Архив
944   945   946   947   948   949   950  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

ЧЕТ ӨЛКӨДӨ ОКУУ – ЖАШТАРДЫН КЫЯЛЫ

№950 18-24-февраль, 2021-ж.


Чет өлкөдөн акысыз билим алууга мүмкүнчүлүктөр көп. Болгону жаштарга багыт керек. Кыргызстанда чет жерден окугусу келгендер миңдеп саналат. Бул макалада учурда кайсы өлкөлөргө окууга тапшырууга болору тууралуу айтып беребиз.

ОРУСИЯНЫН ЖОЖДОРУ ҮЧҮН БЮДЖЕТТИК ОРУНДАР

Кабыл алуу 2021-жылдын 20-январынан 20-февралына чейин EDUCATION IN RUSSIA сайтында жүргүзүлөт. Бакалавр, магистратура, ординатура, аспирантурага кабыл алат. Орусия Кыргызстанга эң көп бюджеттик орундарды берген өлкө. Жылына жалпы 400дөй орун бөлөт.

ЛАТВИЯ ӨЛКӨСҮНҮН СТИПЕНДИЯСЫ

Катталуу 2021-жылдын 1-февралынан 1-апрелине чейин жүрөт. Бул Латвия өлкөсү менен Кыргызстандын ортосундагы билим берүү жана илим жаатындагы кызматташуу боюнча келишимдин негизинде Латвия тарабынан бөлүнгөн стипендия болуп эсептелет.

Кыргыз өлкөсүнүн жарандары Латвиянын жогорку окуу жайларына бакалавр, магистратура жана докторантурага тапшыра алышат. Документтерди кабыл алуу www.viaa.gov.lv/scholarships сайтында онлайн түрдө жүрөт. Чет жерден окугусу келген жаштар күчүн сынашса болот.

ТҮРКИЯ СТИПЕНДИЯЛАРЫ

Түркиянын мамлекеттик окуу жайларында бакалавр, магистратура жана докторантура даражалары боюнча акысыз билим алуу программасы бар. Аталган программа жыл сайын студенттерди кабыл алат. Катталуу 2021-жыл үчүн 10-январдан 20-февралга чейин жүргүзүлөт.

7 тилде катталууга болот: түрк, орус, араб, англис, француз, испан жана босния тилинде.

Түркиянын мамлекеттик стипендиясына https://turkiyeburslari.gov.tr/tr расмий сайтынан онлайн түрдө катталуу зарыл. Бакалаврга 21 жаштан, магистратурага 30 жаштан, ал эми докторантурага 35 жаштан ашпоо шарты менен.

Аталган стипендияга тапшырууда окуудагы жана социалдык жетишкендиктер каралат.

“ТҮРКИЯ УНИВЕРСИТЕТТЕРИНДЕ СТИПЕНДИЯ АЛЫП, АКЫСЫЗ ОКУЙ АЛАСЫҢ”

Мырзахит Мырзаев, “Түркия стипендиялары” программасынын бүтүрүүчүсү:

– Бул программа Түркия Республикасы тарабынан каржыланат. Ай сайын стипендия берет, жатакананын акчасын да ай сайын төлөп турат. Студент жатаканага же батирге жашаса болот. Андан сырткары медициналык камсыздандыруу жана студенттин Түркияга алгачкы келген жана окуусун аяктагандан кийин кетүү учак билети төлөнөт. Эки турдун жыйынтыгы менен студенттер тандалып алынат. 1-турда катталуудан өтүп, документтерди жиберет. Эгер студент кабыл алынса, 2-турда маектешүү болот. Андан өткөн болсо керектүү документтерди Түркия Республикасынын элчилиги аркылуу тастыктап, андан соң окууга кетет. Толук маалымат студенттин электрондук дарегине жиберилет. Шарттары аябай жакшы. Түркияда жалпы 200дөн ашуун университет болсо, аталган программага эң жакшы делген 60тай университет кирген. Инженердик факультетте окугандар лабораторияда иштеши керек. Ал үчүн бардык шарттар түзүлгөн.

Орусия, Кытай же башка өлкө болсун, дегеле, чет жакта билим алуунун артыкчылыктары көп деп ойлойм. Себеби дүйнөнүн 4 бурчунан келген студенттер менен аралашып, тил үйрөнүп, маданияты менен таанышасың.

“ЧЕТ ЖАКТА ОКУУ ҮЧҮН АНГЛИС ТИЛИНДЕГИ TOEFL, IELTS СЫНАКТАРЫ ТАЛАП КЫЛЫНАТ”

Абдрахман Сулайманов, ОБСЕ академиясынын бүтүрүүчүсү:

– Өзүм Ноокат районунун Борбаш айылынан болом. Чет жакта билим алууну каалаган студент магистратурага 1-2-курстан тартып эле даярдана башташы керек. Ал эми бакалаврды чет жерде окуйм десе мектепте окуп жүргөндө баштоосу зарыл. Ал үчүн биринчи англис тилинин деңгээлин көрсөткөн TOEFL, IELTS деген сынактардын сертификаттары керек. Ал сертификаттар англис тилин билет деген тастыктама. Мисалы, Европа өлкөлөрүнө Германияга же Улуу Британияга окууга тапшырсаң, кабыл алчу университет англис тилин билериңе ишениши керек. Андан кийин кайсы кесипке тапшырарыңды так билишиң кажет.

Ар бир өнүккөн мамлекеттин стипендиялык программасы бар. Мисалы, Германиянын DAAD, Англиянын Chevening стипендиясы жана башка толтура программалар бар. Студент өзү изилдеп, издениши керек. Мүмкүнчүлүктөр көп. Чет жакта окууга тапшырууда жогоруда айтылган эл аралык сынактар, мотивациялык кат, сунуш кат дагы башка критерийлерге маани берилет.

Жогорудагы жана башка стипендиялык программалар октябрь айынан баштап документтерди онлайн түрдө кабыл алып баштайт. Кээ бир университеттер тандап алуу процессин эрте баштайт, кээ бирлери кечирээк. Көпчүлүгү январь айынан баштап апрелге чейин жүрөт.

ЧЕТ МАМЛЕКЕТКЕ БАРГАНДА ДҮЙНӨЛҮК АТААНДАШТЫККА ЧЫГАСЫҢ”

Жылдыз Арыстанбек кызы, "Венгрия стипендиялары" программасынын магистранты:

– Венгрия стипендияларынын Кыргызстанга келгенине 3-4 жылдай болду. Башында ушул стипендиянын аркасы менен байлардын, депутаттардын балдары эле барат деп Жогорку Кеңеште ызы-чуу болгон. Кийинчерээк тандоо ачык өтүп баштады. Бул программага башында 35 орун берилчү. 2019-жылы 75 орун, 2020-жылдан баштап 150дөй орун бөлүнө баштады. Анын ичинде бакалавр, магистратура жана PhD программалары кирет. Бул, эң биринчиден, Европага баруу мүмкүнчүлүгү. Баргандар Европадагы адамдардын ой жүгүртүүсү эмнеге башкача, эмне үчүн алар алдыда деген сыяктуу суроолорго жооп табышат, мыкты билим алат. Мисалы, магистратурага кайсы тармакты тандасаң, ошол тармактын мыкты адиси кылып чыгарат. Учурда маалыматтардын баары англис тилинде болгондуктан бул тилди жакшы өздөштүрө аласың. Европадан диплом алуу бир топ мүмкүнчүлүктөрдү ачып, көп мамлекеттерде жакшы каралат. Мисалы, жумушка кирип жатканда бааланат, башка өлкөлөргө чыгып, андан ары академиялык карьера кылганга чоң мүмкүнчүлүк түзөт. Андан тышкары Европанын өзүндө иштөөгө болот.

Биз Кыргызстанда өлкөнүн деңгээлиндеги конкуренция менен жүрө беребиз. Ал эми чет мамлекетке чыкканда дүйнөлүк атаандаштыкка чыгасың. Мисалы, менин тайпамдагы 25 студенттин 18-20сы ар башка мамлекеттен келген. Мексика, Украина, Македония, Кытай жана башка. Алардын ой жүгүртүүсү ар башка, жашоого болгон көз карашы, айткан идеялары ар түрдүү. Алар менен идея алмашасың. Мугалимдер күчтүү, заман талабына ылайык окутат.

Жумабай Акимов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 1 колдонуучу (Катталган: 0, коноктор: 1) бул макаланы окуду:

Макалалардын саны:
25195;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Жибек Жолу проспектиси 381
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: