БИР БҮРКҮМ. ОРОЗО АЙЫ 13-АПРЕЛДЕ БАШТАЛАТ...

Жарандык активист Тилекмат Кудайбергеновду камакта кармоо мөөнөтүн Бишкек шаардык соту 15-апрелге чейин узартты.
Башкы прокуратура: “Ысык-Көлдө 31 миллион сомдук жер тилкеси мамлекетке кайтарылды”.
Мамлекеттик салык кызматы: “2021-жылдын алгачкы 3 айында 781 миллион сомдон ашуун камсыздандыруу төгүмдөрү чогултулду”.
Жогорку Кеңештин спикери Талант Мамытов Түштүк Корея парламентинин төрагасы Пак Бён Сок менен жолугушту.
Жалпы республикалык тестирлөөгө абитуриенттерди онлайн каттоо 9-апрелде аяктай турганы айтылды.
Быйыл Орозо айы 13-апрелде башталат.
“Жыл башынан бери өлкөдө кумшекер 10 сомго кымбаттады”,- дейт Улуттук статистика комитети.
6-апрелден тартып Бишкекте жылуулук берүү токтотула баштады.
Президенттик аппараттын экс-жетекчиси Фарид Ниязовду камакта кармоо мөөнөтү 10-июнга чейин узартылды.
Ички иштер министри Улан Ниязбеков Баткен облусунда жергиликтүү милицияга “шайлоодо мыйзам бузууларга бөгөт койгула” деп ташырма берди.
7-апрелге карата Токтогул суу сактагычындагы суунун көлөмү 8 миллиард 585 миллион метр кубду түздү.
11-апрелде Бишкек шаардык кеңешине шайлоо учурунда коомдук коопсуздукту 2 миңдей милиция кызматкери көзөмөлдөй турганы айтылды.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 957, 8-14-апрель, 2021-ж.