Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№417 29-октябрь - 4-ноябрь, 2010-жыл.


(Башы өткөн сандарыбызда)

Бул билдирүүнү окуп алып ичим бышып, бир жумага дейре тынч ала албай жүрдүм. “Айдай, эмне эле болуп жатасың? Көзүңдү ач, ал сага жигит эмес, байке. Ырас, ушунча жылдан бери атаң Ажар менен чогуу жашап жатабы, демек, Арстан сага бир тууган. Өзүңө кел!” Чын айтам, достор, калп айтпасам, күндө беш жолу өзүмдү ушинтип урушам. Арабыз канчалык алыс болбосун, баары бир мен эл сыйлап, кадырлаган Мукайдын кызымын да. Ата тарбиясын көргөн кызмын. Анан кантип апамдын уулун күйөө катары элестетем? Эки жылды мен ушундай суроолорго жооп издеп жанчылуу менен өткөрдүм. Ал ортодо элге тааныла да түштүм. Баары баягы эле Аселдин айынан.
Мектептерде сулуулар сынагы өтөт эмеспи. Буга чейин көп эле жолу сунушташса да, катышчу эмесмин. Эл алдына чыгып мактанып, өзүмдү кыйын көрсөткөндү негизи эле жактырбайм. Бирок 10-класста окуп жатканыбызда “биздин класстан сен катыш” деп Асел суранып туруп алды. Ал биринчи айтканда эле кол шилтеп койгом. Бирок класс жетекчибизди, классташтарды өзүнө кошуп алып, баары бир ооздон “сен жеңесиң, катыш” деп кулак-мээни жей башташты. Ошондо деле катышмак эмесмин. Параллель класста бир кыз бар. Мени көрө албайбы, билбейм, өзүнчө эле мурдун чүйрүп, мен жөнүндө ар кайсы ушакты айтып жинге тие берет. Ошол кыз “тимеле Таттыбүбү болуп кетсе да эмне болуптур. Сурана бересиңерби” деп калбаспы. Ошого өчөшүп макул дей салып, кийин аябай өкүнүп калдым. Жакпайт мага эл алдында койкоңдоп турган. Убада берип койгон соң айла жок, чыктым, кооз кийимчен ары-бери бастык, бийледик, ырдадык, кол чабышты. Ошентип отуруп уттум. Мектептин атынан райондордун ортосунда болуучу сынакка жөнөдүм. Райондук калыстар деле башка сулууну же таланттууну көрүшпөдү окшойт, облустук сынакка жолдомо беришти. Ошентип отуруп Бишкекке келдим, катыштым да биринчи орунду алдым. Бишкектик кыздар тимеле кыйынсынышып, айылдан келген эки кыз бар экенбиз, өзүнчө эле чакчарылышат. “Силердин сыйлыгыңарга, наамыңарга эле зар болуп турамбы” деп кекенип, кол шилтеп салгам. Бирок 1-орунду беришти. Баш байгени алган сулуу бир министрдин кызы экен. Атам бечара барбалаңдап кубанып, кадимкидей көзүнө жаш алып ыйлап алыптыр. Класс жетекчим, Асел да ыйлап жүрүшөт. Мен биякта калып эле, булар кубанып алышкан.
Ушул сынакта баягы телефон белек кылган байкени көрдүм. Ооба, учурашкан жокпуз го, бирок алыстан мага назар салып, тиктеп турганын туйдум.
Кайрылып карай салсам, жанындагы кишиге бурулуп, мага далысын салып туруп калды. Бирок ошол киши болчу деп ишенимдүү айта алам. Жанына барып учурашып, рахмат айтууга даабадым.
Бир күнү үйгө Айдардын энеси келиптир. Дарбазаны бирөө тынымсыз каккылай бергенинен чыксам, ошол аял турат. Чочуп кеттим.
– Сен Айдайсыңбы?
– Ооба.
– И-ий, кагылайын. Мээримдин эле өзү-көзү турбайсыңбы? Апаң барбы үйдө?
– Бар, кириңиз.
Эшикти тарс жаап салгым келсе да өзүмдү колго алып, үйгө жол баштадым. Түшүнүктүү да, эмне максатта келгени. Мындан бир жума мурун Айдар келип кеткен. Асел экөөбүз көчөнүн башындагы колонкага сууга барганбыз. Токтотуп алып “баары бир сага үйлөнөм. Меники болосуң. Апамдар Бишкектен үй алып беришти. Сен мектепти бүткүчө үчүнчү курсту аяктайм. Базардагы жакшы точкадан контейнер алдык. Мектепти бүтөрүң менен үйлөнөм. Коркпо, каалаган окууңа киргизем. Сени эч нерседен кем кылбай багам. А тиги Арстанды болсо унут. Экөөңдү баары бир баш коштурушпайт. Жакшысы, элге жайылып, уят боло элегиңде токтот, акылдуу кызсың” деп жанды кашайткан.
Ойлогонумдай эле экен. Жарым саат кетпей отурган ал аялды Ажар тимеле кубанычтуу узатты. Эшикте жүргөнүмдү көрүп, мени уксун дедиби, үнүн бийик чыгара: “Силердей бүлө менен кудалашууга Мукай деле кубанат. Жакшысы, ашыкпагыла. Экөө бир кеп-сөзгө келишсин. Кызыбыз али жаш. Тойго деле аман болсок жетербиз”,- деп калды.
Карасаң, менин жашоомо баш болуп жатканын! Мындан ары чыдап тура албадым. Аялдын артынан дарбаза жабылары менен Ажардын алдына жетип бардым.
– Мага айтпай сыртымдан кудалачу болбогула! Силердин айтканыңар болбойт!
– Эмне деп турасың, күчүгүм? Албетте, сенин айтканың болот. Бирок жуучу түшүп келген адамды урушуп узатмак беле? Бул жөн гана салт го. Али жашсың, күйөөнү эмес, окууңду ойлошуң керек.
– Күйөөнү ойлоноюн деген деле оюм жок. Мобу эмне келет, мектепти бүтө элек кызды сурап?!
Бар жинимди Айдардын апасына төгүүгө аргасыз болдум. Бирок Ажар куулангандай туюлду. Мейли, убагы келгенде көрө жатарбыз.
Мендей өзү менен өзү тажабай сырдаша берген адам чанда кезиксе керек. Кээде отуруп ойлонуп кетем, “ушул менин акыл-эсим жайында элеби же...” деп. Неге муну айтып жатат дейсизби? Апам каза тапкандан кийин эки ай бою мени таенем караган.
Себеби атам баш көтөрбөй ичип кеткен. Ал кезде апамды сагынып, куса болуп, атамдын баягыдай барбалаңдап мени эркелеткенин, моюнуна көтөрүп ойнотконун, белек-бечкек алып келгенин сагынып, кечке эле ичип, ыйлай берген аны тымызын ичимден жек көрүп, кыйналчумун. Эми ойлосом, менден да атама кыйын болгон тура. Апамдын сүрөттөрүн карап отуруп, айылда тиричиликтен баш көтөрбөй жүргөн аял да ушунчалык сулуу болобу деп таңданып кетем. Анан ошондой көз талдырган сулуу, мээримдүү, жароокер келинчеги врачтардын каршы болгонуна карабай “төрөйм” деп жүрүп каза болуп калса, атам бала аттууну жек көрүп да калгандыр. Айтор, апамдын көзү өткөндөн кийин мага көңүл бөлбөй койгон. Ошондон болсо керек, тырмактайымдан эле өзүм менен өзүм сүйлөшүп, ыйласам да арыз-муңумду өзүмө айтып, өзүм суроо берип, өзүм кайра жооп берип көнүп калгам. Жашоомдо Арстан пайда болгону бул адаттарым унут болгон эле.
– Айдай, кызым, тура гой, сага эмне болгон, күндүзү уктап?
Атамдын үнү мага тээ алыстан угулуп, канчалык көзүмдү ачайын десем да, ойгоно албай жаттым.
– Бул кыз мен жок биротоло уйкучу, жалкоо болуп кеткен турбайбы?
Канчадан бери сагынтып, мени куса кылган үн кулагыма “шак” угулуп, эми эле талыкшып жаткан жайымдан ыргып туруп, көзүм караңгылай теңселип кеттим.
– Айдай!
Арстан атамдан мурун жетип келип кармап калды.
– Акырын, акырын. Келгениме ушунчалык сүйүндүңбү? Тимеле жаткан жериңден ыргып турдуң го!

Жазгүл Калыева

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
30.10.2010. 15:23 
Тайпасы:
Жаран
Комментарийлердин саны:
13
Катталган:
14-10-2010
Соӊку аракети:
05-07-2018 13:24
Жынысы:
Белгисиз
0
кобуроок эле жазсанар боло ээми кызыгына келгенде бутуруп койбой!
30.10.2010. 17:23 
Тайпасы:
Кыймылы жок
Комментарийлердин саны:
37
Катталган:
13-10-2010
Соӊку аракети:
17-04-2014 09:37
Жынысы:
Белгисиз
Калаасы:
Bishkek
0
owo da. jumalap kuto berip ayabai ele oor
30.10.2010. 19:20 
Тайпасы:
Жаран
Комментарийлердин саны:
370
Катталган:
06-09-2010
Соӊку аракети:
03-07-2018 19:51
Жынысы:
Белгисиз
Калаасы:
Italia,Sardegnia.
0
Arstandi, Aidai emes men da suiup kaldim okwoit.
01.11.2010. 01:59 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Дагы бир жума кутобуз э..эхх
01.11.2010. 23:03 
Тайпасы:
Кыймылы жок
Комментарийлердин саны:
1
Катталган:
27-06-2010
Соӊку аракети:
18-02-2012 01:52
Жынысы:
Белгисиз
0
коптон эле жазгылычы. суууууууураныч сууууууупер инфо
02.11.2010. 18:18 
Тайпасы:
Кыймылы жок
Комментарийлердин саны:
40
Катталган:
10-09-2010
Соӊку аракети:
13-04-2011 12:42
Жынысы:
Белгисиз
0
Aminali, Ayday ekoon ele emes men dagy suyup kaldym okshoyt :))) Negizi, usunday adamdar dele bar bolso kerek jashoodo,birok men anday ec kimdi estey albaytam...
02.11.2010. 23:58 
Тайпасы:
Кыймылы жок
Комментарийлердин саны:
17
Катталган:
04-09-2008
Соӊку аракети:
12-03-2014 13:51
Жынысы:
Белгисиз
0
Бутуп калдыго :-P
04.11.2010. 14:03 
Тайпасы:
Жаран
Комментарийлердин саны:
10
Катталган:
24-08-2009
Соӊку аракети:
03-03-2018 13:01
Жынысы:
Белгисиз
0
Абдан жакшы чыгарма экен (читается на одном дыхании;))
05.11.2010. 14:26 
Тайпасы:
Жаран
Комментарийлердин саны:
300
Катталган:
11-10-2010
Соӊку аракети:
22-06-2018 12:38
Жынысы:
Белгисиз
0
мага дагы ушундай Арстандай бала учураса жок дебейт элем
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: