Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КОМПЬЮТЕР АДАМДЫ ЭРТЕ КАРТАЙТАБЫ?

№415 15-21-октябрь, 2010-жыл.


Компьютерде узакка иштөөнүн зыяны ого эле көп. Мисалы, көзгө, бетке, омурткага... Окурман, бул жаатында сизге кененирээк маалымат керек болсо, анда атайын изилдөөлөргө кайрылалы.

ЭЭК САЛАҢДАП КАЛАТ
Британиялык врачтар компьютерде узакка отуруунун арты аялдарга коркунучтуу жыйынтыктарды тартуулаарын аныкташты. Тагыраак айтканда, аялдарда «компьютердик жүз» пайда болот экен. «Компьютердик жүз» бул – чекеге, көздүн тегерегине жана моюнга түшкөн бырыштар (үндүктүн моюну сымал), ошондой эле салаңдаган ээк.
«Адам компьютерде бир калыпта башын салаңдатып отурса, анда моюндун булчуңдары алсызданып, акырында экинчи ээк пайда болот. Ал эми экранды караган сайын чекени тырыштыруу, үтүрөйүү бырыштын эрте түшүшүн шарттайт.
Компьютерден чыккан нурдануу терини кургатып жибергендиктен, көз алдында грыжа келип чыгып, көздүн алды шишимик тартып калат.
Мындай картаюунун алдын алуу үчүн аялдар компьютердин жанына күзгү коюп алуулары оң. Анткени жумуш убагында өзүн күзгүдөн көрүп, картайып кетпейин деп убак-убагы менен эс алат. Жана бырыш түшпөөсү үчүн бетке жана моюн булчуңдарына көнүгүү жасап турат»,- дешет британиялык врачтар.
«Компьютерден эмне үчүн эркектерге эмес, аялдарга бат бырыш түшөт?» деген суроо, албетте, жаралат. Буга окумуштуулар «аялдын терисинин назиктиги (демек, тери бат кургап, бырыштын түшүшүн шарттайт), булчуңдардын чың эместиги күнөөлүү» дешет.
Ал эми ээктин салаңдашы эркектерге да тиешелүү.

КОМПЬЮТЕРДИН ДАГЫ КАНДАЙ ЗЫЯНДАРЫ БАР?
Көзгө, териге терс таасири
Электр-магниттик нурлануу терини жана көздү кургатып жиберет. Андыктан компьютерде узакка отургандардын үчтөн экиси «кургак көз» оорусунан жапа чегишет. Бул көздүн көрбөй калышына жеткирбесе да, көздүн ичинин дамамат кургап турушуна алып келет. Алтургай көзгө күч келип, кандын куюлушун шарттайт.
Мээге күч келүү
Электр-магниттик нурлануу жана электр-статикалык талаа абдан чарчоого, баш ооруга, сөз көтөрбөй калуучулукка, уйкунун бузулушуна, стресске алып келет. Башкача айтканда, жаш адамда оорукчан, кары кишиникиндей мүнөздөр, көрүнүштөр пайда болот. Андыктан көзгө жана мээге зыян келбеши үчүн, компьютерде отуруунун мөөнөтүн сактоо керек.
Кыргызстандын Санитардык-эпидемиологиялык көзөмөлдөө департаментинин инженери Тынчтык Мырзакуловдун маалыматына таянсак, 8 сааттык жумушчу күндө адам компьютердин маңдайында бир отурганда 3 сааттан ашык отурбашы шарт. Эгер андан көп отуруу талап кылынса, эс алып, көнүгүүлөрдү жасап, анан кайра жумуш кылуу кажет.
Окуучулардын нормасына келсек, 1 сабакта 1-4-класстын окуучулары компьютерде 15 мүнөт, 5-7-класстар 20, 8-9-класстар 25, 10-11-класстар 30 мүнөттөн ашык отурбоолору керек экен.
Тынчтык мырза башка мониторлорго караганда заманбап суюк кристалдуу мониторлордо электрдик нурлануу аз экендигин да белгилейт.
Омуртканын кыйшаюусу жана остеохондроз
Остеохондроз – муундардын, кемирчектердин бузулушу. Көбүнчө омуртка аралык кемирчектер бузулат. Эмне дегенде компьютердин маңдайында жылбай көпкө отуруу омурткалардын булчуңдарына күч келтирип, чыңалып турушуна алып келет. Булчуңдардын дамамат чыңалуусу акырындап омуртканын дискинин (анын ичинде кемирчектин) бузулушуна жеткирет. Ал эми адам туруп турганга же жатканга караганда отурганда омуртканын дискине күч көп келет. Ушундан улам сколиоз (омуртканын кыйшайышы) же омуртка аралык грыжа келип чыгуусу мүмкүн.
Колдун нервинин сезгениши
Компьютердин клавиатурасы менен активдүү иштөө колго күч келтирет. Манжалардын башынын сезимдүүлүгү начарлап, жансызданат. Мындай абал күн сайын кайталанып жүрүп отурса, колдун нерви, муундары жабыркап, сезгенет.
Колдун булчуңдары гипотрофияга (булчуңдардын өлчөмүнүн кичирейиши)учурайт.
Ашыкча салмак
Дайыма бир орундан жылбай отуруу ичте майдын топтолушун жаратат. Ал эми ашыкча салмак кант диабетине дейре жеткирерин унутпоо кажет. Андыктан күчтүү тамак жеп алып, компьютердин маңдайында жылбай отуруу туура эмес. Анткени ашыкча энергия майга айланат. Анын үстүнө семиздик адамды улуу көрсөтөт.
Геморрой
Бир орунда узакка отуруу жамбашта кандын жакшы айланбашына алып келет. Башкача айтканда, жамбашта кан уюп калат да, вена тамырларга күч келтирет. Демек, геморройдун жаралышын шарттайт. Алдын алуу үчүн дале убак-убагы менен басуу, эс алуу керектелет.
Иммунитеттин начарлашы
Кыймылдын жоктугу, таза абада эс албоо иммунитеттин начарлашын шарттаары мурунтан белгилүү.
Негизинен, компьютерден жаш балдар менен кош бойлууларга көбүрөөк зыян келет.

АТАЙЫН КӨНҮГҮҮЛӨР
Атайын көнүгүүлөр беттин терисинин абалын оңдоп, бырыштардын түшүшүнүн жана беттин келбетинин бузулушунун, ээктин салаңдап калышынын алдын алат. Ар бир көнүгүүнү 5-6 жолу кайталоо керек.

Беттин булчуңдары үчүн көнүгүүлөр:

  • Бет алдындагы бир нерсени үйлөп жаткан өңдүү оозду чурчуйтуп үйлөө.
  • Жаактар керилсин үчүн, оозду чоң ачып-жабуу.
  • Оозду манжалар менен кулакты көздөй акырындап чоюу.
  • Астыңкы жана үстүңкү тиштерди бири-бирине жакын кармап, ооз аркылуу дем алуу. Кайра абаны оозду чурчуйтуп чыгаруу.
  • Кезектештирип үстүңкү жана астыңкы эринди тиштегилөө.
  • Оозго жел толтуруп, анан желди улам бир ууртка жылдыруу.

Эриндер үчүн көнүгүүлөр:

  • Терең дем алып, оозго жел толтуруу. Анан абаны сыртка үйлөө.
  • Эриндерди артка тартып (чоюп), тиштерди көрсөтүү.
  • Бирөөнү өбө тургансып эриндерди чормойтуу.
  • «А» жана «и» тыбыштарын айтуу.

Көз үчүн көнүгүүлөр:

  • Эки көз менен мурундун учун тиктеп, анан алысты кароо.
  • Башты бурбай көздү жылдыруу менен эки жакты, өйдө-ылдыйды алмак-салмак тиктөө.
  • Жашыл өңдү бир топко дейре тиктөө (көз эс алат).
  • Көздү 3 секундга чейин жумуп, кайра ачуу.
  • Көздү жумуп, каректерди ары-бери, өйдө-ылдый жылдыруу.

Остеохондроздун алдын алуу үчүн:

  • Отургучтун сүйөнгүчү болушу шарт.
  • Дайыма түз отуруу.
  • Чарчаганда, белге күч келгенде таза абага чыгып эс алуу, басуу, көнүгүүлөрдү жасоо.
  • Компьютерге өбөктөп отурбоо.


Билип ал

КРЕМДЕН ЭМНЕ ҮЧҮН БЫРЫШ ТОЛУК КЕТПЕЙТ?
Күчтүү кремдер да бырышты толук кетире албайт. Бирок алардын санын азайтып, андан ары бырыштын түшүшүнүн алдын алат. Кремдин таасирин массаж күчөтө алат. Эгер күнүгө 15 мүнөт бетке массаж жасалса, анда 2 аптада өзгөрүүнүн белгиси байкалып чыга келет. Анткени беттеги булчуңдар чыңдалып, өң сулуу тартып калат.

КОФЕ СКРАБЫ
Кофеге бир аз суу кошуп, боткого айландыруу кажет. Ага деңиз же ашкана тузу (кургак тери үчүн бир аз каймак) кошулат. Анан боткону бетке секинден сүртүңүз. Бул терини кирден, кара чекиттерден арылтып, тазартат. Масканы дене үчүн колдонсо да болот. Анткени маска целлюлиттен арылууга көмөктөшөт.

ТАЗАЛООЧУ ЛОСЬОН
Ромашканын гүлүнөн, жалбыз менен четиндин кургатылган жалбырагынан бир чымчымдан идишке салыңыз. Үстүнө лимондун жарым кабыгын сүргүчтөн (тёрка) өткөрүп кошуңуз.
Эми 3 стакан кайнак суу кошуп, жай отко 30 мүнөт кайнатып алыңыз. 2 аш кашык глицерин кошсоңуз, лосьон даяр.

Канымжан Усупбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  10 
Комментарийлер(11)
15.10.2010. 19:49 
Тайпасы:
Кыймылы жок
Комментарийлердин саны:
14
Катталган:
15-12-2007
Соӊку аракети:
07-11-2013 11:37
Жынысы:
Белгисиз
0
urmattu info choon rahmat sonun eken.Chetin kanday osumduk?
15.10.2010. 23:10 
Тайпасы:
Аким
Комментарийлердин саны:
68
Катталган:
15-05-2010
Соӊку аракети:
01-07-2018 14:15
Жынысы:
Белгисиз
Калаасы:
☆●Кыргызстан●☆
0
ушундай нерселеди дагы коп коптон жазып турса бизге окшогондорго сабак болор,,,,,,
16.10.2010. 00:54 
Тайпасы:
Кыймылы жок
Комментарийлердин саны:
37
Катталган:
05-12-2009
Соӊку аракети:
27-08-2012 18:54
Жынысы:
Белгисиз
Калаасы:
KG
0
chyn aitasynar Barika jana zzahra. Maga airykcha konuguulor jakty.Bul nerselerdi jasash kerek ekenin bilsek dele,konul koiup toluk informatsiya izdebeibiz.A bul jerdegidei kyska tushunuktuu maalymattardy bizge eskertip turgany soonun da))
16.10.2010. 09:08 
Тайпасы:
Кыймылы жок
Комментарийлердин саны:
461
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
0
Азыр бүт дүйнөнү сыйфир техникасы эсептелген компьютер каптап турган учурда, компьютерсиз жашоо болбой калды, бардык эле иштерди компьютер менен жасап калбадыкбы.
18.10.2010. 15:42 
Тайпасы:
Кыймылы жок
Комментарийлердин саны:
28
Катталган:
09-10-2010
Соӊку аракети:
19-03-2015 12:22
Жынысы:
Белгисиз
Калаасы:
г Калининград
0
чон рахмат, эми азыраак отуруп калам, 7 айдан бери комптон такыр турбай кечке ошол менен алаксыйм!
18.10.2010. 16:54 
Тайпасы:
Кыймылы жок
Комментарийлердин саны:
6
Катталган:
26-04-2010
Соӊку аракети:
02-10-2013 20:41
Жынысы:
Белгисиз
Калаасы:
Россия Санкт-Петербург
0
30 минутада эч нерсеге жетише албайсынго?
22.10.2010. 15:05 
Тайпасы:
Кыймылы жок
Комментарийлердин саны:
4
Катталган:
20-05-2008
Соӊку аракети:
28-02-2012 15:17
Жынысы:
Белгисиз
Калаасы:
Араванский район, Ошская область
0
Негизгиси туура мындай маалыматтарды гезит аркылуу эл жакшы билет... Компьютерде иштегендерге ото керек маалымат болду. Бирок биз жумуш убагында тынбай компто олтурабыз... шайлоо мезгилин айтпай эле койоюн...
22.10.2010. 16:02 
Тайпасы:
Тартип бузгандар
Комментарийлердин саны:
146
Катталган:
15-09-2009
Соӊку аракети:
15-12-2013 17:06
Жынысы:
Белгисиз
Калаасы:
Бишкек
0
Кээ бир маалыматтар ЖК монитор чыкканга чейин жазылган эле, бара бара технология онуккон сайын организмге зыяны азыраак кылып жаратып жатышат го ?? Компьютер жок жашаса дагы болот, эч зыянын тартбай эле, бирок жашоо ото эле кыйын болуп калат да ...
08.05.2011. 18:24 
Тайпасы:
Жаран
Комментарийлердин саны:
3
Катталган:
01-05-2011
Соӊку аракети:
18-09-2018 23:36
Жынысы:
Белгисиз
Калаасы:
Ош
0
Кызык экен
04.06.2011. 16:08 
Тайпасы:
Жаран
Комментарийлердин саны:
234
Катталган:
21-11-2010
Соӊку аракети:
11-06-2018 00:40
Жынысы:
Белгисиз
Калаасы:
пгт Шамалды-Сай
0
Техника өнүккөн сайын зыяны да ошончолук көбөйө берет экен.
05.11.2011. 14:51 
Тайпасы:
Кыймылы жок
Комментарийлердин саны:
200
Катталган:
18-09-2011
Соӊку аракети:
15-01-2014 13:35
Жынысы:
Белгисиз
Калаасы:
Бишкек
0
жалбыз деген орусча кандай болот?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: