Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЛЛО, КАЙРА ЧАЛЫП КОЁСУЗБУ?..

№416 22-28-октябрь, 2010-жыл.


Уюлдук телефон азыркы кезде айылдагы аксакалдарыбыздын да жашоосунан орун алган. “Атаңды, мунуң жакшы нерсе тура... Эч убара кылбайт” деп коюшат аталар. Анда уюлдук байланыш дүйнөсүнө “маяк” таштап көрөлү.

АЙТА КЕТЧҮ НЕРСЕ...
Биз уюлдук телефонду орусча “сотовый телефон”, “мобильный телефон” деген түшүнүктөр менен кабыл алганбыз. Ал эми биз колдонуп жүргөн уюлдук телефондор “мобильный телефон” болуп эсептелет. “Сотовый телефон” бир гана уюлдук эмес, радио, спутник, магистралдык телефондор дегенди түшүндүрөт. Ошондуктан биздин “сотка” деп жүргөнүбүз туура эмес.

100 МИЛЛИОН ДОЛЛАР ТУРГАН АЛГАЧКЫ ТЕЛЕФОН
"Motorola" компаниясы 1983-жылы DynaTAC8000X үлгүсүндөгү биринчи уюлдук телефонун чыгарат. Бул телефон 15 жыл дегенде иштелип чыгып, 100 миллион АКШ доллары сарпталган. Салмагы 794 граммды түзүп, заряды 8 саатка жеткен. Баасы 3 миң 995 АКШ долларын чапчыган.

ААЛАМГА ЖОЛ ТОКОЙДОН БАШТАЛАТ
Азыркы кезде уюлдук байланыш дегенде эле көпчүлүк Нокиа аталышындагы телефондорду элестетишсе керек. А бирок Нокианын тарыхы тээ тереңде жатканын баары биле бербеши анык.
1865-жылы финляндиялык тоо инженери Фредрик Идестам Нокия дарыясынын жээгиндеги токойдон жыгач иштетүүчү фабрика куруу үчүн уруксат алат. Фабрика кийин чоң комбинатка айланат. Жумушчулардын көп келген агымынан улам Нокиа шаары пайда болот. “Нокиа” деген сөз фин тилинен которгондо “карагай суусары” деген маанини билдирет. 1871-жылы "Нокиа корпорэйшн" ("Nokia Corporation") ишканасы болуп түзүлөт. Бара-бара өз кучагына башка тармактарды кошуп, кагаз, жыгач, резина өндүрүп, резина өтүктөрдү, көлөчтөрдү жана электр жабдыктарын чыгара баштайт. Өзүнүн өндүргөн товарлары менен Европа жана Америка өлкөлөрүн багындырууга жетишет.
Ар тармакта алдыга жылып отуруп, 1960-жылы "Нокиада" электрондук бөлүм түзүлөт. Андан көп өтпөй эле, тактап айтканда, 1963-жылы биринчи радиотелефонду иштеп чыгышат. Мындай ар тармактуулук “Баарын жасаса болот жана баарын жасап көрүш керек” деген ураандын негизинде жаралат. 80-жылдардагы уюлдук байланыштын өнүгө башташы менен “Нокиа” фирмасы да башкаларга салыштырмалуу толук кандуу, ыңгайлуу уюлдук телефон иштеп чыгат. Ошентип, 1991-жылы азыр биз колдонуп жаткан GSM стандартындагы уюлдук байланышы Финляндияда ачылат. Биринчи болуп Нокиа телефонунан өлкөнүн премьер-министри Ахо Эско Тапани коңгуроо кылган. Ошол мезгилден тарта Нокианы телекоммуникация тармагында токтотуу мүмкүн болбой келет.

ОЛЛИЛАНЫН ДООРУ
1990-жылы “Нокианын” уюлдук телефондор бөлүмүнүн жетекчилигине Йорма Оллила келет. Өзүнүн көрөгөчтүгү менен келечек уюлдук байланыштын заманы экенин түшүнүп, каражаттын баарын ушул тармакка сарптайт. Ийгиликтер жарала баштагандан тарта, башкача айтканда, 1992-жылы Оллила “Нокианын” башчысы болуп шайланат. Ал тез арада ишкананын башка тармактарын кыскартып, негизги басымды уюлдук телефондорго коёт.
5 жылдын ичинде “Нокиа” 31 өлкөгө GSM стандартындагы уюлдук байланышынын лицензиясын сатып, 59 уюлдук оператор элге кызмат көрсөтө баштайт. Аны менен бирге эле Нокиа телефондору Азия менен Европада кеңири таралат. Негизги атаандаштар болгон "Ericsson" менен "Motorola" компаниялары артта калат. Акырындап отуруп, “Нокиа” дүйнөлүк брендге айлана баштайт. Ал гана эмес, америкалыктар уюлдук байланыш үчүн дүйнө жүзү Европа менен кошо “Нокиага” милдеттүү деп моюнга алат. Айтмакчы, Йорма Оллила бүгүнкү күндө да “Нокианы” жетектеп келет.

“САМСУНГ” – КОРЕЯНЫН ҮЧ ЖЫЛДЫЗЫ
Айтылуу “Самсунг” компаниясы 1938-жылы азык-түлүк тармагындагы ишкана болуп түзүлөт. Негиздөөчүсү – Ли Бьонг Чхуль. Ал кезде Корея Японияга колония болуп турганына карабастан, ал өз алдынча иш баштоону чечет. “Самсунг” деген сөз "үч жылдыз" деген маанини билдирет. Чхуль "Үч жылдыз" деп үч эркек уулунун урматына атап койгон. Экинчи Дүйнөлүк согуштун кыйынчылыктарына карабастан, Чхуль акырындан алдыга жылып отурат.
Иштин көзүн билип калган Ли 1969-жылы япондор менен бирдикте "Самсунг Электроникс" ишканасын негиздеп, сыналгыларды чыгара баштайт. Убакыттын өтүшү менен жаңы түптөлгөн компания электрондук, тиричилик буюмдарын чыгарып, Кореяда гана эмес, эл аралык аренада да өз ордун ээлей баштайт.
Компаниянын уюлдук телефондору тууралуу айтсак, 2 сим-карталуу телефонду дал ушул компания чыгарган. Биринчи болуп күндүн энергиясы менен иштей турган телефонду да иштеп чыккан. Учурда Самсунг уюлдук телефондору өтүмдүүлүгү жагынан дүйнөдө 2-орунду эч кимге бербей келет.

ЧЫГЫШ МЕНЕН БАТЫШТЫ БИРИКТИРГЕН “СОНИ ЭРИКСОН”
Уюлдук телефондордун эң жашы, сырткы келбети жагынан эң келишимдүүсү деп Сони Эриксонду айтса болот. Анткени компаниянын түзүлгөнүнө 9 гана жыл болгонуна карабастан, миллиондордун жүрөктөрүнөн орун таба алды.
Тарыхына кайрыла кетсек, компания 2001-жылы швециялык "Эриксон" жана япониялык "Сони" ишканаларынын биригүүсүнүн негизинде түзүлгөн. Башкача айтканда, Сони Эриксон телефондорун чыгыш менен батыштын маданиятынан келип чыккан шедевр десек болот.
Компания чыгарган тун аппарат болуп Т68i үлгүсү эсептелет. Бул алгачкы телефон түстүү экраны менен айырмаланган. Ушул эле үлгүдө уюлдук телефондордо биринчи жолу фотоаппарат орнотулганын айта кетүү абзел. Ишкана аз убакыт ичинде телекоммуникация тармагында чоң ийгиликтерге жетише алган. 2008-жылдан бери компания дүйнөнүн телефон сатуу базарында 5-орунда бекем орун алып келет.

"БИРДИК" МААЛЫМАТТАР

  • 1984-жылы Жер жүзүндө уюлдук байланыштын 300 миңдей абоненти болсо, 2003-жылга 1,2 миллиард адамга өскөн. А бүгүнкү күнү 5 миллиард адамга жетип отурат.
  • Үстүбүздөгү жылдын биринчи жарымында “Нокиа” компаниясы 107,8 миллион даана; "Самсунг" – 64,3 миллион; "ЛЖ" ("LG")
    27,1 миллион; "Моторола" – 10,6 миллион жана "Сони Эриксон" 10,5 миллион телефон сатышкан.
  • Жыл сайын 125 миллион уюлдук телефон таштандыга ыргытылат. Алар бузулганы үчүн эмес, кожоюндары тажаганы үчүн. Мисалы, корейлер ар 11 ай сайын телефонун алмаштырып турушат.
  • Эстониялыктар шайлоого барып отурбай эле, телефон аркылуу добуш берүү системасын ишке ашыруу менен алек. Сыягы, бюллетендерди үнөмдөөнү чечишкен го.
  • "Нокиа" компаниясы Нокиа 3410 үлгүсүндөгү телефонун Азия чөлкөмүнө 148 даана гана сата алган. Ал эми ушул эле үлгү батышта чоң суроо-талапка ээ болгон. "Мунун сыры – азиаттар “4” санын кооптуу, бактысыз деп эсептегенинде" деген маалыматтар бар.
  • Уюлдук байланыш дүйнөдө бир гана Тувин аралында (өлкөсүндө) жок.
  • Суук мезгилде телефонду денеге жакын алып жүрүү керек.
  • Муздак телефонду заряддоого болбойт.
  • Атактуу саясатчылардан Владимир Путиндин уюлдук телефон колдонбой турганы маалым болду. Ал эми анын “шефи" Медведев Кореяда жасалган кол саат түрүндөгү (LG Watch Phone) телефонду колдонот экен.
    АКШнын ажосу Обама Sectera Edge үлгүсүндөгү жөнөкөй көрүнгөн, бирок атайын функциялар камтылган телефонду чөнтөгүнө салып жүрөт.


Ар собол

Уюлдук телефонду колдонгонду жакшы эле билесизби?
Зыянынан сактануу үчүн кандай чараларды колдоносуз?

Нурлан Мотуев, саясатчы:
– Бардык эле функцияларын иш жүзүндө колдонуп, иштете алам. Аппаратымды интернетке улап койгом. Өзгөчө СМС кызматынан көп пайдаланам. Ырларды көчүрүп алып укканга кызыкпайм. Бирок өлкөдө болуп жаткан орчундуу окуялардын видеолору бар.
Ден соолукка залакасы тийген нурлар чыгат деп коёт, ага көңүл бурбайм. Болгону, түнкү саат 11ден кийин өчүрүп коём.


Уюлдук телефонсуз жашооңузду элестете аласызбы?

Назира Кадыева, “Кыргызстан Обондорунун” ди-джейи:
– Жок. Таптакыр элестете албайм. Эгер байланыш катары карасак, телефон – менин оң колум. Бардык жумушум ушул аппаратка байланган, жеңил бүтүүсүнө чоң өбөлгө. Кээде отуруп, “буга чейин телефонсуз кантип жашадык эле?” деп ойлоном. Анан азыркы аппараттардын мүмкүнчүлүгү кеңейген. Уюлдук телефон – мен үчүн байланыш каражаты гана эмес, акыркы заманбап музыкаларын жүктөп алып угуу каражаты. Анан дагы жөжөмдү (кызын ушинтип атайт) сүрөткө тартып алып, сагынганда карап, бир жыргап алам.


Кандай телефон колдоносуз? Эмнеси менен жагат?

Темир Назаров, ырчы:
– Мен Самсунг үлгүсүн­дөгү телефон колдоном. Дуос деп коюшат го. Үлгү­сүн так билбейм. Колдонгонума бир жылдын жүзү болду. Муну алганымдын себеби, эки сим-карта колдонсо болот. Бир эле учурда эки бөлөк уюлдук компаниянын кызматынан пайдалана алам. Мурда Нокиа үлгүсүндөгү телефон көтөрчүмүн.


Номер тандоодо сандарга көңүл бурасызбы?

Кубан Атабеков, КТРКда спорттук баяндамачы:
– Ооба, номер тандоодо сандарга көңүл буруп калат экенсиң. Мен жашымдан Майкл Жорданды жактырам. Анын спорт аянтындагы номуру 23 болгондуктан, 23 санын жактырчумун. Анан да 123 саны мага жакын. Үйүмдүн номуру 123 эле, атамдын жана менин туулган жылыбызды кошкондо 123 болот экен. Институтка тапшырганда 123 упай алгам. Мына ушул сандарга көңүл буруп калам.

Залкарбек Карабалаев
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
25.10.2010. 19:51 
Тайпасы:
Жаран
Комментарийлердин саны:
25
Катталган:
06-10-2010
Соӊку аракети:
07-05-2018 22:03
Жынысы:
Белгисиз
-3
мне Теми Назаров очень очень нарвится!!!
сильно хочется чтоб он снова блеснул на сцене!!!!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: