АТАКТУУ ЭРОТИКАЛЫК КАЛЕНДАРЬ

Дөңгөлөк чыгарган фирманы дүйнөлүк брендге айландырып, ааламга даңазаланган эротикалык календарь бар. Бул боюнча кабарыңыз жокпу? Анда маалымдар болуңуз.

ФИРМАНЫ САКТАГАН СУЛУУЛУК...
Айтылуу “Пирелли” аттуу италиялык дөңгөлөк чыгарган фирма көпчүлүккө белгилүү. Ири ийгиликтерге жетиш үчүн фирмага жарым кылымдан ашуун убакыт талап кылынган. Дөңгөлөк чыгарылганына карабай, ошол ийгиликтин негизги сырларынын бири сулуулук болгон. 1962-жылы “Пирелли” компаниясы өз ысымын таанытуу максатында жарнаманын жаңы түрүн ойлоп табат. Максаты унаалар менен бирге сулуу бийкечтердин сүрөтү түшүрүлгөн календарларды чыгаруу эле. Бирок бул идея көп деле ийгилик алып келбейт.
1964-жылы Дерека Форсайт аттуу фотограф календарга эротикалык, болгондо да өзүнөн жылуулук чачыратып турган сулуу бийкечтердин сүрөттөрүн чыгарууну туура көрөт. Ошол кезден тарта календарлар ишканага болуп көрбөгөндөй ийгилик алып келет.

ЖЫЛАҢАЧ КЫЗЫКТАР

Календарлар саналуу гана нускада басылып, ачык сатыкка чыгарылбайт. Чөнтөгү калыңдар аукцион аркылуу гана сатып ала алышат. Ошого карабай гезит-журналдар аркылуу календарь жыл сайын уу-дуу жаратуу менен кеңири таралып, “Пиреллини” жарнамалап турат.
«Пирелли» календарларды өзүнүн VIP кардарларына белек кылып тартуулап турат.
Ушул кезге чейин календарга Наоми Кемпбелл, Синди Кроуфорд, Милла Йовович, Кейт Мосс, Наталья Водянова, Женнифер Лопес, Софи Лорен сыяктуу ааламдын атактуу айымдары тартылышкан. Ушундан улам айта кетчү нерсе, календарга атактуу актрисалар жана белгилүү моделдер гана тартыла алышат.
Үстүбүздөгү жылы календарь 37-жолу чыгып отурат. Ар жылкы календардын санына “Пирелли” компаниясы 6 миллион АКШ долларын коротот. Фотосессиялар өтүүчү жайлар дүйнөнүн ар бурчундагы кооз жерлерден тандалат. Мынча акчанын көбү моделдер менен актрисалардын акысына кетет. Ар бирине канчадан төлөнөрү жашыруун сыр.

Алигидот

Студенттик жатакана. Студент кыз бөлмөгө чуркап кирип кыйкырат:
– Ой, кыздар! Болгула, турсийлерди шыпыра калгыла, балдар келатат.
Апей, булар жинди болгон го. Кермеден, ой, кермеден алгыла деп жатам!

Аял менен эркек төшөктө. Эркек:
– Мен сени Ева деп атасам болобу?
– Эмне үчүн Ева?
– Анткени сен менин биринчимсиң.
– А мен сени Москвич десем болобу?
– Эмнеге?
– Анткени сен мен үчүн 412инчи болуп жатасың.

Астра Айдарова
erotika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

aminali

2010-10-26 00:32:14

BIZDIN TATTIBUBU TURSUNBAEVANIN KALENDARINA E4 KIM JETPEIT,NUKURA SULUULUK.

Комментарий калтыруу үчүн өз ысымыңыз менен кириңиз же каттоодон өтүңүз.

№ 416, 22-28-октябрь, 2010-жыл.