Архив
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

«Эң сексуалдуу актёр» титулунун ээси ЛИ ДОН УК

№936 12-18-ноябрь, 2020-ж.


Ли Дон Ук Чежудо аралында деңиз бойлой басып кыялданганды, табият коюнунда эс алганды жактырат. «Хоббиң эмне?» деп сураса «эч нерсе кылбай диванда отуруу» деп маектешин күлдүргөнү бар. Экранда көп ирет романтик адамдын образын жаратканы менен, жашоодо өзүн романтиктердин катарына кошпойт. Баскетбол, футбол, таэквондо, сноубордго болгон кызыгуусу анын чымыр денелүү, келбеттүү мырза болушунун себептеринин бири. Күйөрмандарына кызыктуу образдарды тартуулап келген актёр Ли Дон Ук бүгүнкү макалабыздын башкы каарманы.

Туулган жери – Түштүк Корея, Сеул шаары

Туулган жылы – 1981-жыл, 6-ноябрь

Бою – 184 сантиметр

Үй-бүлөдө – 2 бир тууган, карындашы бар

Кесиби – Актёр, модель

Тартылган белгилүү тасма, сериалдары – «Менин сүйлөшкөн кызым», «Отель падышасы», «Ынак мамиле», «Ички сулуулук», «Гоблин», «Сенин жүрөгүңө жете алсам...», «Кумихо жөнүндө жомок» жана башка.

ЖӨНӨКӨЙ ШАРТТА ЧОҢОЙГОН ЖӨНӨКӨЙ АДАМ

Бүгүн ал ийгиликтүү адам, дүйнөгө белгилүү актёр. Ли Дон Укту жакындан тааныгандар анын жөнөкөйлүгүн, «жылдыз оорусуна» кабылбаганын айтышат. Балким, бул сапат анын балалыгындагы оор учурлардан улам сакталса керек. Дон Ук Түштүк Кореянын борбору болгон Сеул шаарында жашаган ынтымактуу, бактылуу үй-бүлөдө жарыкка келген. Ата-энеси баласына каражаттын жетишсиздигинен улам каалаганын алып бере албаса да, мээримге бөлөп чоңойтушкан. Карындашы төрөлгөндө кубанган агасы «карындашым батыраак чоңоюп, күйөөгө тийсе, мен анын үлпөт тоюна барам» деп балалык баёо оюн айтчу. Ага кинодон көргөн жаштардын үлпөт тою, кийимдери, майрамдык маанай абдан жагар эле.

Борбор шаарда жашоо шарт кымбатка туруп, айла издеген үй-бүлө айылга көчүп кеткен. Айылдын тынч жашоосу, көчөдө ээн-эркин ойногон балалык Дон Укка жакчу. Өзгөчө кечкисин айыл эли чогулуп кары адамдардын акыл-насаатын, кызыктуу окуяларын угуп, тамашалашып отурган учур сонун эле. Ал мына ушандай жөнөкөй шартта чоңоюп, жөнөкөй боюнча калды.

КӨП КҮТТҮРГӨН ИЙГИЛИК

Жогорку окуу жайына тапшырарда чыгармачылык багытты жактырып, киноискусство адистигин тандайт. 18 жашында алгачкы ирет роль алып, «Мектеп» сериалынын экинчи бөлүгүндө эпизоддук ролго тартылган. Андан кийинки 6 жыл жаш актёр үчүн театрларда, айрым кино, сериалдарда эпизоддук ролдорго тартылуу менен эле өтүп кетти. Дон Ук күткөн ийгилик 2005-жылы келип, ал баш каармандын образын жараткан «Ханойдо жашаган колукту» жана «Менин сүйлөшкөн кызым» сериалдары жогорку рейтингдерге жеткен. Популярдуу сериал менен кошо «жаңы жылдыз» жаралып, Ли Дон Уктун аты ар бир «үтүктөн» чыгып, анын сүрөтү көп кыздардын бөлмөсүндө илине баштаган. Мурда эпизоддук роль сунуштаган кинорежиссёрлор эми баш каармандын ролун сунуштаган сценарийлерин көтөрүп Дон Уктун макулдугун алуу үчүн кезекке туруп башташкан. Ал тартылган «Ынак мамиле» боевиги өзүн 3 эсе актап, эң кассалуу тасмалардын эле катарына кирбестен, баш каарманга дүйнөлүк атактуулук да алып келген.

ФАНТАСТИКАЛЫК ТАСМАЛАРГА КӨП ТАРТЫЛАТ

Байкасаңыз, Ли Дон Уктун фильмографиясында фантастикалык образдар көп. 2006-жылы чыккан ужас жанрындагы «Аран» тасмасы биздин каарманды жаңы амплуада көрсөттү. Романтикалык образ ээси драмалык ролдорду да мыкты аткарарын далилдеди. «Темир адам», «Ички сулуулук», «Гоблин» сериалдары фантастиканы жактырбаган көрүүчүлөрдү да өзүнө тарта алды. Айрыкча «Гоблин» сериалындагы өлүм кароолчусунун (жнец смерти) ролу өзүнө абдан жарашкан. Сериалдагы өнөктөшү актриса Ю Ин На экөөнүн ортосундагы «химияга» кызыккандар көп болуп, экөө жаңы «Сенин жүрөгүңө жете алсам...» дорамасына тартылып, ал жакта бактылуу түгөйлөрдүн образын жаратышкан. Учурда Дон Ук кайрадан фантастикалык дорамага тартылып, сериал сүйүүчүлөрүн экран алдына байлап турган чагы. Эгер сизге фантастика жакса, анда «Кумихо тууралуу жомок» дорамасын көрүңүз.

СЫЙЛЫКТАРЫ

20 жылдык актёрдук карьерасында Ли Дон Ук көптөгөн кино сыйлыктарга ээ болду. Коомду тарбиялоо, кайрымдуулук иштери, маданиятка кошкон салымы үчүн «Жыл адамы» да аталды. Актёр азыр 39 жашта. Популярдуу болгондон баштап моделдик кесипти да аркалап келген Дон Укка учурда да суроо-талап күч. Мен-мен деген дүйнөлүк бренддердин, компаниялардын жүзү болуп келет. Ак жуумал жүзү үчүн күйөрмандары аны «сүт бала» деп эркелетишет. Узун бойлуу, мыкты спорттук дене түзүлүшкө ээ, келишимдүү актёр бир нече жолу «Эң сексуалдуу актёр» титулун алган. Ага бул титулду керек болсо азыр колуна карматкысы келгендер да көп.

СҮЙҮҮ ЖАШКА КАРАБАЙТ

2012-жылы бир маегинде белгилүү актриса, ырчы, модель Сюзи «идеалдуу мырза деп кимди эсептейсиң?» деген суроого «актёр Ли Дон Укту» деп жооп берген. Ошол кездеги тамаша-чыны аралаш жооп 2018-жылы чындыкка айланып, Ли Дон Ук менен Сюзи кыз-жигит деген маалымат дүң эткен. Бир иш-чарадан таанышып, махабат оту тутанган түгөйлөрдү колдогондор да, «өзүнөн 13 жаш улуу адам менен мамиле курду» деп Сюзини сындагандар да чыккан. «Сүйүү жашка карабайт» деген принципти карманган түгөйлөрдүн мамилеси 4 айга гана созулуп, кайсы кара мышык аралаганын ким билсин, экөө эки башка жолго түшкөн. Ли Дон Уктун Сюзиден башка мамилеси ачыкка чыга элек. Ал эми Сюзи болсо бир нече жыл белгилүү актёр Ли Мин Хо менен кыз-жигит болгону белгилүү.

Асыл Орозбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
24796;
 
Маалымат-маанайшат порталы
2006-2020 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: