Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГЕМОРРОЙ-АЗАПТУУ ООРУЛАРДЫН БИРИ

№238 25-31-май, 2007-ж.


Дүйнөдө инфекциялык эмес оорулардын ичинен эң көп таралганы геморрой оорусу болуп эсептелет. Хирургдардын образдуу салыштырганы боюнча арткы тешик “тиштерге толтура” болсо, мындай жашоону жакшы жашоо деп айтууга болбойт”. Учурда дүйнөнүн ар бир 1000 жашоочусуна геморрой менен ооруган 120 адам туура келет.

ГЕМОРРОЙДУН ПАЙДА БОЛУШУ
Көтөн чучуктун ич жагында да, сырт жагында да геморройдук түйүндөр бар. Алар өздөрүнүн “жаздыкчалары” менен (сүрөттө жүзүм мөмө­сүн­дөй) ичегидеги нерселерди сыртка чыгарбай кармап турушат. Адам көп кыймылдабаганда жамбашта кан туруп калат да, геморройдук түйүн­дөр кандан улам көөп чыгат. Мунун натыйжасында акырындап уюган кан (тромб) пайда болот. Мунун алгачкы белгилери болуп, арткы тешиктин тегерегинин аздан кычыштыруусу саналат. Буга айрымдар бир топ жылдар бою маани беришпейт. Анан бир күнү ыйынганда арткы тешиктен кан чачырап, адам даарат кагазында кан калганын көрөт.
Геморройго кез келген адамдардын кээсинин арткы сырткы тешигинен геморройдук түйүндөр нокоттой же жаңгактын көлөмүн­дөй болуп чыгып көрүнүп турат.

ООРУНУН КЕЛИП ЧЫГУУ СЕБЕПТЕРИ
Геморройдун келип чыгышын бир топ себептер шарттайт:
Ичегинин функциясынын бузулуусу (ич катуу, ич өтүү), кош бойлуулук, төрөт, дамамат отуруп иштөө (айдоочулар, бухгалтерлер ж.б.), оор атлетика менен алагдылануу, тамак-ашка ачуу тамактарды көп колдонуу, ичимдик ичүү.
Аял кош бойлуу кезинде түйүлдүк жамбаш чарасындагы кан тамырларды кысып калат. Мындай кезде аялдын ичи өтсө же ичи катса, туздуу, ачуу тамактарды көп колдонсо, ансыз да чыңалган кан тамырларды ого бетер чыңалтат да, геморройдун келип чыгуу коркунучун күчөтөт.
Төрөт мезгилинде болсо веналардын чыңалуусунан кан туруп калып, геморройдук түйүндөр чоңоюп кетет. Ошондуктан, төрөттөн кийин аял чыңалган кан тамырлардагы кандар тарагандай аздап басып же жатып көнүгүү­лөрдү жасоосу керек. Ушинтип, геморройдун алдын-албаса оору келип чыгат.

ГЕМОРРОЙДУН БӨЛҮНҮШТӨРҮ
Курч кармаган жана өнөкөткө айланган түрү болуп экиге бөлүнөт. Курч кармаган геморройду убагында айыктырбаса, өнө­көт түрүнө өтүп кетет.
Геморрой мындан тышкары ички, тышкы жана аралаш геморрой деп да ажыратылат. Оорунун негизги белгилери көтөн чучуктагы оорутуу, арткы тешиктен кан агуу, геморройдук түйүндүн түшүшү, арткы тешиктин айланасынын кычыштыруусу, арткы тешиктен суюктуктун бөлү­нүп чыгышы эсептелет.
Сырткы геморрой арткы тешиктин терисинин алдында жайгашкан чырмалышкан веналардын кеңейип кетиши.
Ички геморрой арткы тешиктин ич жагында чырмалышкан веналардын кеңейип кетиши.

Геморройдун бул түрү бир нече стадияга бөлүнөт:
1-стадия аналдык каналдагы эле геморройдук чырмалышкан веналардын кеңейиши.
2-стадия веналар кеңейип отуруп, геморройдук түйүндүн пайда болушуна алып келиши. Күч келгенде түйүн арткы тешиктен чыгып кетет да, бирок, кайра өзү ордуна калыбына келип калат.
3-стадияда геморройдук түйүн түшөт. Башкача айтканда, сыртка чыгып калат, аны кол менен ичке киргизүүгө туура келет.
4-стадияда геморройдук түйүн түз ичегинин (көтөн чучуктун) былжыр кабыгы менен кошо сыртка чыгып калат да, ичке киргизүүгө таптакыр мүмкүн болбой калат (кол менен дагы).
Аралаш геморройдо ички жана тышкы веналар да кеңейип кетет.

ДАРЫЛАП АЙЫКТЫРУУ
Ички геморройдун 1-2-стадиясында консервативдүү дарылоо (операциясыз) жүргүзүлөт. Мындай дарылоо ич катууну четтетүү, суюктуктарды көбүрөөк ичүү, дары свечаларды жана антибиотиктерди колдонууну камтыйт жана кыймылдуулукту көбөйтүү сунушталат.
Дарылануу мезгилинде туздалган жана ачуу тамактарды, ичкиликти колдонууга болбойт. Ар жолу заңдагандан кийин марганцовкалуу (перманганат калийи)жылуу суу менен жуунуу керектелет.
Эгер консервативдүү дарылоо жардам бербесе, лазердик терапия кээ бир учурларда склеротерапия жүргүзүлөт.
Лазердик терапия - атайын аппарат менен геморройдук түйүндөрдү нур менен айыктыруу. Оорунун оор-жеңилине карап 5-6 сеанс жүргүзүлөт.
Склеротерапиялык ыкмада геморройдук түйүнгө атайын затты киргизишет. Ушинткенде кан башка чыңалбаган кан тамыр аркылуу айлана баштайт.
Адамга аталган ыкмалардын бири колдонулгандан кийин оору тереңдеп, 3-4- стадияга өсүп жетпөөсү үчүн көп отурбай, ич­имдикти ичпей, ичтин катуусуна жеткирбөө­сү керек.
Ички геморройдун 3-4-стадиясында операция жасалат. Операциянын узактыгы 30 мү­нөт­төн 1,5 саатка чейин созулушу мүмкүн. Оорулуу ооруканада 2-7 күн жатат.
Дарылоодо маздарданТроксевазин” (“Венорутон”) , “Проктозан”, свечалардан “Проктоседин”, таблеткалардан “Трибенозид жана “Флебодил” жа­на башкалар колдонулат.

ЧОЧКОНУН МАЙЫ ДАРЫБЫ?
Кээ бирөөлөр геморрою кармаганда чочконун майы менен куйрук майды колдонушат. Бул медицина жактан алып караганда туура эмес көрүнүш. Анткени, чочконун майы геморройго эч кандай таасир бербейт. Ал эми куйрук май убактылуу ооруну жеңилдеткени менен артында кайра ооруну күчөтүп жиберет.

ГЕМОРРОЙ ЖАНА СЕКС
Бисексуалдарда башка адамдарга салыштырмалуу геморрой, проктит (жоон ичегинин сезгениши), парапроктит(көтөн чучуктун тегерегиндеги майлардын ириңдеп кетиши), арткы тешиктин жаракалары көп болот. Ошондуктан, арткы тешик аркылуу секс менен алектенүү коркунучтуу.

ГЕМОРРОЙГО КЕЗИКПӨӨ ҮЧҮН КЕҢЕШТЕР:
Ичтин катканына жеткирбөө (ыйынуу геморройго алып келет), ич өтсө убагында дарылануу, эч качан муздак жерге, өзгөчө металл үстүнө отурбоо керек. Кесипке байланыштуу дамамат отуруп иштөө­чүлөр, анын ичинде айдоочулар 3 саат сайын 10-15 мү­нөт басып же физикалык көнүгүүлөрдү жасоосу кажет. Жумшак креслону катуу орундукка алмаштыруу зарыл.
Ичти айдоочу таблеткаларды көп колдонуу туура эмес. Андан көрө ич катууну алдын алып ун азыктарынан жасалган тамак-ашты аз, жашылчаны көп колдонуу керек. Ичегинин иштөөсүн жакшыртуу максатында айран (кефир), минерал сууларын пайдалануу талапка ылайык.
Геморройдун белгилери билине баштагандар оор физикалык иштерден баш тартып, жеңил жумуштарга өтүүлөрү зарыл.
Боюнда барлардын жамбашында кан уюп калбоосу үчүн сейилдеп, гимнастика жасап, ичти кысуучу курларды
тагынбоолору зарыл.

ЭЛДИК МЕДИЦИНАДАН
Картошка свечасы
Чийки картошкадан свечадай кылып кесип алып, арткы тешикке салуу кажет. Эгер көтөн чучукта кургап кеткендей белги болсо, анда картошка свечасын балга матырып, кайра коюу керек.

Даярдаган Айганым Байдөөлөт кызы


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: