БИР БҮРКҮМ. 1 ЖЫЛДА 29 АДАМ ӨРТТӨН КАЗА ТАПТЫ...

Саламаттыкты сактоо министрлиги: “Алдыдагы шайлоолорду өткөрүүдө эпидемиологиялык коопсуздукту сактоо үчүн атайын алгоритм иштелип чыкты”.
Мирлан Бакиров Жогорку Кеңештин вице-спикери кызматынан кеткенин расмий жарыялады.
Бишкекте 21-декабрда Кыргыз-Пакистан бизнес-форуму өтүп, билим берүү жаатында бир катар келишимдер түзүлдү.
Бишкекте көмүр жагылган меш жарылып бир келин каза болсо, анын жолдошу жана эки баласы ооруканага жеткирилди.
Сокулук РИИБинин опер кызматкери 100 000 сом пара талап кылууга шектелип кармалды.
“Бишкек жашыл чарба” муниципалдык ишканасынын директору Элнура Жолдошева кызматтан кетти.
Үстүбүздөгү жылдын декабрына карата Кыргыз жеринде 1 миллион 78 миң 237 автоунаа бар.
Жылдызбек Турганбаев Ош шаарынын биринчи вице-мэри болуп дайындалды.
22-декабрга карата Токтогул суу сактагычында 12 миллиард 729 миллион метр куб суу бар.
2020-жылы Кыргызстанда жалпы 2425 өрт кырсыгы катталып, тилсиз жоодон 29 адам каза тапканы айтылды.
Сауд Арабиясынын тышкы иштер министри Фейсал бин Фархан 2021-жылы Кыргыз жерине иш сапары менен келүү ниетин билдирди.
23-декабрга карата өлкөдө коронавирус жуктуруп алгандардын саны 79 659 адамга жетти, мунун 73 561и айыгып чыкты.
Белгилүү саясатчы Өмүрбек Текебаев 22-декабрь күнү 62 жашка чыкты.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 942, 24-30 декабрь, 2020-ж