КУРМАНБЕК БАКИЕВДИН ИНИСИ БОЮНЧА СОТ ӨКҮМҮ ЖОККО ЧЫГАРЫЛДЫ

Жогорку Сот мурдагы президент Курманбек Бакиевдин бир тууганы Каныбек Бакиевге карата чыгарылган өкүмдү жокко чыгарды. Бул тууралуу 11-майда Жогорку Соттон билдиришти.

Каныбек Бакиевге карата буга чейин Жалал-Абад шаардык сотунун жана облустук соттун өкүмдөрү жокко чыгарылды. Кылмыш иши толук иликтенбеген деп иштин материалдары кайра кароого жиберилди.

Жактоочунун Бакиевди толук актоо боюнча өтүнүчү канааттандырылган эмес.

– Каныбек Бакиев катышкан кылмыш иши тууралуу соттордун чечими боюнча келип чыккан суроолорду эске алуу менен Кыргыз Республикасынын Жогорку Соту биринчи жана экинчи инстанциядагы соттор тарабынан бир катар мыйзам бузууларга жол берилгенине байланыштуу ишти жаңыдан кароого жөнөткөн. Иш боюнча күбөлөрдүн көрсөтмөлөрүнө тийиштүү баа берилген эмес,- деп айтылат маалыматта.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 962, 13-19-май, 2021-ж.