БИР БҮРКҮМ. АК ҮЙДҮН ИМАРАТЫ ОҢДОЛУП БҮТТҮ...

Бишкектин Октябрь районунун акими 23-ноябрда коррупцияга шектелип кармалды.
Өлкөдө 2016-жылдын сентябрынан бери 33 617 даана мамлекеттик автоунаа номери сатылганы айтылды.
Экологиялык жана техникалык коопсуздук эрежелерин так сактабаган деп “Бишкекасфальтсервис” ишканасына 451 миң сом айып салынды.
Бишкекте 1-декабрдан тарта кинотеатрлар ачылат.
Ысык-Көл облусунун жетекчиси Элчибек Жантаев 23-ноябрда жол кырсыгына кабылып, ооруканага жеткирилди.
Бишкектен 20-ноябрда “Чач” каймана аты менен белгилүү уюшкан кылмыштуу топтун мүчөсү Э.М. кармалды.
Мелис Тургунбаев “Кыргызнефтегаз” ишканасынын башкармалыгынын төрагасы болуп дайындалды.
Ички иштер министринин мурдагы орун басары, генерал Курсан Асановдун жубайы Динара Усенканова Финполго суракка чакырылды.
5-6-октябрдагы окуяларда талкаланган Ак үйдүн имараты оңдолуп, колдонууга берилди.
Жогорку Кеңеш эмгек жана социалдык өнүгүү министри кызматына Ализа Солтонбекованын талапкерлигин жактырды.
25-ноябрга карата президенттик шайлоого катышууну көздөгөн 47 талапкер бар, тизме улам кыскарууда.
Бишкекте “Түндүк электр” ишканасынын кызматкерлери кайрадан митингге чыгышты, алар ишкананын азыркы жетекчиси кызматта мыйзамсыз отурат деп нааразы.
БШК 10-январда өтүүчү президенттик шайлоого 137 миллион 290 миң сом жумшаларын билдирди.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 938, 26-ноябрь-2-декабрь,2020-ж.