Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТИНА КАНДЕЛАКИ

№415 15-21-октябрь, 2010-жыл.


Шакылдап сүйлөсө тилинен чаң чыккан ажарлуу алпаруучу Тина Канделакини таанысаңыз керек. Өспүрүмдөр аны “Самый умный” (“Эң акылдуу”) деген интеллектуалдык телеберүүдөн таанышса, башкалар Орусиянын Биринчи каналындагы “Две звезды” (“Эки жылдыз”) аттуу шоу-программадан улам билишет. Тинанын карьерасы ийгиликтүү болгону менен, жеке жашоосу тууралуу антип айта албайсың.

ТИНА ТУУРАЛУУ

  • Тина сологой.
  • Денесинин эки жеринде татуировка бар. Бири сол билегинде, экинчиси белинде.
  • 2006-жылы “ТЭФИ” сыйлыгынын «Мыкты ток-шоу алпаруучу» наамын алган.
  • 2006-жылы мода жана стиль тармагындагы белгилүү «Астра» сыйлыгынын «Эң стилдүү телеалпаруучу» наамына татыган.
  • 2006-жылы “Glamour” сыйлыгынын «Форма жана маани» деп аталган атайын сыйлыгына ээ болгон.
  • «Top 10 Sexy» сыйлыгынын «телевидение» категориясынын “Эң сексуалдуу телеалпаруучу айым” сыйлыгынын ээси.
  • 2007-жылы Атасынын кыздары” (“Папины дочки”) сериалында роль жараткан.
  • Жумасына үч жолу фитнеске катышат. Калориялуу тамакты такыр жебейт.

Толук аты-жөнү – Тинатин (Тина) Гивиевна Канделаки.
Туулган жылы – 1975-жыл, 10-ноябрь.
Салмагы – 52 килограмм.
Бою –167 сантиметр.
Туулган жери – Тбилиси шаары, Грузия.
Кесиби – Журналист, телеалпаруучу.
Үй-бүлөлүк абалы – Бойдок, 1 уул, 1 кыздын энеси.
Учурда – СТС телеканалынын "Самый умный" интеллектуалдык телеберүүсүнүн алпаруучусу.

ЖОЛДОШУ МЕНЕН АЖЫРАШТЫ
Тина быйыл 11 жылдан бери бирге түтүн булатып келген жолдошу, жеке ишкер Андрей Кондрахин менен расмий түрдө ажырашты. Албетте, көпчүлүккө себеби кызык.
“Бул убакытта бири-бирибизден тажадык, кызыгуубуз кетти окшойт. Ошондуктан өмүр жолун бирге улантуудан баш тарттык”,- дешет. Экөөнүн ортосунда Мелания аттуу кыз жана Леонтий деген уул бар. Балдар учурда энеси менен.

ЖҮРӨГҮ ДЕГДЕГЕН КЕСИП
Канделаки мектепти бүтүргөндө ата-энеси “келечекте дарыгер болушуң керек” деп Тбилисидеги медициналык институтка тапшыртат. Бул атасынан мурун апасынын каалоосу болчу, себеби ал кесиби боюнча врач эле. Сыягы, кызынын өзү баскан из менен басуусун каалаган көрүнөт. Бул кесипти акыл-эси менен тандаган болсо да, жүрөгү башканы дегдейт. Ал – журналистика эле.

КЕМЧИЛИГИ – ЭНЕ ТИЛИН БИЛБЕГЕНИ
Мектепти жакшы баа менен аяктаган Тина медициналык институтта да жакшы окуй баштайт. Ал алдыңкы студенттердин бири болуп окуган. Ооба, окуган, бирок көпкө эмес. Грузиянын “Меореархи” телеканалы телеалпаруучу издеп кастинг жарыялайт. Тина кастингге катышып өтүп кетет. Анын сырткы келбетин, сүйлөө стилин жактырышат. Бирок грузиялык телеканалда иштөө үчүн дагы бир талап бар эле. Ал – грузин тилин билүү. Тинатин орус тилдүү үй-бүлөдө чоңойгондуктанбы, эне тилин жакшы билчү эмес. “Үч айдын ичинде тил үйрөнөм” деп сөз берет. Бул үчүн жоопкерчиликти телеканалдын генералдык продюсери Серго Петадзе алат. Алпаруучулукка кызыгып кетип, окуусун таштап коёт. Кийинчерээк журналистика факультетине тапшырып, окуусун бүтүрөт.

“ЭМИ СЕНИ ЭР АЛБАЙТ”
Убакыттын өтүшү менен ал тез эле Грузияда атактуу телеалпаруучуга айланат. Эл аны ажарлуу, акылдуу жана таланттуу алпаруучу катары тааныйт. Бул Тинага жакканы менен, апасынын көңүлү тынчыбайт. Бир күнү Тина жумуштан келсе, апасы шолоктоп ыйлап жаткан болот. “Эмне болду?” деп сураганында: “Эми сен эл тааныган адамсың. Сендей элдин адамы болгон кыздарга эч бир жигит үйлөнгүсү келбейт. Сен эми эрсиз каласыңбы?!”- деп көз жаш төгөт. Ошондо апасын сооротуп: “Коркпоңуз, мен эрсиз калбайм, тескерисинче, кезекке тизилгендердин саны чексиз болот”,- деп жооп берет.

ЖЕРДЕШИНИН ЖАРДАМЫ МЕНЕН ТААНЫЛГАН
Албетте, мындай чырайлуу бийкечти мырзалар кантип карабай койсун?! Бирок грузин элинин менталитетинде үйдө отуруп тамак жасап, бала баккан аялзатын көпчүлүк мырзалар баалашат. Грузияны багындырган Канделакиге бул жат көрүнүш эле. Ошондуктан ал жерде калуу кызыксыз болот. Анан да карьерасын өстүрүү максатында Москвага бет алат.
Москвада курбу кызы жашачу. Башында ошонун үйүндө жашап, тажрыйбалуу кыз тез эле кесиби менен иш таап кетет. Алгач “М-радио” аттуу радиостанцияда иштейт. Андан соң актёр жана Грузиянын Эл артисти Станислав Садальский менен таанышып, ал жердештик кылып чоң жардамын көрсөтөт. Көптөгөн шоу-программаларды алпарып жүрүп, алардын көрүнүктүүсү СТС каналындагы “Детали” аттуу телеберүү болот. Андан соң 2003-жылы “Самый умный” интеллектуалдык балдар берүүсүн алпара баштайт. Бул берүү Тинаны Орусияда бир жыл ичинде чоң популярдуулукка жеткирет.

АЛГАЧКЫ СҮЙҮҮСҮ
Тина грузин кызы болгону менен, анын түшүнүгү грузин кызындай эмес. Мисалы, чогуу жашоо үчүн сөзсүз нике күбөлүк болушу керек дегенге такыр кошулбайт. Кызы Мелания боюнда болгондо гана Андрей менен мамилесин мыйзамдаштырат. Бул эл-журтка уят болбоо үчүн эмес, Орусиянын жарандыгын алып, сыртка чыгып саякаттоого жеңил болуш үчүн жасалган иш эле. Буга Андрей таарынбайт деле. Себеби Канделаки: “Мен башында Андрюханы сүйчү эмесмин, жакшы көрүү сезими гана болгон. Кош бойлуу болуп калганымды укканда ал көпчүлүк мырзалардай “аборт жасаталы” дебестен, “төрөйсүң” деген. Ким билет, 20 жаш курагымда ал “билгениңди кылып ал!” десе, мен боюмдан алдырып деле таштамакмын. Бирок ошондой катачылык кетиртпегени үчүн миң мертебе ыраазымын. Кызым ага куюп койгондой окшош. Төрөлгөндө Андрейге сүйөрүмдү айткам”,- дейт.

“СУТКАСЫНА ҮЧ СААТ УКТАЙМ”
Учурда ал “бир гана балдарым үчүн жашап келем. Алар үчүн тынбай иштейм, алар үчүн жашайм. Суткасына үч саат уктоо жетиштүү” дейт. Кечинде канчалык кеч жатса да, эртең менен алты жарымда ойгонуп алат. Кеч жатканынын себебин акыл-эс кампасын өстүрүү үчүн китепти көп окуп, интернетте көп отурганы менен түшүндүрөт.
“Мен дүйнөдө эмне болуп жатканынан дайым кабардар болуп турушум керек”,- дейт. Ал баласы үчүн жашайм десе, жакындары “сен карьера үчүн жаныңды бересиң” дешет. Мүмкүн, Канделаки баарынан карьераны алдыга койгону үчүн ажырашкандыр, ким билет? Бирок ал өз ишинен ырахат алуу менен өмүр сүрүп келет.

Бактыгүл Сокушова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(1)
18.10.2010. 15:00 
Тайпасы:
Кыймылы жок
Комментарийлердин саны:
20
Катталган:
02-04-2010
Соӊку аракети:
12-09-2011 10:42
Жынысы:
Белгисиз
0
Суйомгоо современная грузинка Сломала всех тупых стреотипов
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: