ТЕКЕБАЕВДИН ТАРАЗА ТАШЫ КАЙ ТАРАПКА ООЙТ?

Аптанын жаңылыгы

Шайлоодон бери эки апта өткөнүнө карабай, анын расмий жыйынтыгы дале жок. “Эртең чыгат, жок, эки күндөн кийин чыгат” деген сөздөргө эч ким ишенбей калды көрүнөт. Бирок коалиция курмай, ага кайсы партиялар кирери тууралуу кептер кайрадан элдин көңүлүн бурду.
Бул аптада КСДП менен “Республика” партиялары коалициялык өкмөттү куруу үчүн биригүүгө макулдашканы маалым болду. “Бабанов алыс барбайт, ушул Атамбаевге эле кошулат” деген кептер чын чыкты. Анын үстүнө Өмүрбек Бабанов бир кезде ушул партиянын курамында болчу. 2007-жылкы парламенттик шайлоодо “Республиканын” “атасы” өзүнүн мандатынан өлкөнүн азыркы “энеси” Роза Отунбаева үчүн баш тартып, депутаттык креслосун бошотуп бергени да эсибизде.
Ачык болбосо да, акыркы окуялар “Ар-намыс” “Ата Журтту” колдой тургандыгын, экөө кошулар күн алыс эмесин билдирип койду. Ташиевдин айланасындагы ызы-чуулуу окуяда Феликс Кулов “ата журтчуларга” жан тартарын жашырбады. “Ата Журт” эки күн бою митингде жүргөндө, “ар-намысчылар” да аянтка чыкмакчы болушту. Бирок ал күнгө жетпей “Ата Журт” митинг өткөрүүдөн баш тартса, көп өтпөй Куловдун партиясы да “кетсин” деп кыйкырбай тургандыгын жарыялады.
Жыйынтык чыга элек болсо да, парламенттик даярдык кызуу жүрүүдө. Ошентип, биздин саясий талаада эки топ түзүлдү. Көпчүлүк “экинчи революциянын ээси” иретинде “Ата Мекен” менен КСДП биригет деп күтүшкөн. Бирок мындай “туугандашуу” негедир кечеңдеп жатат. Ага жетпей эле КСДП менен “Республика” кол кармашты. “Экөө тең орусиячыл маанайдагы партиялар, ал эми Текебаевдин партиясы тышкы саясат боюнча маанайы башка болгондуктан, кошулбай жатат” дешүүдө. Бирок “Ата Журт” менен “Ар-намыска” үчүнчү болгондон көрө Өмүрбек Текебаев идеясы жакын жана санаалашы Атамбаев менен Бабановду тандаарына көбүрөөк ишенсе болот.
Балким, андай болбой калышы да ыктымал. Кантсе да топтор түзүлдү, “оюнчулар” белгиленди. Эми “Ата Мекендин” тараза ташы кай жакка оой тургандыгын күтө туралы.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (15)

aminali

2010-10-30 19:02:49

Babanov menen Atambaev tarapka barsa eken,baikuw Tekebaev...

maradona

2010-10-31 12:10:27

Ата Мекен 2тарапка тен барбай эле эл тарапка кайрыл. Бизге кереги жок россиянын буйругу менен жашоонун.

Baratali

2010-10-31 14:47:31

Эмне сен ойлоп атасынбы Ата-Мекенди элдин баары колдойт деп maradona? Россиянын буйругу менен иштесе жаман болбойт,эгерде жаман болсо сен эмне кылып журосун Россияда.Кыргызстанда кайра кайра власть талаша беришсе эч качан онолбойт.Россияны озун коруп атасын Президенттин айт

Kesh

2010-10-31 16:12:08

En obolu SDPK menen espublikaga koshulsa eken Ata-Meken. Biz ozubuzdun saiasatty jurguzshubuz kerek. Rossiya menen 100dan beri chogu erish arkak jurup jyrgap dele ketken jokpuz.

zhalyn

2010-10-31 16:38:47

Кеш сен оказывается писимист экенсин.Сага окшогондон экоо болсо властьта,власть эч качан онолбойт,сен коркпо эч кимге кереги жок Кыргызстан.

Kirgizjigit

2010-10-31 18:41:18

Zhalin oynop suyloson da oylop suylo. Kirgizstan saga keregi jok bolso da bizge kerek. orustardin kuyrugu bolup alar uchun 2 duynoluk sogushta Moskvasinan beri korgop berishti atalaribiz kani menen jani menen ayaginda emneni aldik mankurttuktubu? Jok bizge Kirgizstandin gana komochuno kul tartkan, en birinchi. Kirgizstandin gana kamin oylogon adamdar kerek. Baratali Biz emne uchun Rossiyananin buyrugu menen ishteshibiz kerek ne kulu belek. jok eski olup kalgan sssrdin keregi jok kerek.

cosmopolit

2010-11-01 01:56:27

кыргызстандын тагдыры бычактын кырында турат...кудай озу сактасын...

jaz

2010-11-01 02:48:26

Atambaevdyn adamkerchylygy az syaktyy.Dayima ylyy adamdarga akaarat aitkany jakshy emes.Ozyn tim ele ay sezet okshoit,aman bolsyn.Tekebaev kyiyn kyshy ylyy kichyynyn tylyn tabyp Kyrgyz eli ychyn dep jyryp chachy apakay bolyp kalat go.Syzge ishenebyz Tekebaev chechymdy tyyra kabyl alynyz,eky tarapten syzdyn kolokonyzdo kalyshat,byr gana yshenynyz Kylychbek Sultanovgo,ak yshtep ak ychken adam dep aitkym kelet Alysky Koreadan syzdy koldogon Jaz

KDM

2010-11-01 08:09:56

KGde turup alip, bizge Rossiyanin ne keregi bar debegile baykeler... Kanchalagan kirgizdar Rossiyada istep jurusot... menin oyumda azir bizge orustardin jardami sossuz kerek.

aminali

2010-11-01 17:30:10

Forum4ular sayasat4ilardan bew beter jaman aitiwkansinar go.

Papinadochka

2010-11-02 06:58:48

Ата-журтка коулатго деп ойлойм Текебаев эмне кылышты озу билет форумчулар 20 жылдан бери анын башы бышып буттуго

antislav

2010-11-02 14:53:58

Орусияны энсегендер дагы эле атанар,чон атанар мактай берген СССРдин уулу Орусиянын таламын талаша бергиле.Бизге иш берип атат,башка берип атат деп.Иш берсе эле эмне Орусияда креслодо кайкалап олтуруп калган жеринер барбы?Орустар тоготпойт "черный" деп.Орустун эшигине ба

malikadina

2010-11-03 12:19:28

сын пикир айтканга эле жаралгандан сезилет биздин форумчулар.кандай боло турганын убакыт коргозмокчу.
бирок таза,туура болсо эле болду.
Текебаев саясатчы катары мыкты адис,бирок анын бир жасаган(ыйманга туура келбеген)кылыгы негедир ал кишини TV коргон сайын мени

malikadina

2010-11-03 12:21:22

коргон сайын мени жаман абалда калтырат.
кандай гана болбосун элибизде тынчылык,бакубат жашоо болсо экен.....

Kagan

2010-11-03 20:57:32

Кайрадан Шайлоо Болуш КЕРЕК!!!! Мен Женишке жетишем!!!! Буйруса Баары Адыда

Комментарий калтыруу үчүн өз ысымыңыз менен кириңиз же каттоодон өтүңүз.

№ 417, 29-октябрь - 4-ноябрь, 2010-жыл.