Архив
944   945   946   947   948   949   950   951   952   953   954   955   956   957   958   959   960   961   962   963   964   965   966   967  
897   898   899   900   901   902   903   904   905   906   907   908   909   910   911   912   913   914   915   916   917   918   919   920   921   922   923   924   925   926   927   928   929   930   931   932   933   934   935   936   937   938   939   940   941   942   943  
844   845   846   847   848   849   850   851   852   853   854   855   856   857   858   859   860   861   862   863   864   865   866   867   868   869   870   871   872   873   874   875   876   877   878   879   880   881   882   883   884   885   886   887   888   889   890   891   892   893   894   895   896  
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837   838   839   840   841   842   843  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар

Айбек Касымов & Аида Сартбаева: “ДОСТОРУБУЗДУН КҮЧҮ МЕНЕН ҮЙЛӨНҮП КАЛГАНБЫЗ”

№965 3-9-июнь, 2021-ж.


Жубайларга “Талым кыз менен Көбөктүн айтышы” ырынан улам үндөрүнө ашык болуп калгам. Экөө тең жандуу келиштире ырдайт. Таланттуу жубайлар менен маегибиз да өздөрүнө окшоп ачык, шайыр маанайда өттү.

– Саламатсыздарбы, Айбек, Аида? Таланттуу жубайлар кантип таанышып калды, айтып берсеңиздер?

Айбек Касымов: – Саламатчылык. Бизди чыгармачылык тааныштырды. 1998-жылы Балыкчыдагы Маданият үйүндө иштеп жүргөм. “Ыр кесе” болуп жаткан, сыртка чыксам үч кыз концертке кире албай жатышыптыр. Кесиптештеримдин бирин сурап калышты, киргизип койгом.

Аида Сартбаева: – Менин ырдаарымды биз издеп барган байке билчү эле, “ырдап бер” деп калды. Айбектин комузун алып ырдап берсем Маданият үйүнүн директору Эсен Думанаевге үнүм жагып калды. Ал кезде Ысык-Көлдүн Ананьево айылында мугалим болуп иштечүмүн. Эсен агай атамдан уруксат алып, мени Балыкчыга иштегенге чакырып калды. Айбек экөөбүз кесиптеш болуп жүрүп жакын болуп кеттик. 7 жыл кыз-жигит болуп жүрүп баш коштук.

– Бул кыз-жигит үчүн көп убакыт, ээ? Таарынышып кеткен учурлар болдубу?

Айбек: – Чыгармачылык менен алектенип жүрүп убакыт өтүп кетиптир. Жумуштан кол бошобой үйлөнө албай жүрдүк (күлүп). Азыр урушпаганга аракет кылабыз, өзгөчө мен (күлүп). Чыдап жүрө берем.

Аида: – Бул тажаал деп койбойсуңбу (күлүп). Айбек экөөбүз тең ак көңүлбүз. Аялдар көбүрөөк көңүл бурууну күтөт эмеспизби, “гүл берип койбойсуңбу, тиги деле аялын минтет экен” деп айтып калганым болбосо...

– Келинчегиңиздин колун кантип сурадыңыз?

Айбек: –Үйлөнгөнүбүз өзүнчө тарых, көпчүлүктүн күчү менен үйлөнүп калганбыз, болбосо дагы деле сүйлөшүп жүрө бермекпиз. Аиданы айылга ырдап бер деп чакырышыптыр. “Аиданы ошол жактан ала качышат экен” деп досторум айтып калды. Ал кезде чөнтөк телефон жок болчу, үйдөгү телефонго чалышты. Угуп бушайман болуп, досторумду чогулттум. Бир нерсе болуп кетпесин деп милицияда иштеген кошунамды кошуп алдык. Акчам да жок эле, жумуштан карызга таап чыктым. Эми чыгалы деп жатканда үйдөгү телефонуна чалсам, Кудай жалгап, айылдан келип калыптыр. Досторум “кебелбей ушинтип жүрө берсең алып кетет, үйлөн” деп эле жаалап кетишти. Коркуунун күүсү менен үйлөнүп калгам (күлүп).

– Сиз дароо макул болдуңузбу?

Аида: – 7 жыл күтсөм макул болом да (күлүп). Экөөбүз кыз-жигит болуп жүргөндө айланчыктап эле кайтара берчү. Бирөө тийишип калса “күйөөсүмүн” деп салчу. Өзү албайт, же коё бербейт (күлүп). Көп убакыт сүйлөшүп жүргөн үчүн да достору опур-топур болуп кетип, айтор, кантип макул болгонумду билбей калдым.


– Аида, келиндин келгендегиси эстен кетпейт дейт. Эмне эсиңизде калды эле?

Аида: – Мен тарбияланган үй-бүлөдө ачык айрым сүйлөшүп, бака-шака түшүү кадимки көрүнүш болчу. Айбектердики андай эмес, олуттуу экен. Келин болуп барганда чай берип жатсам деле тыптынч, кашыктардын үндөрү, чайдын шорулдагы эле угулбаса, үн-сөз жок чай ичишет экен. Андайга көнбөгөн жаным бук болуп, таң калчумун. Катуу-катуу сүйлөгүм келип кетчү. Бабыраган жаным жаман болгом.

Айбек: – Мүнөзүбүздөгү айырмачылык бизди жакындатты окшойт. Мен түнтмүн, көп ойлоном, ичимден кээде ушуну айттым деп ойлоп алган болом, айтпай жүрө берем. Аиданыкы баары сыртында, ичине эч нерсе катпайт. Бири-бирибизди толуктап келе жатабыз. Улуу кызым мага окшош, бир нерсени сураш үчүн бир апта ойлонот. Аны көрүп өзүмдү көргөндөй болом. Кээде “катуураак сүйлөчү, өтүмдүү болчу” деп жиним келип кетет (күлүп).

Аида: – Балдарынан өзүн көрүп жини келип жүрөт, мен кандай сага жарылып кетпей жүрөм, ээ? 17 жыл жашап Айбек айта электе эле оюн окуп алганга үйрөндүм.

– Сиздерди баатыр ата-эне десек болсо керек? 5 балаңыздар бар эмеспи.

Айбек: – 3 кыз, эки уулубуз бар. Баары “ырчы болобуз” деп концерт коюп беришет. Улуу кызым бийлейт, өзүбүз менен сахнага чыгарып жүрөбүз.

Аида: – Үйлөнгөндөн кийин бир топ убакыт балалуу боло албай жүрдүк, ошого азыр көп балалуубуз. Айбек “7 балалуу болуп баатыр ата-эне бололу” деп жатат. Мен “тоок белем, кечке төрөй беремби?” деп тамашалап калам. Айбек менен теңдер кайната болуп калды, биз кеч үйлөнгөнүбүз үчүн балдарыбыз кичине.

– Чоң сахнаны кечирээк багындырдыңыздар окшойт?

Айбек: – Көптөр үнүмө кызыгып Бишкекке чакырып жүрүштү. Өзүм кетенчиктеп жаттым. “Кантип оокат кылабыз, машинаны кантип айдайм, ызы-чуу” деп эле бушайман боло берчүмүн. Аскат Сулайманов “ой барчы, өлбөйсүң. Бир-эки тоюмду сага берем, ошону менен улантып кетесиң” деп айтып жүрдү. Келдик, жакшы эле экен.

Аида: – Мен мурун эле айтып жүргөм, убакыт ошондо келди окшойт.

– Айбек мырза, жубайыңыздын сонун үнү бар экен. Жылдыз болуп кетсе кандай сезимдер болот? Эркектерге өзүнөн да аялынын популярдуу болгонун көтөрүү кыйын болсо керек?

Айбек: – Мен балдар менен үйдө кала берем (күлүп). Акча таап турса болду.

Аида: – Мен башынан эле чыгармачылык эмес, үй-бүлөнү тандагам. Жылдыз болом десем турмушка чыкпай калмактырмын. Турмушка чыккандан кийин мен дагы, балдар дагы Айбектин чыгармачылыгы деп калдык. Бул киши уруксат берсе ырдап коёбуз. Чыгармачылыктын жолу оор, экөөбүз тең ал жолду тандасак үйдө балдарды ким карап калат? Бирибиз тылда калышыбыз керек, мен тылда калууну тандагам. Жолдошумдун жылдыз болгону – менин жылдыз болгонум.

– Бири-бириңиздерге баалуу белек бергениңиздерди эстесеңиздер?

Аида:– Кыз-жигит болуп жүргөн кезибиз болчу. 14-февралда курбу кызым экөөбүз жигиттерибизге белек даярдамак болдук. Айбек менен курбумдун жигити дос болчу. Базарга бардык, “зажигалка” ошондо жаңыдан чыгып жатса керек, же арзан беле, иши кылып тандап жатып ак түстөгүсүн алдык. Үйгө алып келип ийнени ысытып ага жүрөк тартып алганыбызды айтайын. Жарылып кетсе эмне болмок десең. Аны кутуга салып койгонбуз. Ал күн келип экөөбүз белегибизди алып чыксак, жигиттерибиз куру кол келишиптир. Бир тал гүл да жок. Кийинки майрамда “булар бербейт экен” деп бербей калганбыз. Негизи бири-бирибизге берген баалуу белегибиз балдарыбыз го.

Айбек: – Майрамыңар менен десек керек (күлүп). Ушул белек бергенге жок окшойм. Туулган күнүмдө балдар менен Аида сөзсүз сюрприз жасашат.

– Бири-бириңиздерге айта албай жүргөн таарынычыңар бар болсо айтып алганга мүмкүнчүлүк берели...

Айбек: – Менин таарынычым жок. Сеникичи?

Аида: – Меники деле жок, суранычым бар (күлүп). Мени мактап турчу. Бир туугандардын улуусу болуп ата-энем “Аку билет, ушул чечет” деп мактай беришип көнүп калган окшойм. Турмушка чыккандан кийин мени эч ким мактабайт. “Сонун кылдым окшойт. Эми мактайт” деп күтсөм да жок го.

– Айбек мырза, бул кулагыңызга күмүш сырга болду. Маегиңиздерге рахмат! Жандуу үн менен элдин дилин кубантып жүрө бериңиздер.

Нуржамал Жийдебаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
07.06.2021. 14:37 
Тайпасы:
Жаран
Комментарийлердин саны:
Катталган:
18-02-2019
Соӊку аракети:
23-06-2021 23:35
Жынысы:
Белгисиз
+2
Сонун маек болуптур.экоо тен жакшы ырдашат .бактылуу болгула!
07.06.2021. 21:45 
Тайпасы:
Жаран
Комментарийлердин саны:
77
Катталган:
04-06-2019
Соӊку аракети:
22-06-2021 22:29
Жынысы:
Белгисиз
0
Айбек мырза талантынызды баалайм бирок жубайынызга коп конул бурбаганыныз мени капалантты. Аялды мактап, белек берип туруу эмне кыйынбы. Бул биринчиден жигиттиктин белгиси, экинчиден адамгерчилик, баалоо, суйуу. Мунун баары шариятта да адабиятта да адамдын денгээлин, эркектин жигиттигин далилдейт.Катуу тийсе кечириниз. Сиз милдеттуусуз балдарыныздын апасын ардактоого.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
25710;
 
Маалымат-маанайшат порталы
2006-2021 © SUPER.KG
Кыргыз Республикасы, Бишкек шаары,
Турусбеков 109/1
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: