СЫЙМЫК ЖАПЫКЕЕВ ПРОКУРОР БОЛУП ДАЙЫНДАЛДЫ

5-октябрь окуясынын башкы каармандарынын бири – Сыймык Жапыкеев Ысык-Көл облусунун прокурору болуп дайындалды. Тийиштүү буйрукка 30-мартта башкы прокурор Курманкул Зулушев кол койгон.

Сыймык Жапыкеев октябрь окуяларынан кийин Экономикалык кылмыштуулукка каршы күрөшүү кызматын (Финпол) бир нече ай жетектеп турду. 5-мартта өкмөттүн буйругу менен Финпол өз алдынча орган катары жоюлуп, ИИМдин курамына кошулган. Кызматтан кетерде Жапыкеев төрт айда бюджетке 800 миллион сом түшүрдүк деп билдирген. Бул арада ага “генерал-майор” чини ыйгарылды.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 956, 1-7-апрель. 2021-ж