БИР БҮРКҮМ. МИЛИЦИЯ ӨКҮЛҮ ПАРА АЛУУГА ШЕКТЕЛҮҮДӨ...

Бишкек шаардык соту саясатчы Жеңиш Молдокматовду 6-июлга чейин камакка алуу боюнча райондук соттун чечимин күчүндө калтырды.
Бишкекте 1000 доллар пара алууга шектелип 1 милиция кызматкери кармалды.
Мурдагы билим берүү жана илим министри Алмазбек Бейшеналиев Кыргыз өлкөсүнүн Бириккен Улуттар Уюмундагы өкүлү болуп дайындалды.
Мамлекеттик салык кызматы: “1-июлдан тарта өлкөдө алкоголь жана тамеки продукцияларын милдеттүү түрдө маркалоо киргизилет”.
Нурбек Мурашев Исхак Пирматовдун ордуна “Бир бол” партиясынан парламентке депутат болуп бекитилди.
Коррупциялык ишке шектелип кармалган Бишкектин мурдагы вице-мэри Мирлан Амантуров үй камагына чыгарылды.
Улукбек Карымшаков президенттик администрациянын жетекчисинин орун басары болуп дайындалды.
Өлкөдө жыл сайын 6 миңдей адам тамеки чегүүнүн айынан көз жумары айтылды.
Ибрагим Нуракун уулу Жогорку Соттун төрайымынын кеңешчиси болуп дайындалды.
Акылбек Жапаров экономика жана финансы министри болуп дайындалды.
Кытай экономиканы колдоо максатында Кыргызстанга 54 миллион доллар суммасында грант берери айтылды.
2-июнга карата өлкөдө коронавирус жуктуруп алган бейтаптардын ичинен 94 адамдын абалы өтө оор экени айтылды.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 965, 3-9-июнь, 2021-ж.