ТАРЫХЫЙ АПТАНЫН ТААМАЙ АЙТЫЛГАН СӨЗДӨРҮ

Алдын-ала жыйынтыктын маалыматына карасак, беш партиянын өкүлдөрү ЖКдан орун ээлөөгө мүмкүнчүлүк алышат. Мына ушул партиялардын лидерлери тарабынан бир аптанын ичинде айтылган сөздөрүнө көңүл бурабыз.

“Ата Мекен” партиясынын лидери Өмүрбек Текебаев:
“Эгерде сырттан кийлигишүү болбосо, өлкөдө тартип орнойт”.
“Бул жолку шайлоого да кылмыш дүйнөсү аралашты”.
“Схема боюнча, шайлоодон кийин толук жеңишке жеткен партия болбойт”.

КСДПнын лидери Алмазбек Атамбаев:
“Мен өнүккөн жана күчтүү өлкө менен Кыргызстандын келечеги үчүн добуш бердим”.
“Бул – Кыргызстандагы чыныгы адилеттүү шайлоо, бул – элибиздин чоң жеңиши”.
“Биз түрдүү күчтөр менен коалицияны түзүүгө даярбыз. Муну демократия деп коёт. Баары иш боюнча оппоненттер менен келишүүгө көнүшү керек”.

“Ата Журт” партиясынын лидери Камчыбек Ташиев:
“Айрыкча УКМК менен УТРКнын жетекчилигине нааразыбыз”.
“Биздин биринчи болгонубузга таң калгандар көп болду. Демек, алар элдин чыныгы маанайын билишкен эмес”.
“Бакиевге каршы козголгон кылмыш иштерин иликтөөнү жапканга аракет кылбайбыз, тескерисинче, аны улантабыз”.

“Ар-намыс” партиясынын лидери Феликс Кулов:
“Жүз метрлик жарышта чуркап бара жатышканда, марага ким биринчи жетерин алдын ала айтуу өтө татаал. Ошондуктан жеңүүчү марада гана аныкталат”.
“Убактылуу өкмөттүн курамына кирген партиялар алга озуп чыгышкан жок. Ушул себептен алар көбүрөөк утулду десе болот”.

“Республика” партиясынын лидери Өмүрбек Бабанов:
“Биз 65 мандатка ээ болууга аракет жасаган элек”.
“Бакиевди кайра алып келебиз” дегендерге кошула албайбыз”.
“Мага ЖКнын төрагалыгын жана өкмөт башчылыкты сунушташты”.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

aminali

2010-10-15 18:06:26

Meni tangaldirgani A.Atambaev,O.Babanov,O.Tekebaev,jana bawka belgiluu sayasat4ilar bir komanda emes bele eski prezidentterdin ubaginda emi emnege partia bolup bolunup 4iga keliwti,baari ten opozizia dep ATA MEKEN bolup aluwsa el da irazi bolmok,eldin bawin ailandirbai bul insandardin baarin el silawat bir ele partia bolso baari jeniwke jetmek.

aminali

2010-10-15 18:10:58

ATA JURT degen partia kaidan 4iga kaldi kiratip koigonsup e4 kimge dele emgegi otkon emes jana alardi e4 kim taanibait,uyalbai suiunup jatiwkandir,emi kan4a jaw ulandardin omuru korkunu4ta boldu eken???jaman i4im kuiup jatat.

Кайрат

2010-10-16 17:52:05

Озу биз бир ары жок эл экенбиз да. Кечээги Бакиевдин учурунда иштеп эл менен иши жок Кулов Ташиев Келдибековдорду шайладык. Мына бугун болсо салпактап кремлде окмот тузууну кенешип журушот. Ар-намысты Республиканы шайлайбыз деп алган 500-1000сомунар ылайым тешип чыксын.

menkyrgyzjigit

2010-10-22 14:45:43

ай ай эгерде бабановдун созу чын болуп атамекен сдпк жана республика коалиция тузссо эч коркунуч жок эле утушмак

milli

2010-10-22 15:20:43

Eey kongon adat kalbayt go... dagy dele satyldyk, kantip bashkalar birinchi orundu alyp kalyshty, men bilip-taanygan Kyrgyzstandyktar jalan but baary ATA MEKENge dobush bergen... dagy satyldyk!!! 7-Aprelde kurman bolgon tuugandar dostor taanyshtarga ichim achyshat.

Комментарий калтыруу үчүн өз ысымыңыз менен кириңиз же каттоодон өтүңүз.

№ 415, 15-21-октябрь, 2010-жыл.