Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖОННИ ДЕПП- ГОЛЛИВУДДУН «КАРАКЧЫСЫ»

№414 8-14-октябрь, 2010-жыл.


Каракчынын образы бул актёр үчүн жаралгандай. “Кариб деңизинин каракчылары” тасмасындагы капитан Жек Таранчынын ролу бул мырзага баш айланткан атактуулук алып келген. Мындан тышкары Жонни Депп түрдүү басылмалардын изилдөөсүндө жылдын эң бай, эң сексуалдуу, эң стилдүү мырзасы наамдарына татып келет.

ЖОН КРИСТОФЕР ДЕПП II
Туулган жылы – 1963-жыл, 9-июнь.
Туулган жери – Овенсборо шаары, Кентукки штаты, АКШ.
Бою – 180 сантиметр. Салмагы – 82 килограмм.
Фобиясы – Кан, таракандар жана маскарапоздор.
Сыйлыктары – 3 жолу “Оскар” жана 8 жолу “Алтын глобус” сыйлыктарына көрсөтүлгөн. 2008-жылы “Суини Тодд. Флит-стриттен чыккан чачтарач-азирейил” тасмасында жараткан образы үчүн, “Мыкты актёр” наамын алган.
Үй-бүлөлүү, 2 баланын атасы. Учурда Францияда жашайт.

БАЛАЛЫКТЫН АСМАНЫН КАПТАГАН БУЛУТ
Жоннинин атасы инженер болсо, апасы официант эле. Үй-бүлөдө төрт бир тууган. Жоннинин бала кезиндеги урунттуу учурларына токтолсок, кичине кезинен жакын өскөн чоң атасынын кайтыш болушу психикасына терс таасирин тийгизген. Ошондой эле үй-бүлөсүнүн Флоридага көчүшү да ага оор тиет. Натыйжада 12 жашында тамеки тартып, ичимдик иче баштайт. Ал эми 15 жашында ата-энесинин ажырашышы аны баңгизаттарын колдонууга түрткөн.

АДАМ БОЛУУГА ГИТАРА ТААСИР ЭТКЕН
Мына ушундай татаал кезде жаш өспүрүм өзүн музыка дүйнөсүнөн табат. Апасы уулуна гитара белек кылып, болочок актёрдун жашоосун дал ушунусу менен өзгөрттү көрүнөт. Бөлмөсүнөн чыкпай кылдыратып отуруп, гитара чертүүнү өз алдынча үйрөнүп алат. Жонни рок-музыкант болууну каалап, мектепти да таштап койгонун айта кетпесек болбос. Жашоодон эмне керек экендигин сезе баштаган жаш музыкант топко кирип, клубдарда ырдай баштайт. Жоннинин музыкадан кийинки эле кызыкканы сүрөт тартуу болчу. Ал эми сүйүктүү жазуучусу Жек Керуактын чыгармалары өткөөл курагында дүйнө таанымына зор таасир тийгизгенин айтып келет. Айта кетчү нерсе, Жонни өзү кыялдангандай келечекте атактуу рок-музыкант боло албаса да, гитара чертүүнү таштаган жок. Ал азыркыга чейин гитара чертүүгө убакыт таап, музыканттар менен түрдүү концерттерге катышып турат. Албетте, акча үчүн эмес, ырахат алуу үчүн.

БИРИНЧИ НИКЕСИ АКТЁРЛУККА ЖОЛ АЧКАН
Гитарасы колунан түшпөгөн 20 жаштагы Жонни өзүнөн беш жаш улуу, гримдөөчү болуп иштеген Лори Энн Эллисон аттуу айым менен таанышып калат. Экөөнүн ортосунда сезимдер тутанып, тез аранын ичинде баш кошушкан. Лори менен узак жашабаса да, актёрлук карьерасына дал ушул айым көпүрө болуп берген. Ал Жоннини Николас Кейж менен тааныштырган. Кейждин сунушу менен ал өзүн тасмада сынап көргөн. Жонни алгачкы жолу тартылган тасма “Кара жыгач көчөсүндөгү коркунуч” деп аталат. Ошентип, ийгиликтүү дебюттан кийин киного тартылуу сунуштары биринин артынан экинчиси түшө баштайт. Экинчи болуп “Жамп-Стрит, 21” аттуу сериалга тартылып, жаш жеткинчектердин кумирине айланып, көптөгөн күйөрмандарды топтоого жетишет. Анан, албетте, айымдардын жүрөгүн багынтууга өтөт. Тимоти Бёртондун тасмасына тартылып жүрүп, Вайнона Райдер менен таанышат. Экөөнүн сүйүүсү ошол чакта түбөлүктүү туюлса да, көпкө узаган эмес. Кызыгы, бул арада Жонни денесине “Вайнона түбөлүккө” (“Winona forever”) деген татуировка тарттырууга да жетишкен.

