ЭКС-ДЕПУТАТ ТОКТОГУЛ ТУМАНОВ КОРОНАВИРУСТАН КАЗА БОЛДУ

Жогорку Кеңештин мурдагы депутаты Токтогул Туманов коронавирус илдетинен каза болду. Маалыматты 7-апрелде Республикалык жугуштуу оорулар ооруканасынын башкы дарыгери Гүлжигит Аалиев тастыктады.

Маалыматка таянсак, экс-депутат 6-апрель күнү кечки саат 10го жакын көз жумган. “Коронавирус жана пневмония илдетинин оор түрүнөн каза болду”,- деп билдирди дарыгер.

Токтогул Туманов 1966-жылы 23-мартта Жалал-Абад облусунун Токтогул районунда туулган. Жогорку Кеңештин V чакырылышына КСДП партиясынан депутат болгон. Парламенттин Сот укуктук маселелер жана мыйзамдуулук боюнча комитетин жетектеп турган.

“Супер-Инфо” гезитинин эмгек жамааты Токтогул Тумановдун дүйнөдөн кайтканына байланыштуу анын үй-бүлөсүнө жана жакындарына терең кайгыруу менен көңүл айтат.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 957, 8-14-апрель, 2021-ж.