ТАЖИКСТАН КЫРГЫЗ ЖАРАНЫН 5 ЖЫЛГА СОТТОДУ

Тажикстанда “чек арадан мыйзамсыз өттү” деп кармалган Кыргыз өлкөсүнүн 4 жаранынын бири – Айбек Махмудов 5 жылга соттолду. Маалыматты 13-июлда Кыргыздын Тышкы иштер министрлиги ырастады. Калган 3 жаран тергөө абагында отурат. Алар боюнча да соттук отурумдар жүрүп жатканы айтылды.

– Өлкөдөгү эпидемиологиялык оор кырдаалга байланыштуу Тажик тарап элчиликтин кызматкерлерине кармалган жарандарга консулдук байланыш уюштурууга мүмкүнчүлүк берген жок. Ал эми элчиликтин өкүлүн сот отурумга катыштырууга тажик тарап макулдук берди. Учурда бул иш министрликтин жеке көзөмөлүндө. Кармалган жарандар менен жакындарына байланыш түзүлдү", - деп билдиришти ТИМден.

Айта кетсек, аталган 4 жаран Тажикстанда быйыл жазында кармалган.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 971, 15-21-июль, 2021-ж.