БИР БҮРКҮМ. ӨЛКӨДӨ 670 МИҢ ПЕНСИОНЕР БАР...

Мөөнөтүнөн мурда өтүүчү президенттик шайлоодо коомдук тартипти 11 миң милиция кызматкери көзөмөлдөйт.
Экономикалык кылмыштуулукка каршы күрөшүү кызматынын мурдагы жетекчиси Бакир Таиров кармалып, убактылуу кармоочу жайга киргизилди.
Бишкекте милиция кызматкерлери ичинде 3500 доллар акчасы бар капчык таап алып, аны ээсине кайтарып беришти.
Айыл чарба министрлиги: “Өлкөдө Сүт палатасы түзүлөт”.
Чүйдө 15 жаштагы өспүрүм бала кокустан өзүн атып алып, ооруканада каза болду.
“Кыргыз темир жолу” ишканасынын түштүк бөлүмүнүн мурдагы башчысы коррупцияга шектелип кармалды.
14-декабрда Жалал-Абад облусунун түзүлгөндүгүнө 30 жыл толду.
Өлкөдө акыркы 10 жылда пенсионерлердин саны 140 миңге өсүп, учурда 670 миңди түзүүдө.
16-декабрга карата Аксыдагы 65 орто мектептин 32си кадимки режимде иштеп жатканын райондук билим берүү бөлүмүнүн башчысы Талант Эмилбек уулу билдирди.
Президенттик шайлоого даярданууга жана аны өткөрүүгө 78 эл аралык байкоочу көз саларын БШК маалымдады.
16-декабрга карата Токтогул суу сактагычында 13 миллиард 44 миллион метр куб суу бар.
Бишкекте 15-декабрда Ак-Жар конушунун жашоочулары электр жарыгынын күн сайын өчүрүлүп жатканынан улам митингге чыгып, жол тосууга чейин барышты.
Тайырбек Сарпашев: “Туугандарым 1000 чарчы метр болгон имаратты мамлекетке өткөрүп берет”.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 941, 17-23-декабрь, 2020-ж.