Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АК ҮЙГӨ САПАР

№416 22-28-октябрь, 2010-жыл.


Мезгил үнү

Акыркы беш жылда өлкөбүздүн эң маанилүү имараты болгон Ак үй бир эмес, эки жолу талоонго дуушар болду. Эки окуяда тең ажолорубуз карматпай Ак үйдөн качып чыгышты. Бул имарат эгемендикти алганы өлкө башчыларынын багын ачпады. Же, тескерисинче, журт башчылары Ак үйдүн багын ачпай келишет десек туура болор. Эми жаңы депутаттар Ак үйгө көчүп, иштемей болушту.

"МАНТЫ ЖЕП ОТУРУП ЭЛЕ АЖО БОЛУП КАЛГАН..."
Мындан беш жыл мурун туңгуч президент Аскар Акаевдин режимин кулатуу үчүн башталган митингдер өз максатына Ак үйдү алуу менен жетишкен. Анын уюштуруучуларынын бири болгон экс-президент Курманбек Бакиевдин “Ак үйдү алуу планда жок болчу, мен түшкө маал тамактанганы кеткем. Көп өтпөй балдар Ак үйгө киришкенин кабарлашты” деп айтканы бар. Бүгүнкү күнгө чейин эл арасында “манты жеп отуруп, эртеси президент болуп калган” деген сөздөрдүн аягы сууй элек.
Ал эми экинчи жолкусунда 7-апрель күнү саат ондон баштап эл митингге чогулуп, күнү бою Ак үйдүн жанына туш тараптан эл агыла берген. Биринчи окуяга салыштырмалуу элди баштаган, үгүттөгөн жана багыт берген лидерлер болбоду. Балким, ушул себептен дагы каза болгон адамдардын саны көп болгон чыгар. Дээрлик он сааттан ашуун Ак үй менен эл тирешип, жамгыр жана суук аба ырайына карабастан, нааразычылыгын билдирген топ түнгө карай Ак үйгө басып киришти.

АК ҮЙ КӨК ҮЙГӨ АЙЛАНДЫ
Ошентип, 7-апрелден кийин келген бийлик баарынан мурун Баш мыйзамды өзгөртүү менен алек болду. Тактап айтканда, буга чейин бир президенттин бийлиги өкүм сүрсө, өлкө референдумдан кийин парламенттик республикада жашоону тандап алды. Аны менен биргеликте мурунку Жогорку Кеңеш 90 депутаттан турса, мындан ары алардын саны 120га көбөйөрү белгилүү болду. Эски аянттан орун алган парламенттин имараты 2007-жылы 90 депутатты араң батырса, саны жогорулаган жаңы ЖКнын курамына кошумча имарат бөлүп берүү же Ак үйгө көчүрүү муктаждыгы келип чыкты.
Убактылуу өкмөт өзүнүн декрети менен жаңы ЖКнын депутаттарын азыркы Ак үйгө, ал эми өкмөттү парламенттин имаратына көчүрүү чечимин кабыл алды. Ал эми президент жана анын администрациясы дагы Ак үйдө калмакчы болду.

“ЖАҢЫ ДЕПУТАТТАР ДАРОО ЭЛЕ ИШКЕ КИРИШЕТ”
БШК шайлоонун расмий жыйынтыктарын жарыялай элек болсо да, алдын ала маалыматтар боюнча кайсы партиялар жана алардын тизмесинде кайсы талапкерлер Жогорку Кеңештеги креслодо чалкалап отурары белгилүү болду. Биз жаңы шайланган ЖКнын биринчи жыйынын өткөрүү жана уюштуруу боюнча жумушчу топтун жетекчиси, ЖКнын аппаратынын жетекчисинин орун басары Сүйүнбек Касмамбетовду маекке тарттык.

– Сүйүнбек мырза, ЖКнын 1-жыйы­­­нын өткөрүү боюнча даяр­дык­тар кандай жүрүп жатат?
– Мен акыркы 18 жылдан бери ЖКнын аппаратында түрдүү кызматтарда иштеп келдим. БШК тарабынан расмий жыйынтык жарыяланары менен 15 күндүн ичинде жаңы шайланган депутаттардын алгачкы жыйыны болуп өтүшү керек. Ал эми алгачкы жыйындын төрагалык жүгү депутаттардын ичинен эң улуусуна ыйгарылат. Салтка ылайык, ЖКнын регламенти, Конституция жана депутаттын статусу жөнүндө мыйзамдар талкууга алынат. Мындан сырткары буга чейин ЖКнын депутаттары карай турган 50-60 мыйзам долбоорлорун даярдап койдук. 7-апрелде парламенттин имараты талоонго учурап, документтердин жоголгонуна карабастан, баарын калыбына келтирдик. Кыскасы, жаңы депутаттар ишсиз калышпайт.
– Эл арасында “жаңы депутаттарга кызматтык унаа жана батир берилбейт экен” деген сөз таркап кетти, мунун канчалык чындыгы бар?
– Мындай кеп айрым партиялардын лидерлеринин “биз унаа же батирге окшогон артыкчылыктардан баш тартабыз” деген сөздөрүнөн улам чыгып кетти. Бирок “Депутаттын статусу жөнүндө” жазылган мыйзамды эч ким жокко чыгара элек, демек, ал дале күчүндө. Бул мыйзамды жокко чыгаруу же калтыруу вазыйпасы жаңы келген депутаттардын колунда болот. Эгерде алар жапа тырмак “баш тартабыз” деп чыгышса, бул мага да, элге да жагат. Казынага да чоң жеңилдик болмок. Алсак, Англия, Орусия сыяктуу өлкөлөрдө депутаттар өзүнүн унаасы же такси менен эле келишет. Экинчи жагынан таптакыр жоюп салууга да каршымын. Себеби аппараттын кызматкерлери көп жумушту тез убакыттын ичинде бүтүрүүсү зарыл. Үй тууралуу деле ошол маселе. Биз бардык депутаттарды бай деп ойлобошубуз керек. Алардын ичинде кедей-кембагалдары, батирге муктаж болгондору да бар. Ошондуктан алар толук иштей алуусу үчүн шарт түзүп берүү кажет.
– Бир депутатка канча кызматкер бөлүнөт?
– Легендарлуу парламентте депутаттар эч кандай жардамчысы жок эле иштешкен. Депутатка жардамчы, аймактагы референт жана кеңешчи бөлүп берүү кийинки чакырылыштарда пайда болгон. Шарт болсо, депутатта бирден жардамчы болгону туура. Азырынча бул мыйзамды эч ким жокко чыгара элек.
– Азыр парламенттин имаратында иштеп жатыпсыз, качан Ак үйдөгү жаңы жумуш ордуңузга көчөсүз?
– Биз дагы акырындык менен көчөбүз. Бирок көп жылдан бери бир жерде иштеп калгандыктан, кеткибиз келбей жатат. Бирок эмгек жолумду Ак үйдүн имаратынан баштагам. Эсиңерде болсо, легендарлуу парламент ошол жакта отурчу. Бир жагынан кайрадан көчүү жаңылык деле эмес.

Биз эми Ак үйгө баш багып, депутаттар өзү көрө элек жаңы эмеректер менен толукталган кабинеттерди көрүүгө шашылдык. КРнын Президентинин иш башкармалыгынын башкаруучусу Туруспек Коёналиев Ак үйдүн ичине чакан саякат уюштурду.

– Туруспек мырза, Ак үй жаңы депутаттарды кабыл алууга даярбы?
– Дээрлик даяр болуп бүттү. Бир гана сувенир, белек, документтер сакталган кампалар орун алган жер төлө толук оңдоло элек. Кээ бир кабинеттери өрттөлүп кеткен 5-6-кабаттар калыбына келтирилди. Жаңы депутаттар отурчу чоң жыйын залы аларды кабыл алууга даяр. Техникалык жабдуулар орнотулуп, ар бир депутаттын столуна ноутбуктар коюлду. Мурункуга салыштырмалуу добуш берүү эми жеке карточка менен гана ишке ашат.
– Оңдоо иштерине канча каражат жумшалды?
– Калыбына келтирүү иштеринин биринчи баскычына 40 миллион 800 миң сом бөлүнгөн. Кийин дагы 6 миллион 500 миң сом каралып, анын баары бюджеттен берилди. Ошондой эле Токмоктогу айнек чыгаруучу заводу 1,5 миң чарчы метр айнек менен каржылады. Боёк жана цемент заводдору да колунан келген жардамын аяшкан жок. Башында бир топ эл аралык уюмдар “көмөк көрсөтөбүз” деп айтышканы менен, анын ичинен бир гана ЮСАИД уюму техникалык каражаттарды алып беришти.
– Демек, жаңыланган Ак үйдө ишти баштай берсе болот турбайбы...
– Ооба. Ак үйдө президенттик администрация менен Жогорку Кеңеш орун алат. 6-7-кабаттардын чыгыш тарабы президенттик администрацияга берилсе, калган кабаттардагы кабинеттер толугу менен Жогорку Кеңешке бөлүндү. ЖКнын депутаттары жана анын жардамчылары 540 адам болсо, аппарат 236 кишиден турат. Орундун аздыгынан 3-4 кишини бир кабинетке отургузуп жатабыз. Долбоор боюнча Ак үйдө 236 кабинет бар эле, аны 239 кылып көбөйттүк. Анын 170-175и ЖКга берилет.
– Жаңы мыйзам боюнча, парламенттин спикеринин бийлиги кеңейтилет эмеспи. Анын кабинети канчанчы кабаттан орун алган?
– Жогорку Кеңештин төрагасы мурунку премьер-министрдин кабинетинде, 7-кабатта отурат. Азыр 6-7-кабаттарга көтөрүлүүгө Мамлекеттик коргоо кызматынан уруксат берилбейт.
– Бирин-бири жактырбаган партиялар "жыйын залында алысыраак отурабыз" деп жатышыптыр. Сиз кандай ойдосуз?
– Менин оюмча, партияларга карабастан, баарын чогуу, алфавит боюнча отургузуш керек. Урушам десе алыс отургузсаң деле урушушат. Бирок бул биз чече турган маселе эмес. Эң маанилүүсү, фракциялардын өз ара бат чогулуп акылдашуусуна ыңгайлуу болсо болду.
– Көп жаңы эмеректер коюлуптур, талкаланбаган эски буюмдар кайда кетти?
– Жарым-жартылай талкаланган жана эски эмеректерди мектеп-интернат менен бала бакчаларга өткө­рүп бердик. Анча-мынчасын өзүбүздүн иш башкармалыкка да алып калдык. Бирок көпчүлүгү таптакыр жарабай калгандыктан, отунга кетти.

КЫСКА МААЛЫМАТ

  • Ак үй 1984-жылы курулган. Ал 4,5 гектар аянтты ээлеп турат.
  • Ак үйдүн имараты 239 бөлмөдөн туруп, анын 20сы эки бөлмөлүү болсо, 42си үч бөлмөлүү, ал эми калгандары бир бөлмөдөн.
  • 7-апрелдеги коо­га­лаңда Ак үй 220 миллион сомдун тегерегинде зыян тарткан.

Эльвира Караева
koom@super.kg


«Супердин» сурак бурчу

ДЕПУТАТТЫК УНАА ЖАНА БАТИРДЕН БАШ ТАРТА АЛАСЫЗБЫ?

Бактыбек Калмаматов,
26 жашта, “Ата Мекен” партиясы:
– Муну бир эле мен эмес, башка депутаттар да карайт. Жеке өзүмө келсек, унаадан баш тарта алам. Анткени коомдук унаада жүрүүгө көнүп калганмын. Бирок үй маселеси ойлондурчудай. Анткени Ошто тургандыктан, Бишкекте өзүмдүн үйүм жок.

Канат Исаев,
35 жашта, “Республика” партиясы:
– Машинам жана үйүм бар. Аларды колдоно берүүгө даярмын. Бирок бизде алыстан келген жаңы адамдар көп. Андыктан алардын шартын карап көрүш керек. Мунун баарын депутаттар менен чогуу мүмкүнчүлүгүнө жана муктаждыгына карап чечүү зарыл.

Камчыбек Ташиев,
42 жашта, “Ата Журт” партиясы:
– Бишкек шаарында үйүм бар, ошондуктан депутатка берилчү батирден баш тартам. Ал эми кызматтык унааны ойлонуп көрмөкмүн. Партиябыздын башка талапкерлеринин көпчүлүгүнүн үйлөрү бар, алар деле үйдөн баш тартышса керек.

Дамира Ниязалиева,
50 жашта, КСДП:
– Эгерде маселе ар бири үчүн баш тартууга алып келсе, машинага, батирге да муктаждыгым жок. Буга чейинки чакырылышта деле өзүмдүн үйүмдө жашачумун. Бирок башка депутаттардын да абалын карашыбыз керек. Баарына бирдей мамиле жасоо менен чечим чыгаруу туура болот.

Ширин Айтматова,
33 жашта, “Ата Мекен” партиясы:
– Депутатка берилчү унаа менен батирден баш тарта алам. Бирок мен деле миллионер эмесмин, кичинекей кызым бар. Ошондуктан мамлекет машинанын күнүмдүк каражатын каржыласа жакшы болмок. Негизи, биз парламентке үй же машина деп эмес, эл үчүн иштегени барабыз.

Жылдыз Жолдошева,
50 жашта, “Ата Журт” партиясы:
– Шаарда үйүбүз бар. Демек, депутаттык батирден баш тартам. Ал эми унаа боюнча айтсам, мага окшогон айым депутаттарга керек болот деп ойлойм. Жок дегенде 3 депутатка 1 кызматтык машина бөлсө жакшы болот. Анткени унаа көп маселелерди чечүүдө кереги тиет.

Турсунбай Бакир уулу,
52 жашта, “Ар-намыс” партиясы:
– Өзүм машина айдаганды билбейм, ушул күнгө чейин машинам жок. Батир боюнча айтсам, Бишкекте үйүм бар. Бирок шаарда туруктуу иштөө үчүн алыстан келген депутаттарга кызматтык үй берилиши керек.

Эльвира Караева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
26.10.2010. 14:58 
Тайпасы:
Жаран
Комментарийлердин саны:
50
Катталган:
14-08-2010
Соӊку аракети:
12-11-2017 11:31
Жынысы:
Белгисиз
0
Мен тынчсызданткан суроттогу киллер анын аты жону суроту кай жерлик ошол боюнча эч маалымат жок.балким ал дагы деле боштондуктадыр
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: