СУПЕР-ИНФО
- Саясат
- Шоу дүйнө
- К-рор дүйнөсү жана корей тасмалары
- Маданият
- Иликтөө
- Турмуш
- Крим-инфо
- Спорт
- Жан дүйнө
- Түркүн дүйнө
- Алтын балалык
- Укуктук кеӊеш
- Илим жана техника
- Ден соолук жана сулуулук
- Психология жана үй-бүлө
- Тиричилик, бизнес
- Ашкана сырлары
- Жылдыз төлгө
- Маалымдама
- Супер-Инфо 20 жашта
- Көз караш
- Эмгек жарчысы
Аманкул Курманалиев Таластын Кара-Буура районундагы Шекер айылынын жашоочусу. Ал кетмен, казык, күрөк, така жана ага мык, соко жасап, шире чыгарчу жана арпа, буудай, жүгөрү тарта турган шаймандарды жасап эл керегине жарап келет. 
Бир кезде свет көп өчө баштап, элди жүдөттү. Эмне кылсам деп отуруп кичи ГЭС жасадым. Диаметри 3 метрдей болот. Ал учурда арыкта суу толо токтобой агып турчу. ГЭСти ошол арыкка орнотуп, 10 чакты үй свет менен камсыз болуп калды. Анын үстүнө ошол учурда элде акча жок, электр энергиясынын акчасын төлөй албай калсак светти өчүрүп кетчү. Кийин свет өчпөй калды, суу тартыш болуп арыкка суу бир келсе, бир келбей калды. Ошентип ГЭС иштебей турат. Эгер арыкка суу токтобой келсе иштейт.
Айылда жашаган соң жүгөрү, арпа, буудай тартып шак кыла турган шаймандар керек, андай шайман жасадым. Жүгөрүнү токмоктоп, жүгөрүсүн сотосунан ажыратып берчү да шайманды жасап чыктым. Эл 100 килограмм шак тарттырса 8 килосун калага алып калам. Той-топурга, кышкыга деп жемиштерден шире сыгып, даярдап алуу керек. Ошентип шире сыгуучу шайман жасадым. Ширелүү 50 килограмм алмадан 35-40 литрдей шире чыгат. Конок тосот элем дегендер алмасын алып келсе шире чыгарып жатканда бышкан кызыл кызылчадан азыраак кошуп жиберем, өңү кыпкызыл болуп калат. Менин шаймандарымдан колдонгонго коңшу 5-6 айылдын эли келет.