Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАТЬЯНИН ДЕНЬ СЕРИАЛЫНЫН БАШ КААРМАНДАРЫ

№240 8-14-июнь, 2007-ж.


АННА СНАТКИНА
Анна Снаткина 1983-жылы 13-июнда Москва шаарында төрөлгөн. Ата-энеси жөнөкөй авиакуруучулардан болушкандыктан, Анна бала чагында бир топ кыйынчылыктарды көрүп чоңоёт. 6-класска чейин Тушино районунда бир бөлмөлүү квартирада турушчу. Сиңдиси Маша ошол учурда төрөлүп, жаткырганга орун жок болгондуктан, үстөлдүн үстүндө уктачу экен. Анна он бир жашка толгондон кийин гана өзүнчө чоңураак квартирага көчүп кетишкен. Кыйналып жашагандарына карабастан атасы Аннаны 4 жашынан баштап спорттун алгач гимнастика бөлүмү­нө, кийинчерээк аэробика бөлүмүнө машыгууга берет. Ошентип, балалыгынын 13 жылын спортко арнаган. Ал эми кино багытына өткөндөн кийин спорт Аннанын жашоосунда жөн гана хобби катары кала берди. Учурда бош убактысында гана денсоолукка пайдалуу гимнастика менен машыгып, фитнес клубдарга, сауналарга барууну жактырат. Кызыктуусу, Анна сауна, мончолордо 100 градустук температурада жарым саатка чейин отура берет экен.
Атактуу актриса болуу жөнүндө Анна 2-классында Уитни Хьюстондун катышуусундагы ”Телохранитель” аттуу фильмди көр­гөндөн кийин эле кыялдана баштаган. 8-классты аяктагандан кийин кыялын чындыкка айландыруу максатында театр багытына кадам таштайт. Дене тарбия окуу жайына тапшырат деп ишенген ата-энеси кызынын бул жоругуна алгач таптакыр каршы болушкан. Анткени, ошол учурда эле Анна мектеп окуучусу болгонуна карабастан кичинекей балдарга аэробикадан машыктыруучу болуп да эмгектенчү. Театрга жана киного болгон кызыгуусу артып, алгач искусстводон курстарга катышып жүргөн болсо, кийинчерээк кинематография институтунан билим алган.
Мындай атак-даңкка жеткенге чейин студент кезинде дагы бир топ кыйынчылыктарды көргөн. Стипендиясынын акчасына жашоого мүмкүн болбогондуктан, ошол кезде эле талантын тастыктап журналдарга сүрөткө түшчү экен жана мындан биринчи ирет 300 рубль гонорар алган. Андан тышкары, оор турмуштун айынан бир кездерде кассета сатып иштегенге да туура келген.
Экинчи курстун аягында болсо Аннага “Московская сага” сериалындагы Е.Градованын ролун аткаруу сунушу түшкөн. Мындан көп узабай эле 2003-жылы Нина Стасованын ролу менен “Участок” сериалына тартылган. Ушундай жол менен кинодогу тушоосу кесилип, 2005-жылы “Обреченная стать звездой” телесериалында Женя Азарина болуп, популярдуулуктун чокусун багындырат. Андан тышкары, “Вызов” (Катя), “Аэропорт” (Маша Снегирева), “Боец” (Виктория Варшавская), “Я не вернусь” (Катя, Маша эгиз кыздар) кинолорунда баш каармандардын ролун жараткан. Анна Снаткинанын бир гана көп сериялуу кинолордон эмес, чоң тасмалардан да тажрыйбасы бар. Алсак, өзү кичинекейинен эле кыялданган Наталья Гончарованы “Дуэль и смерть Пушкина” фильминде роль аткарган. Кинонун режиссёру Бондарчук Аннанын баш каарманга окшош экенин байкап, өзү чакырган эле. Ошентсе да келбетин өзгөртүүгө туура келип, 10 килограммга арыктаган экен.
Ал эми “Татьянин день” сериалы туралуу: “Наташа Рудова экөөбүздүн кинодон тышкаркы жашоодогу мамилебизге көпчүлүк кызыгат экен. Биз мурдатан тааныш болбосок дагы бат эле тил табышып кете алдык. Бош убактыбызда дүкөндөргө чогуу барууну жактырабыз. Ал эми сериалдын сюжетиндеги кээ бир көрүнүштөр менин жеке жашоомдогу болгон окуяларга окшоштук жагы да бар. Мисалы, курбу кызым экөөбүздүн бир баланы сүйүп калуубуз менин 8-класста окуган кезимде башымдан өткөн эле. Бул чындыгында эле жагымсыз көрүнүш, бирок, достукту баалаган адам баарына түшүнө билет”,- дейт белгилүү актриса Анна Снаткина. Жеке турмушундагы жигиттери тууралуу элге айта берүүнү жактырбайт. Азырынча карьерасын биринчи орунга коюп келет жана болочокто турмушка чыгууну да пландаштырып койгон. Келечекте өз мекенинен тышкары чет элдик кинотасмаларга да тартылууну пландаштырууда. Азыркы күндө Франциянын киножаратуучулары менен түзгөн келишими бар.

НАТАЛЬЯ РУДОВА
Наталья Рудова 1983-жылы 2-июлда Өзбекстанда төрөлгөн. Өздөрү болсо Казакстанда турушчу. Апасы өзбек кызы болгондуктан, өз мекенине конокко келген боюнча Наталья аттуу наристелүү болуп кайтат. Казак жергесинде он эки жашка чыкканга чейин жашаган. Андан кийин ата-энеси ажырашып, апасы менен Россиянын Иваново шаарына көчүп кеткен. Ушул жерден театралдык орто окуу жайын да аяктаган. Алдыга койгон максаттарына жетүү үчүн Наташа бир топ кыйынчылыктарды башынан өткөргөн. Акча табуу максатында жайкысын Анапа курортуна барып официант болуп иштесе, башка убактарда Москва шаарындагы дүкөндөрдүн биринде менеджер болуп иштечү. Ошол эле учурда киного тартылуунун да камын көрүп, кастингдерге катышчу. Театр сахнасынан өзүн көргөзө алгандан кийин Наташа толук метраждуу фильмдерге тартыла баштайт. “Татьянин день” сериалынан баш каармандардын биринин ролуна ээ болгонго чейин сүрөт тартууга да убактысы жетишээр эле. Муну Натальянын жеке турмушундагы хоббиси десе болот. Көбүнчө тарткан сүрөт­төрүн курбуларына белекке тартуу кылат.
Наталья Рудова актриса болууну 7-классында чечип, театр ийримдерине катыша баштаган. Ага чейин бийчи же болбосо тикмечи болом деп ойлочу экен. Карьерасын көтөрүүгө күжүрмөн эмгектин артынан жетип отурат. Чыгармачылык тарыхына кайрылсак, “Примадонна”, “Кто в доме хозяин?”, “Воспоминания Сталина”, “Проводница” жана башка телесериалдарда тартылган. Алардын арасынан эң эле чоң ролу катары “Татьянин день” сериалын карасак болот. Бул кинодогу сюжеттен айырмаланып, Наташа шаардык кыз эмес. Бул жерде Анна Снаткина экөөнүн ролдору алмашып кеткендей. Анткени, чыныгы турмушта Анна Москва шаарынын тургуну болсо, Наталья болгону төрт жыл мурун гана шаарга келген эле.
Наталья Рудова учурда белгилүү актриса болгонуна карабастан батирде жашайт экен, бирок, жакын арада үй сатып алууну пландаштырууда. Ал эми келечекте чыгармачылылыкка койгон пландарын ишке ашыруу үчүн жеке жашоодо турмушка чыгууну артка жылдырып турууга туура келет. Андан да моралдык жактан даяр эмес экендигин билдирген. Тамак даярдоону жакшы билгени менен аны жасоону жактыра бербейт. Жалпы эле аялдарга тиешелүү жумуштарды аткарууга кызыкпайт, андан көрө анча-мынча мык кагып, оңдоп-түзөө иштерин жүргүзүү Наталья үчүн оңой сезилет. “Азырынча мен толук актриса катары өсүп жетиле элекмин. Качан гана Мила Йововичтей такшалган актриса болгондо жеке жашоом тууралуу ойлонууга убакыт келет. Бирок, турмуштун тепкичин азыртан куруп, жолугуп жүргөн адамым бар. Кичинекейимден ата мээримин сагынганмынбы, айтор, өзүмдөн бир топ улуу адамдар менен мамиле түзгөндү жактырам”,- дейт жеке сезимдери жөнүндө сыр бөлүшө Наташа. Ошол эле учурда “9-рота”, “Жара”, “Дневной дозор” фильмдеринин каарманы, актёр Алексей Чадовду дагы төгөрөгү төп келишкен адам катары баалап, аны жактыраарын мойнуна алганы бар.

Даярдаган Чолпон Сүйүнбаева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21166;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: