Архив
944   945   946   947   948   949   950   951   952   953   954   955   956   957  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

СТАДИОНГО ДЕП БЕРИЛГЕН ЖЕРГЕ ЧИНОВНИКТЕРГЕ ҮЙ КУРУЛГАНЫ ЖАТАБЫ?

№956 1-7-апрель. 2021-ж


Кыргызстанда заманбап, эл аралык стандартка жооп берүүчү бир да стадион жок. Бишкектеги көзгө басар жалгыз ат майдандан эскилиги жетип бүткөн. Заманбап спорттук комплекс куруу зарылдыгы көп жылдан бери айтылып, бирок сөз жүзүндө гана калууда. Спорттук шаарча куруу үчүн Бишкектин түштүк бөлүгүнөн берилген жерге эми мамлекеттик кызматкерлер үчүн үй курулат деген сөз чыкты. Футболго, спортко качан олуттуу мамиле жасалат? Кошуна өлкөлөрдү эле карап түздөнсөк болбойбу?

ЗАМАНБАП СТАДИОН КУРУЛАТ ДЕГЕН ҮМҮТ

2019-жылы январь айы, тарыхта биринчи жолу футбол боюнча Кыргыз курама командасы Бириккен Араб Эмираттарында өткөн Азия Кубогуна катышты. Анда Улуттук курам мыкты оюн көрсөтүп, плей-офф баскычына чейин жетти. Бул окуя Кыргыз футболуна жалындуу үмүт жаратып, элге дем берген. Элге кошо өлкө жетекчилери кубанып, Кыргыз футболчуларына шарт түзүү зарыл экенине көз жеткен. Ийгилик жараткан футболчулар менен жолугушууда ал кездеги өкмөт башчы Мухаммедкалый Абылгазиев куттуктоо сөзүн сүйлөп жатканда аянттагы эл анын сөзүн бөлүп, "стадион!" деп кыйкырып, бийликке заманбап стадион салуу талабын койгон. Абылгазиев бул талапты колдоорун билдирип, эл алдында “стадион болот!” деп убада берип салганы бар. Муну уккан элдин, футбол өкүлдөрүнүн кубанычында чек жок эле. Көп өтпөй стадион куруу боюнча атайын токтом кабыл алынып, Жаштар иштери, дене тарбия жана спорт мамлекеттик агенттиги ФИФАнын эрежелерине туура келген жаңы футбол стадионун куруу үчүн инвесторлорду издей баштаган.

Өкмөттөн ыкчам аракет жасалбай жаткан учурда кыргыздын мекенчил, патриот эр-азаматтары чыгып стадион куруу ишине акчалай жардам көрсөтөрүн айтышып, ал тургай айрым архитекторлор ФИФАнын стандарттарын изилдеп, ага ылайык өз долбоорлорун даярдап, стадиондун эскиздерин чийип беришкен. 35 миң адамды батыра алчу спорт комплексинин долбоорун сунуштаган архитектор Рахат Байтелиев өкмөт стадиондун курулушун колго алса, долбоор түзүү жаатында акысыз иштеп берүүгө даяр экенин айтып чыккан. Ушундай демди, маанайды пайдаланып калыш керек эле. Бирок өкмөт тарабынан андан ары кызыгуу да, ыкчам аракет да көрүлгөн жок. Айтылган сөз айтылган бойдон калды.

БӨЛҮНГӨН ЖЕР УЧУРДА СПОРТ АГЕНТТИГИНИН КАРАМАГЫНДА

Спорт шаарчасын куруу үчүн берилген 30 гектар жер тилкеси Чыңгыз Айтматов проспектиси, 86/2 дарегинде жайгашкан. Токтомго ылайык, «Бишкек штамп» заводунун карамагындагы жер аянты Жаштар, дене тарбия жана спорт мамлекеттик агенттигине караштуу «Спорттук мекемелер жана камсыздоо башкармалыгы» мамлекеттик мекемесине мөөнөтсүз пайдаланууга берилген. Ал жерге заманбап стандартка ылайык, 30-35 миң орундук футбол талаасы, спорт ордосу, муз аянты, бассейн жана мейманкана курулмак. Бирок учурда ал жерге спорт комплекси эмес, министрликтер үчүн имараттар, турак үйлөр курулат деген кеп айтылууда. Спортко, элдин кызыгуусу артып турган футболго эмнеден улам мындай салкын мамиле жасалууда? Бул боюнча Жаштар иштери, дене тарбия жана спорт агенттиги мындай маалымат берди: “Андай кептер айтылганы менен, эч кандай чечим чыга элек. Былтыр жарлык боюнча агенттикке 28 гектар жер расмий түрдө өткөн. Ошол бойдон биздин карамагыбызда турат. Эч кимге өткөрүлүп берилген жок. Инвесторлор менен сүйлөшүүлөр жүргүзүлүүдө. Спорт агенттиги объектинин стандартын эле беребиз. Калганын мамлекеттик курулуш агенттиги же мэрия аткарат”.

Мэрияга кайрылып, бул маселе боюнча жооп алуу аракетибизден майнап чыкпады. Кыргызда "шамал болбосо чөптүн башы кыймылдабайт" дейт. Мындай кептер спорт күйөрмандарынын, анын ичинде футбол фанаттарынын, футболчулардын маанайын түшүрөрү ырас. Алыс барбай, кошуна мамлекеттерди эле карайлы. Казакстанда, Өзбекстанда заманбап спорт комплекстери, стадиондору турат. Тажикстан 2019-жылы 30 миңден ашык адам батчу заманбап стадион курууну баштаган, уланууда. Кыргызда жер бөлүнүп, иш кыймылдап калган маалда кайра токтоп калганы жатабы деп суроо салгандар арбын. Кыргызды ааламга таанытып жаткан спортчулар, алар ийгилик жаратса, мамлекеттин желегин желбиретсе жар салып, аларга шарт түзүүгө келгенде өкмөттүн кайдыгер карашы таптакыр туура эмес дегендер четтен чыгат.

"АККУЛА" АТ МАЙДАНЫН ФУТБОЛ АЯНТЫНА АЙЛАНДЫРАБЫЗ ДЕП...

"Аккула" ат майданы жеке ишкананын менчигинен мэрияга өткөнүнө деле 3-4 жылдын жүзү болду. Шаардын карамагына өткөндөн кийин ипподром оңдоп-түзөөдөн өтөрү, 3 миң көрүүчүлүк орун 5,5 миңге көбөйтүлөрү айтылган. Бирок азыр да авариялык абалда пайдаланылууда. Өлкөдө көк бөрү оюну жылдан-жылга кенен жайылууда. Февраль айында Бишкектин вице-мэри Жамалбек Ырсалиев ипподромду шаардын сыртына көчүрүп, ордуна футбол талаасын куруу маселеси каралып жатканын айткан. Көп өтпөй ипподром өз ордунда калары белгилүү болду.

ЖАҢЫСЫ САЛЫНБАЙ ЖЕ ЭСКИСИ ОҢДОЛБОЙ...

Кыргыз өлкөсүнүн футбол боюнча Улуттук курама командасы эл аралык беттештерди өткөрүп келген Бишкектеги Дөлөн Өмүрзаков атындагы стадион стандартка жооп бербей калганы качан. Ал 1941-жылы курулуп бүтүп, пайдаланууга берилген. Быйыл туура 80 жыл болуптур. Стадион 1963, 1980 жана 2000-жылдары капиталдык оңдоодон өткөн. Бир жагын чаптаса, бир жагы урап жатканы – эскилиги эбак жеткени. Өп-чап кылып үстүртөн оңдоп жаткан түр көрсөтө бербей, заманбап стандартка ылайык жаңы стадион курган жакшы эмес беле? Мындай маселе канча жылдан бери айтылып эле келе жатат, бирок майнап жок. Стадион эл аралык талапка жооп бербегендиктен футбол боюнча Улуттук курама команда өз үйүндө эл аралык оюндарды кабыл албай калышы толук мүмкүн. Бул кайра эле мамлекеттин аброюна доо кетирет. Биздин спортчулар эмнеге башкалардай ийгилик жаратпайт деп суроо берерден мурун, спортчуларга мамлекет кандай кам көрүп жатат, алардын машыгуусуна тийиштүү шарттарды жаратып берип жатабы деп суроо салуу туура болорун убакыт көрсөтүүдө.

Динара Акимова



Өзгөлөр башкы приоритетке коюп жаткан спортту биздин өкмөт талкалап бүттүбү?

Автор: Гүлзада Абдрахманова
Оператор: Айбек Алимов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  -1 
Комментарийлер(3)
SUPER.KG видео
28.03.2021. 09:11 
Тайпасы:
Жаран
Комментарийлердин саны:
2366
Катталган:
17-03-2014
Соӊку аракети:
14-04-2021 22:47
Жынысы:
Белгисиз
0
Өкмөтко наалат
05.04.2021. 12:19 
Тайпасы:
Жаран
Комментарийлердин саны:
67
Катталган:
30-07-2012
Соӊку аракети:
05-04-2021 13:38
Жынысы:
Белгисиз
Калаасы:
Жалалабат шаары
+3
Ошол чиновниктер көчөдө калса болмок.
05.04.2021. 20:05 
Тайпасы:
Жаран
Комментарийлердин саны:
17
Катталган:
23-09-2020
Соӊку аракети:
13-04-2021 07:34
Жынысы:
Белгисиз
+1
Марипов каякта журот.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25409;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: