Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№418 5-11-ноябрь, 2010-жыл.


(Башы өткөн сандарыбызда)

– Ой-оой, сенин боюң кайда барат? Укмуш чоңойгон турбайсыңбы.
Арстан атамдын көзүнчө өзүн дайыма ушундай кармап, мага жаш баладай мамиле кылып, чычалата берет. Балким, сезимин жашыруунун амалын таппай жиниме тиеттир.
– Караңызчы, эки жыл мурун менин белимден келер эле, эми теңелип калыптыр.
Белимден келет? Эмнелерди эле балдырап жатат мобу? Болдучу эми, көп сүйлөп жибердиң. Суранам, бир мүнөт, бир секунд унчукпай, көздөрүмө тиктеп тура турчу. Экөөбүздүн жолугушуубузду мындай элестеткен эмесмин. Кайрылып ушул көздөрдү көргөнүмө кубанып, ичимден миң бир сөздү айтып жалынсам да, үн чыгара албай тура бердим. Менин абалымды башкага жоруган атам чыга жөнөдү.
– Жүрө гой, Арстан, уйкуда жаткан карындашыңдын жүрөгүн түшүрдүк окшойт. Жакшылап ойгонуп, чачы-башын оңдоп алып чыксын.
Атамдын артынан айласыз ээрчиген Арстан мага көзүн кыса тийишип калды. Ошондо гана чачым саксайып, жайылуу экенин байкадым. “Келди, мен үчүн ошончо аралык жол басып, окуусунан суранып келди!” Буттарым титирей, алсырап төшөгүмө отура калдым. Бул күн кайрадан менин туулган күнүм болчу.
– Сенин ичиң тышыңда. Ушинтип бирөө-жарым эскертти беле?
Түндө көчө тараптагы жыгач отургучка кобурашып отуралы деп чыкканыбызда Арстан мурдагыдай өзүн коомай кармабай, мени бооруна кыса кучактап алды.
– Кандайча сыртымда?
– Керек учурда эмоцияны жаап-жашырганды билбейсиң. Жашсың да, жашсың. Бара-бара үйрөнүп кетесиң.
Эмнеле кыйын болот, бул мага?!
– Ме сага, жашты!
Мени чычалатканга аракет кылып, жылмайып күлүп отурган Арстанды күч менен түртүп жибердим.
– Жана атамдын көзүнчө мейличи деп койсо, эмне эле мага чоң болосуң? Болгону, үч жаш айырмаң бар. Ошолбу, сенин болгон улуулугуң?!
– Охоо, мүнөзүбүз да өзгөрүп­түр. Та-ак, дагы эмнең өзгөрдү экен, кана, мени карачы?
Бултуңдаганыма койбой кош колдой жүзүмдөн кармап, көпкө чейин тигилип туруп калды. Кудай, ай, кандай жыргал?! Мобул көздөрдүн мээримине бөлөнүп, андан өзүңдү көрүп турган кандай жыргал? Сиздер Арстанды көргөн эмессиздер да. Ушунчалык жылуу, керек учурда от чачкан каректерин кантип сүрөттөп берсем?
Ушул учурда таптакыр мен күтпөгөн, ойлогонго да даабаган иш болуп кетти. Аны менен тиктешүүгө чыдай албай, саамга көзүмдү жуумп жибергем. Көзүмдү ачпай туруп анын ысык эриндерин сездим. Ал эриндер мени шашпай, жыргап өөп жатты. Каршы болдуңбу дейсиздерби? Албетте, каршы болгон жокмун. Жүзүмдү буруп кетүүгө алым да, эрким да жеткен жок.
– Өзүмдү кармап жүрүүдөн чарчадым. Өзүмдү өзүм алдагандан чарчадым. Эки жыл бою келбеди, жайкы каникулга келсе болмок деп таарынгандырсың? Билем, таарындың, куса болдуң. Кечир, кайдан-жайдан пайда болуп, сенин тынч турмушуңа да бүлүк түшүрдүм. Мындан ары чыдай албайм. Туулган күнүңө келсемби-келбесемби деп ойлонуп жатып чарчадым. Алгач барбай эле коёюн деп чечкем. Кайдан? 13ү жакындаган сайын өзүмө өзүм батпай, улам календарды карап “ии, дагы убакыт бар экен” деп отуруп, акыры билет алдым. Мени кечир.
– Неге? Неге сен менден кечирим сурашың керек? Экөөбүз­дүн атабыз бир же энебиз бир болбосо. Кудай бизди ушундай шартта жолуктуруп койсо, сен кайсы күнөөң үчүн менден кечирим сурашың керек?
– Акылдуум менин. Жашсың деп калп эле жиниңе тием да. Мендей он жигитти отургузуп коёр акылың бар. Баса, тигил телефонду ким сатып берди?
Мен баарынан ушул суроодон коркком. Кызык, бир күнөө кылып коюп, анан шаштым кетсе да болор эле. Атамдарга го, туулган күнүмө белек кылышты деп кутулдум. Бирок Арстанды минтип алдай албайсың. Баягы окуяны баштан аяк айтып берүүгө аргасыз болдум.
Унчукпай кабак түйүп отуруп, сөзүмдү аягына чейин укту.
– Кел, экөөбүз бир нерсеге макулдашабыз.
– Макул.
Эмне экенин билбей туруп макул болдум. Арстан жаман нерсени айтмак беле?
– Мындан ары менден бөлөк эч бир жигиттен кымбат баалуу белек албайсың.
– Бул эмне дегениң? Кайдагы жигит? Айттым го, чоң киши экен деп.
– Дегеле эскертейин дегеним да. Мейли чоң киши, мейли жаш жигит, мейли арык, мейли курсактуу болсун. Эч биринен кымбат баалуу белек албайсың. Сүйлөштүкпү?
– Сүйлөштүк... Бирок айттым го, ал байке сендей кызыма алганмын деп...
– Макул, макул, анысына түшүндүм.
Урушат деп ойлогом. Бирок кайдагы бир чоң кишиден кызганып, кызаңдайт деп түк ойлобоптурмун. Арстандын реакциясын көрүп, ал кишини кийин сулуулар сынагынан да көргөнүмдү айтпай койдум.
Мен десем, Арстан менден өткөн кежир. Бир айтканын бербейт. Телефондун баянын угуп кыжынып алган ал кой дегениме болбой, Бишкекке барып башка аппаратка алмаштырып берди. Эринбеген жан да, айла жок, күлүп эле кала бердим.
Экөөбүз күнү кечке сейил бакта жүрдүк. Атам, Ажар, айылдаш, классташтардын көздөрү жок жерде чогуу жүргөн сонун экен. Анан кыйылганыма карабай, атасынын үйүнө жетелеп барды. Атасы жакшы эле киши көрүнөт, бирок анын аялы бир көргөндө эле жакпады. Биз барганда атасы жумуштан келе элек экен. Кантсе да көп жыл колунда өскөн баласы го, Арстанды жактырбаса да, күйөөсүнүн урматы үчүн жаш жигит менен тирешпей, жылуу кабыл алып койсо болбойбу. Эшикти ачып, ит келдиби, куш келдиби дебей, баш ийкеп коюп гана басып кетти. Он жаштагы иниси болсо, короону башына көтөрө кыйкырып келип Арстандын моюнуна асылды. Балакай агасын абдан сагынган экен, жанынан кетпей жебиреп, болгон жаңылыгын айтып берүүгө үлгүрдү. Арстан менен атасы экөөнүн мамилеси да өтө жылуу эмес экендиги көрүнүп турат. Ооба, аялындай болбой, кабинетине киргизип алып кобурашып ал-жай сураганга жарады дечи. Кетерибизде Арстандын чөнтөгүнө калың конверт салып берди. Менин билишимче, каражат жагынан уулун өксү кылбайт. Аны көргөн тигил аялдын көзү чанагынан чыгып кете жаздады.
– Атама сен жактың.
Таксиде, айылга кайтып келе жатканда Арстандын ийинине жөлөнө көшүп кетиптирмин. Анын сөзүнө чочуп кеттим.
– Кандайча? Сен ага бирдеме айттыңбы?
–­ Ооба,“апамдын жаңы күйөө­сүнүн кызы. Ушул кыз болбосо, ал үйдө да жашай алмак эмесмин, эч бир адамды мынча жакшы көрбөгөм” дедим.
– Анан, атаң эмне деди?

Жазгүл Калыева

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
06.11.2010. 08:35 
Тайпасы:
Кыймылы жок
Комментарийлердин саны:
121
Катталган:
01-06-2007
Соӊку аракети:
11-04-2014 14:09
Жынысы:
Белгисиз
0
Кундон кунго тажабай, тамак ичей окуйт элем!!!!!!!!!
12.11.2010. 17:13 
Тайпасы:
Кыймылы жок
Комментарийлердин саны:
40
Катталган:
10-09-2010
Соӊку аракети:
13-04-2011 12:42
Жынысы:
Белгисиз
0
Мдааа, сонун чыгарма. Жаштар учун кызыктуу,толкунданткан окуя болсо,чондор учун качанкы бир убакта башына тушкон алгачкы тунук суйуусун эскерте турган жагымдуу баян...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: