Назми: «КЫЗЫМДЫ КАЙЫН СИҢДИМ ДЕП ЖАШЫРЧУМУН»

Ырчы Назминин турмушка чыкканына 2 жылга аяк басты. Кызы Альбина жакында 6 айга толот. Бойго жеткен Алина аттуу да кызы бар экенин уккан жок белеңиз? Анда кеп ырчынын өзүндө.

– Назми, кандайсың? Кызың чоңоюп калдыбы?
– Кудайга шүгүр, баары жакшы. Кызым отурайын деп калды.
– Сөздү ток этер жеринен баштасам, “бойго жеткен кызы бар” деп уктум...
– Ооба, ошондой. Аты – Алина. Буга чейин чоң ата-чоң энесинде болчу. Эми 9-классты бүтүп, биздин колго келди.
– Алина ошондо жолдошуңдун кызы да...
– Ооба. Талант экөөбүз 15 жыл жакшы тааныштардан болуп жүрүп, анан үйлөндүк да. Биз таанышканда Алина 4 жашта болчу. Ата-энеси ажырашканда кыз өзү атасын тандаган. “Атама кетем, атам качан келет?” деп эле аялдаманын жанында тура берчү экен. Талант 7-класска чейин борбордо өзү багып, өзү окуткан. Ишине байланыштуу Кытайга каттай баштаганда гана Токтогулдагы чоң атасыныкына жиберген.
– Алина экөөң эне-баладай элесиңерби?
– Кош бойлуу кезимде менден “кыздуу болгуң келеби же уулдуубу?” деп сурай беришчү. Мен “нянкабыз бар, лялка керек” дечүмүн. Ошонун сыңарындай, Алина – чоңоюп калган кыз, даяр жардамчы. Экөөбүз эне менен кыздай эле жакынбыз. Келин болуп барганыма бир ай болгондо эле апа дей баштаган. Менин апамды таене дейт.
– Алина атасына эркелей баштаганда сенде кызгануу болбойбу?
– Чынында, Алина көп деле эрке эмес. Биз аны тайларынан кызганабыз. Былтыр апасы Токтогулга издеп барып, жолугуп кеткен. Кичүү кызымдын аты Альбина эмеспи. Экөө бири-бирине аябай окшош.
– Буга чейин эмнеге жашырып келдиң?
– Жакындарымдын баары эле билишчү. Ал эми журналисттер “бул ким?” деп сурашса, “кайын сиңдим” деп жашырып койчумун. Балада күнөө жок экенин билем, бирок кызым тартынып, "ачыкка чыгарбай эле коюңузчу" дечү.
– Жакшы. Назми, маегиңе рахмат. Кыздарыңдын урмат-сыйын көр.

Сүйүн Кулматова
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (10)

aminali

2010-10-15 18:35:20

Kizim bar desen seni biroo sottomok bele, je kuiogo tiibei kalam dedinbi, jawirbai ele koison bolmok ,kizin baikuwtu jaman akbalga kaltirbai.Bala degen bala da kan4a kiwi zar bolup jurot.

lira

2010-10-15 18:49:13

Aminaldi...Uluu kyzy ozunun kyzy emes,kuyoosunun kyzy...Jakshylap okup,anan syn aitsan!

cosmopolit

2010-10-15 22:20:38

ошону айтсан, кыргыздар кыргызча да жакшы тушунбой калышканбы...жашырабы койобу ар кимдн оз иши...самое главное аман болушсун...

Elmira

2010-10-16 08:19:09

nikesi ushunday bolchu bele?katastrofa!

aminali

2010-10-16 14:03:38

KUIOSUNUN kizibi ozunun kizibi baaribir, BALA an degen bala da,silerge karaganda kirgiz4a men jakwi tuwunom sozdorum maanilu,ar kimdin oz iwi ooba BIROK baladan uyalgandardi, kesirluulor dep oiloim."KAINSINDIM" emi bolso KIZIM dep((((((((((((((

zzz

2010-10-18 12:13:27

эмнеси катастрофа?... никеси кадимкидей эле го... болгону жолдошунун мурунку аялынан калган кызы бар экен...

Debi

2010-10-19 18:05:35

Азамат, өз кызындай имерип алганы үчүн! кыз жүрөгү жибиген үчүн апа деп жатат да. болбосо апа деш оңой эмес да. дагы бир жолу азаматсың, Назми, бактылуу болгула!

zzahra

2010-10-20 20:21:03

kizdari biri birine okshosh eken chin ele.siyagi atalarina okshosh ko...:))

milli

2010-10-22 15:23:19

Emi jashyraby jashyrbayby al NAzminin oz ishi. En bashkysy baktyluu bolushsa boldu....

Expert

2010-10-25 15:54:30

mdaaa,tochno ele ekoosu ten atasyna oksos oksoyt.Kara-toru kelgen,kolomduu adam bolso kerek, kyzdaryna karaganda :))

Комментарий калтыруу үчүн өз ысымыңыз менен кириңиз же каттоодон өтүңүз.

№ 415, 15-21-октябрь, 2010-жыл.