Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Канатбек Сыдыгалиевдин жубайы Айжан: «БРАЗИЛИЯДАН ФУТБОЛ КӨРҮҮНҮ ЭҢСЕЙБИЗ»

№414 8-14-октябрь, 2010-жыл.


Жан шерик

“Бакыт деген эмне?” деп суроо узатканымда, бул түгөйлөр кучагында талпынып турган баласы Жоомартты көрсөтүп, “бул күнгө чейин ансыз кантип жашап келгенибизди билбейбиз” дешти. Кичинекей Жоомарттын атасы кикбоксчу Канатбек Сыдыгалиев жана апасы Айжан биздин “Жан шерик” рубрикабыздын коноктору.

ТАТТУУ ТҮГӨЙЛӨР ЖӨНҮНДӨ

  • Айжан 27 жашта. Кесиби боюнча экономист.
  • Канатбек 32 жашта. Кесиби боюнча экономист.
  • Канат Айжандын “С любовью” деген жазуусу бар кымбат баалуу саатын жоготуп алганына дайыма өкүнөт.
  • Экөө кийимди дүкөнгө барып чогуу тандашат. Кийим тандоодо да бири-биринин ою өтө маанилүү.
  • Экөө тең юморду сүйгөн, бири-бирине тамашалашып гана сүйлөгөн түгөйлөрдөн.

– Маегибизди уулуңуздардын ысымынан баштайлы. Жоомарт деп улуу акындын, чоң таятасынын урматына коюлса керек...
Канатбек: – Ооба, уулумдун ысымы чоң таятасы, белгилүү акын Жоомарт Бөкөнбаевдин урматына коюлган. Төрөт үйүндө уулумду колума алганда алаканы ачык турганын көрүп, “ой-бой, балам берешен, март жигит болот окшойт. Жоомарт деп атабайлыбы?..” деген сөз оозума салып койгондой өзү эле чыгып кетти. Бул Айжанга да жакты, анан туугандардан уруксат алып, таятасындай залкар инсан болсун деген ниетте койдук.
– Билишимче, бала жытын көп күттү­ңүздөр...
Айжан: – Бала деген ушундай таттуу болорун үч жыл мурун билгенде, ошондо эле ашыкпайт белек?! Кана (жолдошун ушундай атайт экен) экөөбүз материалдык жана моралдык жактан даяр болгондо балалуу бололу деп пландаганбыз. Мындай планыбыз үч жылга созулганын өзүбүз да байкабаптырбыз.
– Айжан, Жоомарт түнкүсүн ойгонуп ыйлаганда атасы карайбы?
– Карабагандачы, Кана аябай баласаак. Дабышын укканда ыргып туруп, дароо эле памперсин алмаштырып кирет. Негизи эле “сен аялсың, сен кылышың керек” деп жумуштарды эч качан бөлбөйт.
– Таарыныша кеткенде кимиңер биринчи жарашууга кадам таштайсыңар?
К: – Кээде болбогон нерсеге эле таарынышып кетебиз да, кайра жарашуунун айласын таппай, экөөбүз тең кыйналабыз. Бирок эки саат өтүп-өтпөй байкабай сүйлөп алабыз да, бири-бирибизди карап күлүп, кечирим сурап киребиз.
– Айжан, айтсаңыз, жолдошуңуз убактысын көбүнчө үйдөн өткөрөбү же машыгуу залындабы?
– Уулубуздун төрөлгөнү экөөбүздүн тең жашоо образыбызды өзгөрттү. Азыр ал үйдөн чыккысы келбейт. "Аз да болсо кичинебиз менен ойноп алайын" деп бара турган жерине кечигип барат. Залга барып машыгып турат, бирок көбүрөөк убактысы биз менен өтөт.
– Жашоо өзү даңгыр жолдон турбайт да, бир жеринде сөзсүз чуңкуру бар. Сурайын дегеним, төрт жылдык бирге сүргөн өмүрүңүздөрдө кыйынчылык болсо керек. Аны кантип жеңдиңиздер?
К: – Албетте. Ансыз кантип болсун? Биз “бирге болуш үчүн баарына чыдайбыз” деп сөз бергенбиз. Экөөбүз баш кошкондо мен спорттон кеттим, Айжан жумушсуз калды. Кыйынчылык башка түштү. Анын айынан жакшы-жаман сөздөр кээде ооздон чыгып кетип жатты. “Бири-бирибизге карап, бул убактылуу кыйынчылык. Мунун баары артта калат. Жакшы күндөр дале алдыда” дечүбүз. Анан алдыга план коюп, анын үстүндө иштеп, ал кыйынчылыктарды жеңдик окшойт.
– Айжан, мушкер сизди эмнеси менен арбап алды?
– Экөөбүздү курбу кызым тааныштырган. “Канат дегени бой көтөргөн, өзүн жылдыз сезген бирөө болсо керек” деп элестеткем. Жок, такыр башка адам маңдайымда отурду. Жөнөкөй, мага анын сүрдөп, уялып карай албай көзүн жерге салган сапаты бир көргөндө эле жаккан.
– Анан тез эле тил табышып кетти­ңиздер...
– Таанышканыбыздын эртеси ал үйүнө, Таласка кетти. Ал жактан келгенде мага асыл таштуу жасалганы алып келип: “Муну “Манас-Ордодон” алдым. “Сүйгөнүмө эмне белек берсем болот?” дегенде ушуну көрсөтүштү”,- деп сунду. Мен ичимден “сүйгөнүм дейби?!” деп таң калып, бирок унчуккан жокмун. Өзүнүн сезимин ошентип билдирип жүрдү, бирок мен жооп берген жокмун. Анын тырышчаактыгы, дайыма жаңы нерсени үйрөнүүгө умтулганы, өжөрлүгү, өз күчү менен ийгиликтерге жеткени абдан жакчу. Андан да анын адамдык сапатын өзгөчө бааладым. Канаттын колумду кармоодон да кысынып турганы анын тарбиясынан кабар берер эле. Азыркы жаштарды көрүп кээде таң калам. (Ушул жерден Айжан Канат мырзага кайрылып, “айта берейинби?” деп уруксат алып, анан жаштарга үлгү болсун деген максатта бир кызыкты айтып берди.) Биз кыз-жигит болуп сүйлөшүп жүрүп, жарым жыл дегенде өбүшкөнбүз.
– Ата-энеңиз экөөңөрдүн мамилеңиздерге каршы болгон жок беле?
А: – Болгон. “Экөөң эки башка адамсыңар. Экөөңөрдүн кызыкчылыгыңар эки башка. Сени ал адам баалай алабы?” деген сөздөр менен каршы болушту. Каршы болгондон кийин бул мамилени улантуунун кереги жок экенин Канага айттым. Ошондо ал “сага татыктуу экенимди далилдейм. Эң башкысы, сен мени сүйөсүңбү?” деп маселени кабыргасынан койду. Андан ажырагым келбегенин жүрөгүм айтып турду. Анан “ооба” деп жооп бердим. Ата-энеме “сүйлөшпөй калдым” дегеним менен, экөөбүз жашыруун сүйлөшүп жүрдүк. Үч жыл бою ал айтканын далилдеп бере алды көрүнөт, акыры ата-энемдин макулдугуна ээ болду.
– Шаардык кыз Таласка кандай келин боло алды?
А: – Апаша (кайненесин ушинтип атайт) аябай ак көңүл, боорукер, жакшы адам. Ал мага “сен келинсиң” деп келиндик милдеттерди моюнума салган жок. Анан абысындарым да атаандашкандардан эмес. Мага жардам берүүдөн баш тартышпайт.
К: – Кыйналганын деле байкаган жокмун. Мүмкүн, биз шаарда жашагандыктан болсо керек. Бирок айылга барганда жоолук салынып, чай куюп, кайын журтуна келиндик кызматын өтөй алат.
– Байкашымча, Айжан орус тилинде, Канат, сиз кыргызча сүйлөп отурасыз. Үйдө да ушундайбы?
К: – Аралаш сүйлөйбүз. Айжан кыргызчадан аксайт, бирок мен үйрөтүп келатам (күлүп).
А: – Мектепте окуганда эле кыргыз тили мугалимдери менен дайыма пикир келишпестиктер болчу. “Сен Жоомарт Бөкөнбаевдин небересисиң, баарын билишиң керек” деп үйрөтүүнүн ордуна жемелей эле беришчү. Мындай мамилени бир эмес, бир нече мугалим жасачу. А мен ошонун айынан кыргыз тилин жакшы үйрөнө албай калдым. Ал эми үйдө аралаш сүйлөчүбүз. Мен көбүнчө орусташып калдым окшойт.
– Экөөңүздөр кайсы өлкөдө чогуу эс алдыңыздар эле?
А: – Кананын спорттук мелдеши боюнча Москвага чогуу барганыбыз болбосо, эс алган эмеспиз. Бирок мындай эс алуу али алдыда. Экөөбүз тең футболду сүйөбүз. Келечекте Бразилияга барып, футбол көрүп келүүнү кыялданабыз.
– Айжан, биз билген сүрдүү, аткаминер айым Ишенгүл Болжурованын кызы болуш сизге сыймык болсо керек?
– Албетте, сыймык. Бирок ага сөз тийгизбей, өзүңдү алып жүрүү да оңой эмес. Эл билген сүрдүү Болжурованы мен билбейм. Ал үйдө баласы үчүн баарына даяр, мээримдүү эне, үлгүлүү жубай. Бирок мен эч качан апамдай боло албайм. Анткени ал – ден соолугун ойлобой күнү-түнү иштеп, аны менен бирге үй-бүлөсүн да, карьерасын да алып кеткен айым. А мен анчалык күчтүү эмесмин.
– Ушундай эле таттуу түгөйлөрдөн болуп жүрө бериңиздер.

Бактыгүл Сокушова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(3)
08.10.2010. 20:56 
Тайпасы:
Кыймылы жок
Комментарийлердин саны:
83
Катталган:
27-03-2010
Соӊку аракети:
28-12-2012 05:10
Жынысы:
Белгисиз
0
Kanat abdan özgöryptyr...
11.10.2010. 12:34 
Тайпасы:
Жаран
Комментарийлердин саны:
583
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
0
Кечээ НБТдан "Гермесчилердин" араб өлкөлөрүнүн бириндеги мелдешин кайталап көрсөтүштү. Арасында Канат да жүрөт. Карап отуруп ыраазы болосун. Азаматтар, кыргызымдын кыраандары дегин келет!
12.10.2010. 11:33 
Тайпасы:
Жаран
Комментарийлердин саны:
155
Катталган:
01-07-2009
Соӊку аракети:
27-07-2018 14:39
Жынысы:
Белгисиз
0
Эх-хх, спортчулар, спортчулар...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: