ДЗЮДОЧУ КУБАНЫЧБЕК АЙБЕК УУЛУ КОЛО МЕДАЛЬ ТАГЫНДЫ

Бишкек шаарында 6-апрелде Азия жана Океания чемпиондугу башталды. Чемпиондукта 60 килограмм салмак ченинде күч сынашкан кыргыз балбаны Кубанычбек Айбек уулу коло медаль тагынды. Коло байге үчүн болгон таймашта мекендешибиз өзбекстандык
Кемран Нуриллаевди утуп алды. Ал 8/1 финалда түркмөн балбаны Хакберди Жумаевди, чейрек финалда казакстандык Элдос Сметовду жеңген. Жарым финалда кытайлык Юнг Вэй Янгдан жеңилип калган.

Мындай ири мелдеш өлкө тарыхында алгачкы ирет өтүп жатат. Чемпиондуктун жыйынтыгы менен спортчулар Олимпиада оюндарына рейтинг топтошот. Мелдеш 9-апрелге чейин уланат.

Динара Акимова

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 957, 8-14-апрель, 2021-ж.