ӨЗ ХАНБИЙКЕСИН ЖОЛУКТУРГАН ДОН ЖУАН
Жеке жашоосуна келсек, учурда Жонни үлгүлүү үй-бүлө кожоюну. Анын француз киносу менен поп-музыкасынын жылдызы Ванесса Паради менен кол кармашып келатканына 10 жылдан ашты. Кызыгы, Ванесса Парадиге чейин айымдар Жоннини экинчи Дон Жуан деп билишчү. Жонни Ванесса менен ресторанда кечки тамактануу учурунда таанышып калган. Босогону аттап, маралдай кериле баскан сулуу айымды бир көргөндө эле актёрдун көзү түшкөн. Ал тууралуу Жонни Депп: “Жүрөгүм бир болк этти, бирок мен бир көрүп сүйүп калганымды кийин билгем”,- деп эскерет.

"БЕЙИШТИ" СҮЙГӨН "КЕЛЕСОО"
Экөө кол кармашып өмүр сүргөнүнө 12 жылдын жүзү болсо да, мамилелерин мыйзамдаштырышкан эмес. Муну Депп тамашалуу түрдө төмөнкүчө түшүндүрөт: "Жубайымдын фамилиясы "бейиш" дегенди түшүндүрсө, менин фамилиям немис тилинен которгондо "келесоо, акмак" дегенди билдирет. Андыктан Ванесса "бейиш" атагын таштап, "келесоо" аталып эмне кылат?".
Жубайлар “чынында, биздин Кудай алдында никебиз бар. Кагаз биз үчүн эч кандай роль ойнобойт. Мүмкүн, кийинчерээк балдарыбызга керек болсо, мыйзамдаштырып коёрбуз” дешет.
Учурда экөөнүн 11 жаштагы Лили-Роуз Мелоди деген кызы жана Жек аттуу 8 жашар уулу бар. Ал дайыма үй-бүлөсүн биринчи орунга коюп келет. Бул тууралуу актёр: “Мен үчүн үй-бүлөм баарынан ыйык. Анткени мен бала кезимде ата-энем ажырашып кеткендиктен, үй-бүлө эмне экенин билбей өскөнмүн”,- дейт.

БЕЙИШТИ ЭМНЕ ҮЧҮН КААЛАБАЙТ?
Депп "жашоомдо көп күнөөгө баттым. Ошондуктан бейишке чыгарыма көзүм жетпейт. Жакшысы, бул жашоодо бейиштин төрүндөгүдөй жерде жашап, өмүр сүргүм келет" деп келет. Андыктан Кариб деңизиндеги аралдан 18 гектар жер сатып алып, үй салган. Ал расмий түрдө “Little Hall's Pond Cay” деп аталганы менен, Жонни аны “алыскы арал” деп коёт. Ал жерге гидросамолёт же вертолёт менен гана барууга болот.

ИЙГИЛИГИНИН СЫРЫ ТОБОКЕЛДЕН КОРКПОГОНУНДАБЫ?
Жонни Депп башка актёрлордон түрдүү образдарды жарата алышы менен айырмаланат. Ал экранда интеллектуалдуу жана келесоо, эр жүрөк жана бечара, токтоо жана акылдан азган, сексуалдуу жана муздак, шайыр жана байкуш боло алат. Айтор, тобокелге баруудан коркпойт. Мына ушул үчүн да ал көптөгөн кинолорго тартылып, популярдуу болуп келет.

КЫЗЫКТУУ ФАКТЫЛАР

  • Жонниде индей, ирланд, немис жана цыган улуттарынын каны бар.
  • Денесинде 15 түрдүү татуировка бар.
  • Мылтыктарды коллекциялайт. Курт-кумурска, чымын-чиркейлерди багат.
  • CNN телеканалы 2004-жылы Деппти “автокырсыктан каза болду” деп жарыялап жиберген. Бирок бул кийинчерээк хакерлердин иши экени айтылган.
  • 1994-жылы Нью-Йоркто мушташканы жана 1999-жылы Лондондо журналист кызды сабаганы үчүн, тартип кызматкерлерине сурак берген.
  • “Forbes” журналы Деппти үстүбүздөгү жылдын жыйынтыгы боюнча, “Голливуддун эң көп акча тапкан актёру” (75 миллион доллар) деп тапса, “People” журналы “Жылдын сексуалдуу мырзасы” (сурамжылоодо Роберт Паттинсонду артта калтырган) деп атады.
  • 2001-жылы “Кокаин” тасмасына тартылып, анда баңгизат сатуучунун образын жараткан. Жонни образды мыкты аткаруу үчүн, жадакалса түрмөгө барып көргөн.

Бактыгүл Сокушова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(3)
10.10.2010. 02:03 
Тайпасы:
Кыймылы жок
Комментарийлердин саны:
27
Катталган:
06-10-2010
Соӊку аракети:
01-02-2014 19:59
Жынысы:
Белгисиз
Калаасы:
bolzano
0
moi samiy lubomiy akter!
12.10.2010. 15:29 
Тайпасы:
Кыймылы жок
Комментарийлердин саны:
88
Катталган:
06-11-2009
Соӊку аракети:
30-12-2014 10:16
Жынысы:
Белгисиз
Калаасы:
KG
0
"Karib Denizinin Pirattari" degen kinossun suyuup gana korom ... )))) Sonuun atkargan !!!
02.01.2011. 16:16 
Тайпасы:
Кыймылы жок
Комментарийлердин саны:
4
Катталган:
29-12-2010
Соӊку аракети:
13-03-2012 19:37
Жынысы:
Белгисиз
0
в моем списке любимых актеров, он №1
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: