БИР БҮРКҮМ. АЭРОПОРТТУН ЭКС-ЖЕТЕКЧИСИ КАРМАЛДЫ...

“Манас” аэропортунун мурдагы жетекчиси Эмир Чукуев кармалып, 2 айга камакка алынды.
Кочкор районунда мал уурулук менен алектенген кылмыштуу топ кармалды.
Бишкек-Москва багыты боюнча авиакаттамдардын саны көбөйтүлдү, 2 авиакомпаниянын учактары жумасына 6 жолудан учуп турушат.
Базар-Коргон шаарын түзүү жөнүндө мыйзамга президент Садыр Жапаров кол койду.
Мамлекеттик салык кызматы 2021-жылы 96,7 миллиард сом салык жана төлөм жыйноону пландоодо.
Айжан Садыркулова Эсеп палатасынын жетекчиси болуп дайындалды.
2020-жылы өлкөдө 2700дөн ашык өрт кырсыгы катталган.
Бишкектин мурдагы мэри Албек Ибраимовго коррупция боюнча дагы айып тагылды.
“Манас” аэропортунун жетекчиси Бактыбек Сыдыков кызматтан бошотулуп, ордуна парламенттин мурдагы депутаты Бакыт Шаршеев дайындалды.
Бишкек шаардык сотунун имаратына 10-февралга караган түнү ууру киргенин милиция маалымдады.
Жогорку Сот экс-депутат Карганбек Самаковду 10 жылга эркинен ажыраткан мурдагы инстанциялардын өкүмүн жокко чыгарды.
2020-жылы Жалал-Абад облусунда 28 921 ымыркай төрөлгөнү расмий маалымдалды.

Жумабай Акимов

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 949, 11-17-февраль, 2021-ж.