БИР БҮРКҮМ. ЖУРНАЛИСТ ӨЗ ӨМҮРҮН КЫЙДЫ...

12-январга карата Токтогул суу сактагычындагы суунун көлөмү 11 миллиард 650 миллион метр кубду түздү.
Буга чейин УКМКнын маалымат катчысы болуп иштеген Рахат Сулайманов 5-каналдын башкы директору болуп дайындалды.
Бишкек мэриясы мамлекеттик бала бакчаларды ачуу мөөнөтүн 20-январдан 1-февралга жылдырды.
«Электр станциялары» мамлекеттик ишканасы 1 жарым миллион сомго эки автоунаа сатып алуу үчүн тендер жарыялады.
Ысык-Көлдө облустук телеканалдын журналист кызы өз үйүндө асынып каза тапты.
Билим берүү жана илим министрлиги мугалимдерге квалификациялык категорияларын кайрадан ыйгарары айтылды.
Финпол: «Коррупцияга шектелип кармалган Транспорт жана жолдор министрлигинин статс-катчысы Эрмек Мамыркалиев күнөөсүн моюнга алды».
Саламаттыкты сактоо министрлиги: «Мектептерди кадимки режимде иштөөгө өткөрүү маселеси боюнча сүйлөшүүлөр уланууда».
14-январдан тарта Ош шаарындагы мектептер толук кандуу иштеп баштайт.
Бишкекте УКМКнын жасалма кызматтык күбөлүгү менен жүргөн жаран кармалды.
2020-жылы өлкөдө курулуш иштерин жүргүзүүгө 600дөн ашык лицензия берилгени айтылды.
ИИМ: «Өлкөдө 2020-жылы 246 автоунаа уурдалган, анын 12си табылган жок».
Нефтетрейдерлер ассоциациясы: «Күйүүчү майдын баасы кымбаттайт деген маалымат жалган».
Өкмөт өлкөдөн жүгөрү экспорттоого коюлган чектөөнү жойду.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 945, 14-20-январь, 2021-ж.