Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№416 22-28-октябрь, 2010-жыл.


(Башы өткөн сандарыбызда)

– Иним, карындашыңды жакшы жеткирип кой, ээ?
Дагы каршы болоюн дегиче Лексустун арткы эшиги ачылды. Чыгып отурууга аргасыз болдум.
– Чочуба, карындаш, үйүңө чейин жеткирип коёбуз.
Жанымда отурган олбурлуу кара кишинин үнү мээримдүү чыкты.
– Олимпиадага барды дейби? Кайсы сабактан?
– Химия.
– Жыйынтыгы кандай болду?
– Эртең чыгат. Бирок балл боюнча биринчи орунда экенимди угуп калдым.
– Оо, куттуктайм. Химия, физика деген сабактарды чыдап окугандарга баа берем. Мен бул сабактардын атын укканда куйкам курушчу.
– Неге?
– Билбейм. Мага, негизи, дене тарбия, анан алгебра сабагы эле жетиштүү болчу. Калган сабактарда окубай, коридордо эле жүргөм.
Ошентип, биздин айылга жеткиче бул байке менен сүйлөшүп бардым. Абдан жагымдуу, тамашакөй экен. Билбейм, эмнеси окшоду, бирок Арстанды көргөндөй, аны менен тамашалашып жаткандай болдум. Коштошуп кете берерде тиги байке токтотуп, айдоочусуна кайрылып калды.
– Жанагы телефон жаның­дабы?
– Ооба, мына.
Шашып-бушуп бардачокту ачкан айдоочу бир кутуну сунду.
Нокианын жаңы үлгүлө­рүнүн бири экен.
– Ме, карындашым, олимпиададан жеңгениң үчүн.
– Жок, али толук жыйынтыгы чыга элек. Мен бейтааныш адамдан...
– Муну сендей кызыма алгам. Бирок жолум болбоду. Эртең кайра башкасын алып барып берем. Ме, ала гой. Ичинде симкасы, 1000 бирдиги бар. Кут болсун.
Ушул сөздөрдү айтып, менин булдуруктаганымды да укпай, эшикти жаап кете беришти. Кап, оңдуу рахмат да айта албадым. Баса, аты ким эле? Мына сага, ушунча жол басып келгиче атын сурабаптырмын.
Ошентип, соткалуу болуп бир кубандым. Кымбат баалуу буюмду кайдан алганымды, дегеле телефондуу болгонумду атам көпкө чейин байкаган жок. Ажар гана көз кыйыгын салып, “кайдан алдың, ким берди?” дегенчелик кылып суроолуу тигилип калды. А мен күндөгүдөй унчукпай гана басып кеттим.

ххх

Арстан кеткени мендеги көп кызыкчылыктар жоголду. Баягыдай эрте туруп бак аралап чуркоо, күн сайын бакчадан гүл кыркып келип вазадагы гүлдү жаңыртуу, түнкүсүн асманды тиктей жылдыз саноо, курбу кыздар менен ушакташуу... Баарын таштап салдым. Азыр мен сабак окуу, үй жумуштарын жасоо, анан апамдын сүрөтүнө тигилип үн-сөзсүз сүйлөшүү менен гана убарамын. Бир күнү Асел кубанычтуу кол булгай үйгө жүгүрүп кирди. Өзүнөн мурун анын үнүн уктум.
– Кандайсыз, Мукай аба, Айдай үйдөбү?
– Ии, үйдө, өзүнүн бөлмө­сүндө, кире гой.
Мен эшикти ачкыча курбум жулунуп кирип келип, моюнума асыла кетти.
– Тапчы, мага ким телефон чалды?
Арстан?! Оюма дароо менин “тууганым” келгени менен, атын угуза айта албай каттым да калдым. Эмнеге мага эмес, Аселге чалат?
– Ну, таптыңбы?
– Оюма эч ким келбей жатат.
– Арстан! Апам менен таарынышып, капа болуп, ыйлагым келип отургам. Элестет, ошол маалда телефонум чырылдап жатпайбы. Чет жердин номери экен, алсамбы, албасамбы деп көңүлдөнбөй жатып жооп берсем, Арстандын үнү! Жүрөгүм жарылып кете жаздады.
Жарылбаганда анан! Ошондой үндү кантип жөн-жай угуп турууга болсун. Албетте, жүрө­гүң дүкүлдөйт. Анын үстүнө канча болду? Ооба, толук алты ай болуптур кеткенине.
Асел быдылдап сүйлөп жатты.
– Ой, боорумду эзди. “Айдайдан бассаң-турсаң көз алба. Сенден башка эч ким менен ачык сүйлөшпөйт. Кабак-кашын карап, байкай жүр. Ыйлачу болсо мага кабар бер” дейт. Тимеле алты айлык баласын дайындагандай. Ал сөздөрүн угуп алып каткырдым.
– Асел, сага Арстан жагабы?
– Эмне?
– Арстанды сүйөсүңбү дейм?
– Ну-у, эми аны ачык сураба­саң деле болмок. Ансыз деле түшүнүктүү болуп турбайбы.
– Алчы, сени жактырабы? Экөөң эмне деп макулдаштыңар эле?
– Айдай, сага эмне болгон?
– Жөн эле, адамдарды күлдүр­гөндөн башканы билбес “агам” менин эң жакын курбума эмнени убада кылды экен деп ойлоп кеттим да.
– Эч нерсе убада кылган эмес. Чалып, кабарлашып турабыз деп кеткен. Баса, телефон алганыңды айтып, номериңди бердим. Сен эмне, ушуга чейин сүйлөшө элексиңби? Үйгө чалбай жатабы?
– Чалып эле жатат. Бирок көбүнчөсү мен жок болуп калам. Бир иштерге алаксып калам. Айтор, сүйлөшө элекпиз.
– Сагындыңбы?
– Айтпа.
Курбума канчалык сагынганымды айтып, буркурап ыйлагым келип кетти. Бирок көз жашты эч кимге көрсөтпөөнү жашымдан эле өздөштүргөм. Көөдөндү бошотууну ананкыга калтырдым.
Түшүм беле, өңүм беле? Арстандын жазганын окуп алып ыйлаган жокмунбу? Эртең менен уйкудан ушул суроо менен ойгондум. Шашып-бушуп жаздыгымдын астында жаткан телефонду таап, билдирүүлөрдү ачып кирдим. Оо, Кудай, түш эмес экен! “Асел жүгүрүп келип, мактанып кеттиби? Анан “неге мага чалбай, Аселге чалат?” деп бултуюп калгандырсың? Ии-ий, таарынчаак десе! Телефон алганыңа аябай кубандым. Ким алып бергенин кийин сурайм. Азыр түнүң бейпил болсун!
Ошентип, менин өмүрүмө кайрадан жаз кирди. Эми сабак, үй жумуштары өңдүү кызыкчылыктарыма телефон кошулду. Бир жыл бою жанымда жүрсө да, азыркыдай жакын болбогом. Бассам-турсам оюмда, уктасам түшүмдө. Мен эле десем, Арстан да ошондой абалда жүрөт көрүнөт. Тамашалаган, мени чычалаткан билдирүүлөрдүн арасында кээде чочугандай таң калычтуулары келип калат.
Түшүмдө сени бир олбурлуу караан жетелеп баратыптыр. Канчалык кыйкырып, артыңдан жыгылып-туруп чуркасам да, кайрылып койбой кетип калдың. Корком. Сени жоготуп алуудан корком. Өзүңдү абайла, жакшы кара”.
“Сени көрбөй, билбей, он алты жыл кантип жашаганымды түшүнө албай кетем”.
“Бул жакта классташтарымдан төртөө бар. Сага айттым беле, Марал тууралуу? Короче, атам бирөөнүн кызын алып берем дейт. Ошол да бул жакка которулуп келип алды. Көрсөм кыжырым кайнайт. Тажатты кишини, качан сени көрөм?”
Марал. Марал. Атына заты жарашкан кыз болсо керек? Атасы алып берем деп жүрсө, демек, бир чоңдун кызы.
Арстандын атасы Бишкектеги бир райондун прокурору. Анан ошондой киши жөн адамдын кызын алып берем деп жабышмак беле.

Жазгүл Калыева

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(3)
22.10.2010. 23:08 
Тайпасы:
Жаран
Комментарийлердин саны:
29
Катталган:
16-08-2010
Соӊку аракети:
07-02-2018 16:38
Жынысы:
Белгисиз
Калаасы:
Бишкек
0
Уландысын чыдамсыздык менен кутом....
25.10.2010. 19:19 
Тайпасы:
Жаран
Комментарийлердин саны:
78
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
0
sandan sanga kyzyktuu bolup bara jatat..
26.10.2010. 17:19 
Тайпасы:
Кыймылы жок
Комментарийлердин саны:
3
Катталган:
23-10-2010
Соӊку аракети:
25-02-2011 19:25
Жынысы:
Белгисиз
0
emi emne bolot boldu eken ee?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: