Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кий менен куралданган КАНЫБЕК САГЫНБАЕВ

№418 5-11-ноябрь, 2010-жыл.


Спорт жылдызы

Биздин бүгүнкү каарманыбыз кийди курал кылып, Дүйнөнү 4 жолу багынтты. Өзү сырткы келбети жагынан окуучуга окшош болгону менен, ак сөөктөр оюну болгон бильярдда атаандаштары анын жанында окуучу болуп калышат. Каныбек Сагынбаев “гезитке интервью берип, айткандары бурмалангандан кийин ЖМКларга чыкпай калган” деген кепти четке кагып, ачык маек куруп берди.

КАНЫБЕК КАЛЫГУЛОВИЧ САГЫНБАЕВ
Туулган жери – Бишкек шаары
Туулган жылы – 1985-жыл, 11-ноябрь
Бою – 177 см, салмагы – 58 кг
Лакап аты – "Боец"
Жактырган бильярдчысы – Евгений Сталев
Жактырган тасмасы – “Оушендин 11 досу”
Жетишкендиктери – Бильярд боюнча Дүйнөнүн 4 жолку чемпиону
Машыктыруучусу – Константин Коробов
Билими – КУУнун экономика факультетин бүтүргөн.
Бойдок. Учурда Бишкекте жашайт.

– Каныбек, колуңа биринчи жолу кий кармаган күнүң эсиңдеби?
– Анда мен 8 жашта элем. Балдар менен Бишкектин Батыш автобекетиндеги бильярд ойноочу жайга барып ойногонбуз. Ошондо бильярд мени биринчи соккуда эле арбап алган. Ошол күндөн тарта бул оюн түрү эрмегиме айланган. Мектептен чыгарым менен бильярд ойноого шашчумун. Апам тыюу салса да, баары бир айтпай, качып болсо да бара берчүмүн.
– Кандай үй-бүлөдө чо­ңойдуң? Бир туугандарың эмне менен алектенишет?
– Катардагы эле карапайым үй-бүлөдө чоңойдум. Атам куруучу болчу. Мен 6 жашка чыкканда каза болуп калган. Апам эт комбинатында администратор болуп 20 жылдан ашуун эмгектенди. 3 бир тууганбыз. Иним Максат ЖОЖдо, карындашым Индира мектепте окуйт.
– 6 жашыңдан атасыз өскөн болсоң, көп кыйынчылыктар башы­ңдан өтсө керек?
– Ооба. Атам каза болуп калгандан кийин үйдө улуу бала болгондуктан, апаңа жардамдашасың да. Оор турмуштун айынан “Ош базарында” семичке, лимонад саткан күндөр да болгон.
– Мына жакында Кыргызстанды дүйнөгө даңазалап, Дүйнө чемпиондугун жеңип алдың. Дүйнөлүк рейтингде да көч башы болуп алыпсың. Буга мамлекет тарабынан кандай жооп болуп жатат?
– Азырынча эч кандай. Жакында президент кабыл алат дешкен, күтүп жатабыз. “Жеңишиң үчүн мекениңде кандай сыйлашты?” деп чет элдик кесиптеш досторум сурап калышат. Эгер алар эч кандай колдоо болбогонун угушса, күлүшөт. Коңшу өлкөлөрдө спорттун кайсы түрү болбосун Дүйнө чемпиону чыкса, президенти баш болуп тосуп алып сыйлашат.
– Ушундай кырдаалдарда чет өлкөгө кетүү ойлору жаралбай койбосо керек. Сунуштар түшкөн да?
– Албетте, жаңы чыга баштаганымда эле чет өлкөдөн сунуштар түшө баштаган. Эгер мен баарынан акчаны жогору койсом, эчак эле чет жерде жашап жүрмөкмүн. Бир мисал айта кетейин. Германияда өткөн Дүйнө чемпиондугунун алдында, атын айтпай эле коёюн, орусиялык бир олигарх келип, жеңилип берүүмдү суранды. Ал бул үчүн 30 миң доллар убада кылды. Бирок мен андай жолго бара албайм. Мен патриотмун. Акча түгөнөт, ал эми өлкөгө аброй керек. Туулуп-өскөн жериңдин намысын талашып, жеңиштерди алып бергенге не жетсин!
– Сөздүн нугун бильярдга бурсак. Бильярд биринчи кезекте сен үчүн эмне?
– Бильярд – мен үчүн биринчи кезекте сүйүп алектенчү, мага болуп көрбөгөндөй рахат тартуулоочу ишим. Анан дагы башкысы, бильярд ойноп өлкөмдүн намысын коргоп келе жатканыма сыймыктанам.
– Бильярдда физикалык даярдык кандай роль ойнойт?
– Бильярдды сүйгөн балбаныбыз Канат Бегалиев: “Сенин спортуң эле жакшы. Биз мелдеш алдында 1 ай көп нерседен баш тартып, тынымсыз машыгабыз. А силер түнү менен көңүл ачып алып деле, эртеси кийиңерди колуңарга алып мелдешке жөнөп каласыңар”,- деп тамашалап калат. Бирок биз деле бассейнге барып, чуркап, өзүбүздү мыкты спорттук калыпта алып жүрүүгө аракет кылабыз. Ошентсе да бильярдда физикалык даярдыкка караганда психологиялык даярдык маанилүү.
– Сен өзүң мелдештерге кантип даярдык көрө­сүң?
– Көңүлүмдү жайгарып, тынч эс алуу максатында жаратылыш коюнуна барам. Балык уулоого чыгам.
– Бильярдда сүй­гөн ыкмаң кайсы?
– Менин сүйгөн ыкмам “баскетбол” деп аталат. Мында шар секирип, тор баштыкка үстүнөн түшөт. Дүйнөдө бул ыкма менен 10 аракеттен онун тең түшүрө ала турган бильярд чеберлеринин катарына кирем.
– Аны өздөш­тү­рүү үчүн канча убакыт кеткен?
– 1 жыл үйрөнгөм. Негизи, жарым жыл деле жетиштүү. Эгер өжөрлүк менен 1 жыл коротсоң, көзүңдү жуумп деле киргизип каласың.
– Сени менен көпчүлүктүн бильярд ойногусу келери бышык. Атак­туулардан кимдер менен ойноп каласың? Арасында сага атаандаш боло тургандары барбы?
– Досум Мирбек Атабековго бильярд ойноону үйрөткөм. Ома менен Канат Бегалиев да жакшы ойношот. Орусияга барып калганда Леонид Ярмольник, Леонид Якубович, Александр Иншаков, Андрей Макаревичтер менен да ойноп калам. Аталгандардын ичинен Андрей Макаревич бир аз атаандаш боло алат десем болот.
– Жеке жашооңо келсек... Сүй­лөшкөн кызың барбы? Качан үй­лөнөйүн деп жатасың?
– Ооба, сүйлөшкөн кызым бар. Бирок үйлөнүү тууралуу ойлоно элекмин.
– Болочок жубайыңды кандай элестетесиң?
– Биринчи кезекте ата-энени сыйлаган болсо дейм. Анан да болочок жубайымдын сабырдуу болгону мен үчүн чоң мааниге ээ. Анткени мелдештердин айынан үйдө көп болбой калышым мүмкүн. Ошонун баарына чыдап, түшүнүү менен мамиле кылуусу керек го.
– Көп эле белектерди алып жү­рө­сүң да. Сага Чеченстандын президенти Рамзан Кадыровдун машина белек кылганын укканбыз. Ушул жөнүндө өзүңдөн уксак...
– Бир нече жылдан бери Чеченстандын президенти Рамзан Кадыровдун чакыруусу менен анын атасы Ахмат Кадыровдун урматына уюштурулган эл аралык мелдешке катышып келем. 2 жолу күмүш медаль тагынгам. Рамзан Кадыров катышуучулардын арасынан жалгыз мусулман болгонум үчүн мага жан тартат. Анан ал жеңишимди куттуктап, бир тууган мусулман элинен деп Ягуар автоунаасын белек кылган. Барганда өзү менен да бильярд ойноп турам.
– Жаңылбасам, былтыр прези­ден­тибиз квартира белек кылган...
– Ооба, Курманбек Бакиевдин тушунда эмгегимди баалашып, квартира белек кылышкан. Аны мен апама белек кылгам.
– Колдоо­чула­рың кимдер?
– Албетте, менин башкы колдоочуларым – үй-бүлөм, жакындарым. Анан дагы колдоо көрсөтүп келаткан агам, кыргыздын тарыхын даңазалап руханий борборлорду ачкан Ташкул Керексизовго ыраазычылыгымды билдиргим келет. Ал мени өз баласындай, мен аны атамдай көрөм. Аны кыргыздын чыныгы патриоту деп эсептейм.
– Келечекке кандай пландарың бар?
– 4 жолку Дүйнө чемпиону наамы менен токтоп калуу оюмда жок. Бильярддын айкалышкан пирамида түрү боюнча Дүйнө чемпиону боло элекмин. Андыктан чемпион болуу үчүн дагы да болсо аракеттенем. Ошондой эле өз тажрыйбамды жаштар менен бөлүшүү максатында Кыргызстанда бильярд мектептерин ачууну пландаштыргам. Жер алып, имарат куруу иштери аяктап калды.
– Ийгилигиңдин сыры эмнеде?
– Айта кетчү нерсе, кезинде досторум менен түнкү клубдарда эс алып калчубуз. Анан көргөндөр “Каныбек машыкпай эле эс алып жүрөт, кантип чемпион болмок эле?” деген кептерди угуп калчумун. Чынында, профессионал спортчулар билишет, чемпион болуу оңой эмес экендигин. Ар бир жеңиштин артында канчалаган эмгек жатат. Жаратканга ушундай талантты бергендиги үчүн ыраазымын. Ийгилигимдин сыры деп ошол талантты өркүндөтүп, көп убакыт машыкканымды айтам.

КЫЗЫКТУУ ФАКТЫЛАР

  • Каныбек деген ысымды атасы койгон.
  • Машыгуулар жана мелдештер үчүн колдонуп жүргөн 2 кийи бар. Ар бирин Орусиядан 5 миң доллардан сатып алган.
  • Кемчилиги деп сол колу менен таптакыр ойной албастыгын айтсак болот. Бул тууралуу өзү: “Кээде оюнда шарлар сол кол менен урганга ыңгайлуу болуп туруп калган учурлар болот. Ошондуктан эми сол колум менен ойноону үйрөнүүгө катуу киришип жатам”,- дейт.
  • Каныбек бильярдга чейин футбол менен алектенип, өспүрүмдөр арасында КРнын курама командасында ойногон. Машыктыруучулар андан чоң үмүт этишсе да, бильярд үчүн футболду таштап койгон.

Базарбек Абдураимов
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  9 
Комментарийлер(16)
05.11.2010. 20:45 
Тайпасы:
Жаран
Комментарийлердин саны:
281
Катталган:
26-11-2009
Соӊку аракети:
30-10-2018 00:28
Жынысы:
Белгисиз
Калаасы:
Жер эне
+1
Азаматсың Каныбек! Атыңа затың жарашып.
05.11.2010. 22:09 
Тайпасы:
Кыймылы жок
Комментарийлердин саны:
46
Катталган:
06-10-2010
Соӊку аракети:
01-09-2015 08:24
Жынысы:
Белгисиз
0
Men Kanybek menen 2 jyl murda tanywkam owondo bul balanyn adamdyk sapaty jogoru ekenin balagam.azir biz suilowpoibuz birok Kanybekti aiabai syilaim :)
06.11.2010. 02:12 
Тайпасы:
Жаран
Комментарийлердин саны:
71
Катталган:
01-08-2010
Соӊку аракети:
03-01-2017 00:07
Жынысы:
Белгисиз
0
Азамат! Хотя бы это порадует! Удачи
06.11.2010. 09:18 
Тайпасы:
Кыймылы жок
Комментарийлердин саны:
74
Катталган:
16-10-2010
Соӊку аракети:
11-02-2012 08:53
Жынысы:
Белгисиз
0
молодец гордимся тобой
06.11.2010. 09:52 
Тайпасы:
Кыймылы жок
Комментарийлердин саны:
13
Катталган:
13-07-2010
Соӊку аракети:
24-04-2012 16:17
Жынысы:
Белгисиз
Калаасы:
Бишкек шаары
0
Ушундай патриот балдар коп боло берсин.Сен азаматсын,сыйлайм,жакшы кором,ийгилик клайм сага.
06.11.2010. 19:33 
Тайпасы:
Жаран
Комментарийлердин саны:
50
Катталган:
14-08-2010
Соӊку аракети:
12-11-2017 11:31
Жынысы:
Белгисиз
0
Мусулман болуп калганыма сыймыктанам кудай бир кун мага дагы ягуар буйрушуна ишенем
06.11.2010. 21:15 
Тайпасы:
Кыймылы жок
Комментарийлердин саны:
10
Катталган:
24-10-2010
Соӊку аракети:
29-12-2014 20:03
Жынысы:
Белгисиз
Калаасы:
бишкек
0
азматсын!!!
06.11.2010. 22:47 
Тайпасы:
Кыймылы жок
Комментарийлердин саны:
17
Катталган:
26-05-2009
Соӊку аракети:
13-01-2016 05:54
Жынысы:
Белгисиз
0
Azamatsin Kanibek. Bar bol aman bol. Elindin keregine jarap arabizda jadirap jaynap juro ber. Saga okwogon talanttuu adamdaribiz menen siymiktanabiz.Ar dayim Kirgizstandin atagin chigargan talanttuu adamdaribiz koboyo bersin.
07.11.2010. 20:33 
Тайпасы:
Кыймылы жок
Комментарийлердин саны:
3
Катталган:
04-04-2010
Соӊку аракети:
10-06-2011 07:55
Жынысы:
Белгисиз
0
гордость Кыргызстана! по возможности стараюсь смотреть трансляции его игр и всегда радуюсь результатам)
07.11.2010. 23:31 
Тайпасы:
Кыймылы жок
Комментарийлердин саны:
50
Катталган:
21-09-2010
Соӊку аракети:
20-10-2014 15:36
Жынысы:
Белгисиз
0
Азаматсын чыныгы патирот экенсин
08.11.2010. 16:24 
Тайпасы:
Кыймылы жок
Комментарийлердин саны:
55
Катталган:
17-09-2010
Соӊку аракети:
27-11-2011 00:38
Жынысы:
Белгисиз
0
Мекенчил болгонун,акча деген балакет учун Мекенинди чанбаганын Адам атадан тараган баардыгынын кулагына кумуш сырга болсун!
09.11.2010. 11:30 
Тайпасы:
Жаран
Комментарийлердин саны:
345
Катталган:
07-09-2010
Соӊку аракети:
13-11-2018 15:32
Жынысы:
Белгисиз
0
Каныбек молодец...аман бол и утуштарын кобойсун...коп ичет деп угам, если ошондой болсо анынды ташта козго деле зыян....
09.11.2010. 22:26 
Тайпасы:
Кыймылы жок
Комментарийлердин саны:
391
Катталган:
22-09-2010
Соӊку аракети:
29-12-2015 01:13
Жынысы:
Белгисиз
0
азамат...зор ийгиликтер жана аман болсун...кыргызда ушундай чыгаан жигиттер коп болсо гана атаганат...
10.11.2010. 10:28 
Тайпасы:
Жаран
Комментарийлердин саны:
12
Катталган:
22-05-2010
Соӊку аракети:
14-04-2017 12:27
Жынысы:
Белгисиз
0
Азамат,ийгилигин орчундой берсин,Кыргызстандын атын чыгарган эр азаматтардын катарында дайыма бол!!!
11.11.2010. 11:41 
Тайпасы:
Тартип бузгандар
Комментарийлердин саны:
146
Катталган:
15-09-2009
Соӊку аракети:
15-12-2013 17:06
Жынысы:
Белгисиз
Калаасы:
Бишкек
0
Сенин оюнунду кордум , ийгилик !!!!!
13.11.2010. 17:56 
Тайпасы:
Кыймылы жок
Комментарийлердин саны:
45
Катталган:
27-03-2010
Соӊку аракети:
28-12-2012 05:10
Жынысы:
Белгисиз
0
Wooow! "chon bala" turbayby... )) kuday yiman bersin, aman bol!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: