реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«НЕФТИЧИЛЕРДИН» РЕВОЛЮЦИЯСЫ

№417 29-октябрь - 4-ноябрь, 2010-жыл.


Кочкор-Атадан нефть гана эмес, чемпион да чыгат

24-октябрда футбол боюнча КРнын кезектеги 19-чемпиондугу аяктады. Болгондо да сенсация менен! Кочкор-Аталык “Нефтичи” 6 жылдан бери үстөмдүгүн орнотуп алган “Дордойду” токтотту. Ооба, сиз жаңылышкан жоксуз. Айтылуу “Дордой” быйыл чемпион эмес. Кочкор-Атанын футболчулары кыялдарын ишке ашырып, тарыхта калышты.

“ДОРДОЙ” БИР ДА ЖОЛУ ЖЕҢЕ АЛБАЙ...
КРнын 19-чемпиондугун акыркы 20-тур беттештери аныктап берди. 6 жылдан бери чемпиондукту эч кимге бербей келаткан “дордойчулар” кайрадан чемпион болуу үчүн Бишкекте “Абдыш-Атаны” жеңип, ал эми Кочкор-Атада “Нефтичи”–“Шер” оюнунда жергиликтүү команда упай жоготуусу керек болчу. “Дордой” канттык атаандаштарын жеңерин жеңди, бирок кочкор-аталыктар тарыхый мүмкүнчүлүгүн колдон чыгарышкан жок.
“Нефтичи” “Шерди” 4:0 эсебинде жеңип, “Дордойдон” 1 упайга озуп кетти жана бул оюн иш жүзүндө алтын оюнга айланды. Анткени “Нефтичи” өз тарыхында биринчи жолу (буга чейинки эң чоң жетишкендиги 2008-жылы 4-орунду ээлегендиги болгон) алтын медалдарга татыды. Алардын акыркы оюндардагы урааны – “Максатыбыз – жеңиш! Алдыда Москва, артта Кочкор-Ата!” болду. Себеби КРнын чемпиону январда Москвада өтүүчү КМШ өлкөлөрүнүн чемпиондорунун кубогуна жолдомо алары белгилүү.
Жыл сайын соңку турда 1-орунду талашып келген дөөлөр “Дордой” менен “Абдыш-Ата” быйыл да акыркы турда кезигишип, күмүш медаль үчүн күрөшүштү. Бул бир чети шылдың десек болчудай. Айта кетчү нерсе, өлкөбүздүн көп жолку чемпиону “Дордойду” “Нефтичинин” токтотушу да бекеринен эмес. Экөө беттешкен 4 оюнда “дордойчулар” “нефтичилерди” жеңүүнүн айласын таба алышкан жок. 2 жолу тең чыгуу катталса, 2 оюнда “дордойчулар” атаандаштарына баш ийип беришти. Андыктан “Нефтичинин” жеңишинин сыры эмнеде?” деген суроо туулбай койбойт.

ЧЕБЕРЧИЛИКТИН ЭМЕС, ТАРТИПТИН ТРИУМФУ
“Нефтичинин” ийгилигинин сырын билүү үчүн, албетте, команданын курамына көз жүгүртүү абзел. Алардын башкы көзүрлөрү буга чейин КРнын чемпиондугун жеңип, өзүндө чемпиондук духту алып жүргөн дарбазачы Закир Жалилов менен жарым коргоочу Евгений Пилипас болушту. Аталган футболчулар командалаштарына зор дем-күч берип, алга жетелешсе, чабуулчу Талай Жуматаевдин гол киргизүү жөндөмдүүлүгү да командага чоң пайда алып келди.
Анан, албетте, орусиялык, украиналык жана өзбекстандык легионерлердин умтулуусу да четте калган жок. Мындан тышкары командага ийгилик алып келген дагы бир жагдай бар. Ал – бекем тартип. Сезондун жүрүшүндө командадан тартипти сактабагандыгы үчүн бир топ футболчулар айдалышкан. Алсак, “Дордой” менен “Абдыш-Ата” тажрыйбалуу жана чебер команда болсо, “Нефтичи” ошол темирдей тартипти так сактаган жагынан алардан ашып түштү көрүнөт. Бир сөз менен бул сезондо тартип чеберчиликти жеңди.

МЕДЕР СЫДЫКОВ “НЕФТИЧИНИН” КУТКАРУУЧУСУБУ?
Ар бир ийгиликтин артында көмүскөдө калган каармандар болот. Ошондой адамдардын катарына команданын курамын, жалпы эле саясатын аныктаган Медер Сыдыковду кошсок болот. КРнын жаңы чемпиону “Нефтичинин” сезон башында мелдешке катышпай калуу коркунучу алдында калганын баары биле беришпесе керек.
Апрель окуяларынан кийин чемпиондукка катышуудан баш тарткан Оштун “Алай” жана Кара-Суунун “Жаштык-Ак-Алтын” командаларынын катарында “Нефтичи” да бар болчу. Мына ошондо команданын менеджери, Кочкор-Атанын футбол мектебинин тарбиялануучусу, команданын экс-капитаны Медер Сыдыков “Нефтичинин” башкы демөөрчүсү «Кыргызнефтегаз» ААКсынын жаңы жетекчилигине команданы сактап калуу зарылдыгын айтып чыгат. Аларды көндүрүү үчүн көп күч жумшайт. Ошондуктан болсо керек, “Нефтичинин” футболчулары “Шер” менен болгон оюндан кийин Медер мырзаны ортого алышып, көккө ыргытууга шашышты. Ошондо “Нефтичи” жоюлуп кеткенде түштүк зонадан бир да команда болбой, эл аралык мелдештерде КРнын түндүк аймагын гана камтыган биринчиликтин чемпионун тоготушат беле же жокпу, ким билет...

ТҮШТҮКТӨН ЧЫККАН 3-ЧЕМПИОН ЖЕ 7 САНЫНЫН СЫЙКЫРЫ
Кызыгы, КРнын чемпиондугунда 7 жыл сайын түштүк аймактын өкүлү болгон команда жеңишке жетүүдө. Бул нерсе быйыл 3-ирет кайталанып отурат. Алсак, 1996-жылы Кадамжайдын “Металлург” командасы чемпион болсо, 2003-жылы кара-суулук “Жаштык-Ак-Алтын” алардын ийгилигин кайталаган. Ал эми быйыл кочкор-аталык “Нефтичи” КРнын футболдук чокусун багынтты. Эгер ушул табышмактуу көрүнүш кайталанып отурса, түштүктөн кезектеги чемпион 2017-жылы чыгат.
Анан дагы теманы улай айта кетчү нерсе, “Дордойдун” катары менен 7 жолу чемпион болуу аракети таш капса, бул сезондо “Нефтичинин” 7 оюну тең чыгуу менен аяктады.

КУРУЛУШЧУДАН БОМБАРДИРГЕ
Мелдештин башкы бомбардири Талай Жуматаев футболдук карьерасын Жалал-Абаддын «Динамо-ИИБ» командасында баштап, ортодо мини-футболдо да күчүн сынап көргөн. 2004-жылы кайрадан чоң футболго кайтып, алгач “Шер”, кийинчерээк “Камбар-Ата” командаларында ойноп калат. “Нефтичиге” дал ошол Камбар-Ата ГЭСинин курулушунда иштеп, анын командасында ойноп жүргөн кезинде чакырышкан. Кочкор-Атага келгенде машыктыруучулар Талайга чоң үмүт артышкан эмес. Баарын убакыт өзү тастыктап койгондой, Талай ишеничти толугу менен актап, чемпиондук наамга кошо КРнын 19-биринчилигинин бомбардири да аталды. Учурда ал КРнын олимпиадалык курама командасына чакыруу алып, “Гуанчжоу-2010го” кызуу даярдык көрүп жаткан кези.
“Сезондун башында эле бомбардир болууну кааладың беле? Маанилүү деп кайсы голуңду эсептейсиң?” деген сурообузга ал төмөнкүдөй жооп узатты: “Ооба, мен башынан эле бомбардир болууну максат кылгам. Ал үчүн бүт күч-аракетимди жумшадым. Ал эми маанилүү деп Кочкор-Атада “Дордойдун” дарбазасына киргизген жеңиш голумду айтам”.

ТАЛАЙ ЖУМАТАЕВ
Туулган жылы – 1983-жыл, 19-март
Туулган жери – Жалал-Абад облусу, Кара-Көл шаары
Бою – 180 см, салмагы – 77 кг
Жактырган командасы – “Барселона” (Испания)
Жактырган чабуулчусу – Златан Ибрагимович (Швеция)
Билими – Курулуш багыты боюнча Кара-Көл Политехникалык окуу жайын бүтүргөн.
Үй-бүлөлүү. 1 кыз жана 1 уулдун атасы.
Учурда Кара-Көлдө жашайт.

«ИЙГИЛИГИБИЗДИН СЫРЫ ЖӨНӨКӨЙ...»

“Нефтичинин” ийгилигинин сыры эмнеде? Команданын орусиялык башкы машыктыруучусу Александр Крестинин бул тууралуу ой бөлүштү.

– Александр Сергеевич, айтсаңыз, атаандаштары­ңыздан кимиси биринчи болуп куттуктады?
– “Абдыш-Атадан” куттукташты. Команданын спорттук директору Александр Калашников өзү чалды.
– “Дордойдончу”?
– А “Дордойдон” жеке мага эч ким чалган жок.
– Сезондун жүрүшүндө башкы атаандашыңар ким болду?
– Биринчи кезекте башкы атаандашыбыз өзүбүз болдук. Биз өз оюнубузду таап, майданда мыкты аракеттенгенибизде бизге жеңилгис атаандаш болгон жок.
– Ийгилигиңиздердин сыры эмнеде?
– Ийгилигибиздин формуласы жөпжөнөкөй. Аны бизге чейин мурда эле ойлоп таап коюшкан. Велосипедди кайра ойлоп таба албайсың дегендей. Ал – өжөрлүк менен машыгуу, темирдей тартип жана бир аз ийгиликтин жылмаюусу.
– Эң оор деп кайсы беттешти айтасыз?
– Эң оор эмес, бурулуш оюну десем туура болот го. Буга талашсыз түрдө 10-сентябрда Бишкекте өткөн “Дордой” менен тирешүүбүздү мисал кыла алам. Ошол оюндан 10 күн мурда КРнын Кубогунун финалында “Дордойго” ири 3:0 эсебинде жеңилген элек. Аларды 2:1 эсебинде жеңип, чемпиондук күрөшкө катуу кириштик. Мындайча айтканда, ошол беттеште кулап калган жерибизден туруп кеттик.
– “Дордойдун” башкы машыктыруучусу Сергей Дворянков “Нефтичинин” чемпион болушуна кокустук деген таризде баа берди. Мындай пикирге эмне дей аласыз?
– Чынында, “Дордой” өзүнүн инфраструктурасы, мүмкүнчүлүгү жана эл аралык тажрыйбасы менен чемпион боло албады. Бул алардын быйылкы сезондо начар ойногондугунан кабар берет. Жана мында оюнчулардын күнөөсү азыраак. Кантип эле эл аралык мелдештерде ойноп жүргөн, КРнын чемпиондугун бир нече жолу уткан оюнчулар бир сезондо футбол ойноону унутуп калышсын?..

“НЕФТИЧИ”
Негизделген жылы – 2003
Ээси – «Кыргызнефтегаз» ААКсы
Президенти – Каныбек Масиров
Менеджери – Медер Сыдыков
Машыктыруучусу – Александр Крестинин (Орусия)
Капитаны – Евгений Пилипас
Жетишкендиктери – КРнын кубогунун күмүш медалынын ээси (2010), Кыргызстандын чемпиону (2010). «Нефтичи» – Кыргызстандын 2010-жылкы чемпиону!

Базарбек Абдураимов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(5)
30.10.2010. 21:07 
Тайпасы:
Жаран
Комментарийлердин саны:
159
Катталган:
26-10-2010
Соӊку аракети:
21-11-2018 13:32
Жынысы:
Белгисиз
Калаасы:
KG
0
Azamatsynar!!
birok Dordoi silerden alda kancha kychtyy komanda.. oshentse da kokystyk menen chempion boldunar!!kyttyktaim!
31.10.2010. 02:30 
Тайпасы:
Кыймылы жок
Комментарийлердин саны:
4
Катталган:
25-10-2010
Соӊку аракети:
11-11-2011 09:54
Жынысы:
Белгисиз
0
RESPECT!!!!!!!!!! молодцы "Кочкор-Ата" так держать , надеюсь вы порвете москвичей, ведь вы сделали большой шаг вперед 3D! а дордой в течении столько времени играл за KG и никаких результатов не показали:((( так что УДАЧИ!!!
02.11.2010. 11:16 
Тайпасы:
Кыймылы жок
Комментарийлердин саны:
2
Катталган:
17-10-2010
Соӊку аракети:
27-02-2011 19:39
Жынысы:
Белгисиз
Калаасы:
Жалал-Абад, Кочкор-Ата
0
Если Дордой сильнее Нефтчи, тогда почему он не смог ни разу за весь чемпионат не смог выиграть у него. 2 ничьи и 2 поражения. Так что Нефтчи-чемпион Forever. А случайностью можно назвать поражение в финале Кубка от того же Дордоя.
03.11.2010. 21:06 
Тайпасы:
Жаран
Комментарийлердин саны:
96
Катталган:
03-07-2009
Соӊку аракети:
27-08-2018 21:45
Жынысы:
Белгисиз
Калаасы:
Улуу Кыргыз Дөөлөтү Ордо Балык шаары
0
Алга!!!!!!!!!!!!!
04.11.2010. 12:12 
Тайпасы:
Кыймылы жок
Комментарийлердин саны:
142
Катталган:
04-11-2010
Соӊку аракети:
17-08-2011 13:23
Жынысы:
Белгисиз
Калаасы:
Upsalla, Sweden
0
Дордой Долдой да! Молодцы, Нефтчи вперед!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: