Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖЫЛДЫЗДАРДЫН АТАК-ДАҢККА ЧЕЙИНКИ ТУРМУШУ

№239 1-7-июнь, 2007-ж.


Сырттан караган адамга дүйнөгө аты тараган атактуу жылдыздардын жеке жошоосу жомоктой эле сезилет. Ыр-бий, көңүл ачуу, дүйнө жүзүнө сапар тартуу, деги эле бекер келген акчаны чачып, жыргал жашоону башынан кечирип жүргөндөй туюлушу мүмкүн. Бирок, көпчүлүк эмнегедир алардын ушул атак-даңкка келгенге чейинки башынан өткөргөн турмуштун татаал сыноолору жөнүндө биле беришпейт. Анда, кээ бир атактуулардын көпчүлүккө таанымал боло элек чагындагы турмушунан кыскача маалымат.

СИЛЬВЕСТР СТАЛОННЕ

Сталонненин актёрдук карьерасы оңой эле түптөлө калган эмес. Ата-энеси жаңы эле Италиядан Нью-Йорк шаарына көчүп келгенден кийинки кыйынчылык учурларда Сильвестр төрөлөт. Жаш кезинен эле келечекте актёр болууну самагандыктан, өз максатына жетүү үчүн кандай гана жол менен болбосун акча табууга бет алат. Башында Нью-Йорктогу ири зоопарктардын биринде арстандар камалуучу темир торлорду тазалоочу болуп ишке орношот. Андан кийин пицца ташуучу кызматкер да болуп иштейт. Кийинчерээк театрга жөнөкөй жумушчу катары кирип, таланттуу,келечектен көптү үмүттөндүргөн сахна актёру болуп чыккан. Эске салсак, Сталонне актёрдук кесибин порнофильмдерден баштаган эле. 1970-жылы "Вечеринка у Китти и Стада" аттуу тасмада башкы рольго тартылып, көпчүлүктүн көзүнө илинген. Порнофильмдеринин акыркысы 1976- жылы тартылган "Итальянский жеребец" аттуу тасма.

АЛЛА ПУГАЧЕВА

1966-жылы Ипполитов-Иванов атындагы орто окуу жайын бүтүргөндөн кийин Алла музыкага аралаша баштайт. Айыл жерлерине багытталган гастролдук сапарларынан эч кандай майнап таппагандан кийин орто мектептердин бирине музыка мугалими болуп ишке орношкон. Балдар менен жакшы тил табыша албагандыктан, бир аз убакыттан кийин кайрадан чыгармачылыктын жолуна кайтып келет.

ЖЕННИФЕР ЭНИСТОН

Бойго жетип, өз оокатын өзү өткөрүүгө жарап калгандан кийин алгач чакан ашканалардын биринде официант болуп эмгектенет. Кенедей кезинен эле атактуу актриса болууну самаган Женнифер атасынын каршы болгонуна карабай, Бродвейди багындыруу максатында шаарды көздөй бет алат. Тилекке каршы, иши оңунан чыкпай, ал жактан да кайрадан эле официант болуп ишке орношкон. Айта кетсек, Энистон учурунда өтө эле толук кыз болгондуктан, театрларга ишке албаганынын дагы бир себеби ушул эле. “Жок дегенде 10 килограммга арыктап, анан бизге кайрылсаң болот”,- деген сөздөрдү уккандан кийин тез эле диетага отуруп, 12 килограммга арыктаган. Ушундан кийин кинодогу биринчи ролго ээ болот.

ЛОЛИТА

Россия эстрадасындагы белгилүү ырчы жана телеалпаруучу Лолитанын жылдыз болгонго чейинки турмушуна көз чаптырсак, чын эле бооруң ооруйт. Үйбүлөсү кедей тургандыктан, жетинчи классынан тартып эле акча таап, өзүн гана эмес, оорукчан апасын дагы багууга туура келет. Алгач мектепте пол жууп акча тапса, кийинчерээк бала бакчага тарбиячы болуп ишке орношкон.

ИГОРЬ КРУТОЙ

Азыркы убактагы эң бай адамдардын катарындагы белгилүү композитор Игорь Крутой да бир убакта жөпжөнөкөй музыка мугалими болчу экен. Окуусун жаңы бүтүргөн музыкант жигит алгач жаш таланттарга баян аспабында ойноо боюнча сабак берчү. Кийинчерээк Гайворон районунун Бандуров айылындагы таланттуу жаштар Крутойдон музыкадан сабак алып тарбияланышкан.

ЭМИНЕМ

Тогузунчу классты аяктап жатып беш жолу сынакка киргенине карабай кийинки класска өтпөй калат. Баласынын бул жоругуна апасы кубанып: “Эми иштеп акча таппасаң, көчөгө кууп жиберем”,- деген сөздөрдү айткан. Болочоктогу атактуу рэп ырчысы Эминем өзү жашаган жердеги чакан ресторандардын бирине ашпозчу болуп жумушка орношот, ошол эле учурда официанттын да милдетин аткарчу экен. Иштеп жүрүп, кызмат ордунда рэп окуй бергендиктен, кожоюнунан бир нече жолу эскертүү алып, жумуштан айдалып кетүү коркунучуна да кабылган.

ЗЕМФИРА

90-жылдардын ортосунда Земфира Рамазанованы өзүнүн жакындарынан башка эч ким таанычу эмес. Беш жашынан тартып эле ырдоого кызыккан таланттуу ырчы кыздын алгачкы угармандары көчөдө эле басып бараткан элдер болчу. Анткени,Земфира жер астындагы өткөөлдөрдө өзүнчө топ түзүп алып гитара менен ырдап турчу экен.

ЖАСМИН

Ай чырайлуу, назик үндүү ырчы айым Жасмин кесиби боюнча медсестра болгондуктан, ырчылыкка чейин бир жылдай өз кесиби менен райондук эмканалардын биринде иштеген. Кесиптештеринин айтуусу боюнча, колу жеңил, боорукер, элпек кызматкер болчу. Айта кетсек, ушул жерде иштеп жөргөн кезинде болочок жолдошу менен таанышкан эле. Бирок, Жасмин күйөөсү Вячеслав Семендуев менен былтыркы жылы үйбүлөлүк чыр-чатактардан улам ажырашып кеткенин билсеңиз керек.

МАДОННА

Дүйнө жүзүнө таанымал Мадонна да турмуштун кыйынчылыгын башынан өткөрүп, бир кезде жөнөкөй жумушчулардын катарында болчу экен. Университеттеги окуусун бүтүрбөстөн эле музыкага болгон кызыгуусу артып, келечегин кеңейтүү максатында Нью-Йоркту көздөй бет алат. Чөнтөгүндө болгону 35 доллары гана болгондуктан, алгач акча табуу үчүн жумуш ордун издештире баштайт. Мадонна Нью-Йорктогу карьерасын “Dunkin Donuts” деген кичинекей ашканада пончик сатуучулуктан баштаган. Кечкисин болсо ыр-бий менен алектенчү экен.

ДИМА БИЛАН

Учурда популярдуулуктун туу чокусунда турган ырчы жигит Дима Биландын да атактуулукка аттанган жолу татаал болуп, турмуштун ар тараптуу кысымдарына кабыл болгон. Дима музыкалык мектепте окуп жөргөн кезде ата-энеси каражат жактан бир аз кыйынчылыктарга учурайт. Ал эми жаш ырчы жигиттин музыкага болгон кызыгуусу артып, музыкалык аспап сатып берүүлөрүн суранганда эптеп тапкан акчаларына аккордеон сатып беришкен эле. Буга ыраазы болгон Дима ата-энесине жардам берүү максатында тамакка кошулуучу аш­көктөрдү өстүрүп, аялдамаларда туруп сатчу экен.

МАША РАСПУТИНА

Маша Распутина Кемеров областынын Уроп айылында төрөлгөн. 10-классты аяктагандан кийин Алла Агеева (Машанын өз аты) турмуштун татаал бурулушуна кабылат. Ата-энеси менен шаарга эс алууга келип,тааныштарынын жардамы менен ишке орношуп калат. Учурдагы белгилүү ырчы Маша ал кезде иш кагаздарын даярдоочу секретарь болуп иштеген экен.

ЭШТОН КЕТЧЕР

Миллиондогон кыздардын жүрөгүн багындырган атактуу модель жана актёр Эштон Кетчер да балалыгында көптөгөн кыйынчылыктарга дуушар болгон. Эштон 13 жашка толгондо ата-энеси ажырашып, байкеси Майклдын жүрөгүн алмаштыруу үчүн операция жасалгандыктан, үйбүлөсү материалдык кризиске учурайт. Ошол кезде Эштон Айова штатындагы колледждердин биринде билим алып жүргөндүктөн, окуусуна акча табуу үчүн кечкисин жергиликтүү заводдордун биринде катардагы кызматкер болуп ишке орношкон.

СОФИЯ РОТАРУ

София айылдык дыйкандын үйбүлөсүндө төрөлүп, айыл жергесинде чоңойгон. Ата-энеси алты баласын тең жаш кездеринен эмгектенүүгө үйрөтүшкөн эле. Алардын арасында София дагы ушундай бекем тарбия алган. Кичине чагынан эле талаа жумуштарына кол кабыш кылып, кара жумушту катыра аткарган. Ал эми чоңойгондо болсо турмуштун дагы бир кыйынчылыгы башына түшүп, базарда жемиш сатып оокат кылчу экен.

АНИТА ЦОЙ

Жолдошу Москва шаарынын мэриясында иштегенине карабастан Анита эстрададан жылдызы жана электе базарда кийим сатып соода кылчу. “Бир жолу отурсам, болбогон себептер менен базардын күзөт кызматкерлери товарларымды алып кетип калышкан. Артынан барып, “мэрияда күйөөм иштейт, азыр чалып айтам” десем, ”күйөөң мерияда иштесе, сен бул жакта эмне кылып жүрөсүн?” деп ишенишкен эмес эле. Чын эле чалгандан кийин өздөрү кайра апкелип беришкен”,- деп эскерет базардагы күндөрү жөнүндө ырчы.

Даярдаган Чолпон Сүйүнбаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: