жолдору жана белгилери
Бул өз алдынча оору катары кездешпейт. Сөзсүз түрдө гепатит В түрүн коштоп жүрөт. Демек, В гепатити менен ооругандарга Д гепатити да жабышат.
Вирустун жугуу жолдору жана белгилери дал эле В гепатитине окшош. Айырмасы, саргаюунун белгилери кетти дегенде эле, кайрадан саргаюу башталат. Башкача айтканда, адам айыгып баратып, оору кайрадан кармайт. Андыктан адамдын абалы өтө начарлайт. Оорунун айынан адам комага түшүп калышы мүмкүн.

G ГЕПАТИТИ
Жугуу жолдору, белгилери жагынан В, С гепатитине окшош. Бирок С гепатитиндей анчалык оор эмес. Тактап айтканда, ооруну жуктуруп алгандардын 20дай пайызында гана боордун рагы жана цирроз өнүгөт.

F ГЕПАТИТИ
Гепатиттин бул түрүнүн жугуу жана өнүгүү жагы өтө аз изилденген. Антсе да белгилери А гепатитине окшош экендиги маалым. Оорунун козгогучу былжыр кабыкчаларда көбөйөт.

ДИАГНОЗ ЖАНА ДАРЫЛОО ЖОЛДОРУ
Диагноз үчүн оорулуунун абалын текшерүү, кан тапшыртуу, УЗИге түшүрүү жана башкалар керектелет.
Дарылоодо гепатиттин бардык түрүндө мүнөздөп тамак ичүү сунушталат. Андыктан майлуу тамактарды (манты, лагман ж.б.) унутуп туруу керек. Гепатиттин А түрүндө мүнөздөп тамак ичүү 6 айга, калган түрлөрүндө 1 жылга дейре созулат.
А гепатитин гана үй шартында дарылоого болот. Калган түрлөрүндө сөзсүз ооруканага жатып, дарылануу зарыл.
Оорунун курч мезгилинде адам баспай, чуркабай, тынч абалда жатышы кажет. Вирустун уусун боордон тазалоо максатында табигый суюктуктарды (компот, минералдык суу ж.б.) көп ичүү керектелет. Витаминдер, тамчылатма дарылар да жазылып берилет. Оорунун вирусуна каршы күчтүү каражаттарды да кабыл алуу сунушталат.
Тамак-аштын катарынан жумуртка, бал муздак, торт, таттуу токочтор, койдун эти, тоок­тун саны (окорочка) дегендер алынып салынат. Анын ордуна тооктун эти (териси сыйрылат), уйдун майсыз эти колдонулат. Уйдун этин бир сыйра кайнаткан соң анын шорпосун төгүп салып, экинчи жолу кайнаган шорпосун ичүү керек.

ООРУНУН АЛДЫН АЛУУ
Жаш балдар арасында оору биринин сагызын бири чайнаганда, "Чупа-Чупстарды" биринен кийин экинчиси соргондо жугат. Балдар мекемелеринде, бакчада, мектепте идиштер жакшы жуулбай калса да оорунун тароо коркунучу өсөт.
Оору жукпашы үчүн көчөдөн колдон сатылган тамак-аштарды сатып жебөө, бирөөнүн сүлгүсү менен идишин, тиш щёткасын колдонбоо керек.
Газдалган сууларды саткандар да стаканды жакшы чайкабай койсо, оору жугат. Андыктан ата-энелер балдарына жеке гигиена эрежелерин жакшылап үйрөтүүлөрү зарыл. Чоңдор болсо өздөрү менен кошо балдарды оорудан сактоо милдетин эч качан унутпоолору керек. Ал эми жаман өнөкөтү барлар (көбүнчө баңгилер) алардан арылууну көздөгөндөрү оң.
Суу түтүктөрү жок айыл жерлеринин эли өкмөттөн суу чыгарып берүүнү талап кылып, суунун тазалыгын көзөмөлдөөлөрү зарыл. Суу чыккыча болгон сууну кайнатып колдонуп, чийки сууну ичпөө, колдонбоо керектигин унутпоолору кажет.

Канымжан Усупбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
11.10.2010. 02:51 
Тайпасы:
Кыймылы жок
Комментарийлердин саны:
32
Катталган:
09-10-2010
Соӊку аракети:
19-03-2015 12:22
Жынысы:
Белгисиз
Калаасы:
г Калининград
0
Супер Инфо силерден сураныч кайсы момо жемиштерде кандай витаминдер бар ошону жазгылачы???!!!
12.10.2010. 19:45 
Тайпасы:
Кыймылы жок
Комментарийлердин саны:
42
Катталган:
25-08-2010
Соӊку аракети:
25-08-2014 12:51
Жынысы:
Белгисиз
Калаасы:
kubafinnka
0
Gepatit dese ele inimdi estei berem. Ech kim oorubasin,den sooluk eng manilyy
22.08.2012. 19:49 
Тайпасы:
Жаран
Комментарийлердин саны:
110
Катталган:
04-02-2011
Соӊку аракети:
13-01-2018 00:18
Жынысы:
Белгисиз
Калаасы:
Ростов-на-Дону
0
Аборт кылганда да жугат
28.04.2013. 16:09 
Тайпасы:
Түйүлдүк
Комментарийлердин саны:
28
Катталган:
19-04-2013
Соӊку аракети:
25-01-2015 16:30
Жынысы:
Белгисиз
Калаасы:
Ош обл
0
менин балам 3ай мурда сарык болду эле Азыр да козу саргайып карегине чел кабык туруп калыптыр Бул Эмнеси же козу ооруп жатабы?
21.09.2016. 09:35 
Тайпасы:
Кыймылы жок
Комментарийлердин саны:
1
Катталган:
23-05-2016
Соӊку аракети:
02-03-2018 18:32
Жынысы:
Белгисиз
0
Гепатит а менен ооруса лечения кылбаса башка туруно отуп кетиши мумкунбу в с туруно
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: