СУУДА СҮЗҮҮ БОЮНЧА УЛУТТУК КУРАМ ӨЗБЕКСТАНДА 11 МЕДАЛЬ УТТУ

Кыргызстандын сууда сүзүү боюнча улуттук курама командасы Өзбекстандын лицензиялык ачык кубогунан 11 медаль утуп, олжолуу кайтты.

Денис Петрашов брасс түрүндө 100 метрге сүзүп алтын алды. Ушул эле түр боюнча 50 метрге алтын жана 200 метрге чейинки аралыкта сүзүп коло медаль тагынды.

Елизавета Рогожникова чалкасынан сүзүү боюнча 200 метр аралыкта алтын медаль алса, ушул түрдө 100 жана 50 метр аралыкка сүзүп 2 күмүш медаль тагынды. Ошондой эле 200 метрге комплекстүү сүзүү боюнча да күмүш медалга ээ болду.

Рамазан Омаров эркин стиль боюнча 1500 метрге сүзүп күмүш, 800 метрге (Кыргызстандын рекорду) сүзүп күмүш алса, Тенгиз Тюбеев 1500 метрге эркин стиль боюнча сүзүп коло медаль утту.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 939, 3-9-декабрь, 2020-ж.