Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КОРКУНУЧТУУ ТАСМАЛАРГА САЯКАТ

№418 5-11-ноябрь, 2010-жыл.


Бул жолу коркунучтуу тасмалар тууралуу сөз кылууну чечтик. Эмнеге дебейсизби? Кино жаратуучулар бул жанрда жан талаша эмгектенип, жыйынтыгында коркунучтуу тасмалардын күйөрмандары көбөйүп бараткандай. Анда коркунучтар дүйнөсүндөгү эң өзгөчөлөр...

ТАҢ КАЛТЫРУУ ҮЧҮН ОЙЛОНУП ТАБЫЛГАН
Кино искусcтвосу жаралгандан тартып "көрүүчүнү эмне менен таң калтырууга болот?" деген суроого жооп издей, улам өнүгүп келет. Коркунучтуу тасмалар да көрүүчүнү белгисиздиктин туткунунда кармап, коркуу, таң калуу сезимдерин тартуулоо үчүн ойлонуп табылган. Эгерде сиз тасмадан кийин түнү менен уктабай чыксаңыз же коркуудан көзүңүз алайып, кыйкырып жибере турган абалга келсеңиз, демек, тасманын максатына жеткени.
Эң алгачкы коркунучтуу тасма 1890-жылы АКШда тартылган Жорж Мельестин "Азезилдин сепили" болгон. Мында "ужас" фильмдин элементтери болгону менен, элге анчалык тараган эмес. 1913-жылы 22-августта Германияда жарык көргөн "Прагалык студент" тасмасы кинотеатрларга болуп көрбөгөндөй эл топтоп, "ужас" тасмалардын доорун баштап берет.
Коркунучтуу тасмалардын классикасы катары "Психоз" тасмасы эсептелет. Айрым маалыматтар боюнча, "Голем" тасмасы коркунучтуу фильмдердин биринчиси деп аталып келет. Орустардын "ужас" жанрдагы алгачкы тасмасы 1909-жылы тартылып, "Вий" деп аталган.

"ЭҢ КОРКУНУЧТУУ" РЕЖИССЁРЛОР
Жон Говард Карпентерди коркунучтуу тасмалардын "атасы" катары таанышат. Ал 8 жашында камераны колго алып, алгачкы фантастикалык тасмасын тарткан. 1978-жылы коркунучтуу тасмалардын классикасы болгон "Хеллоуин" аттуу тасмасы жаралат. Ага кеткен каражат 300 миң доллар болсо, кирешеси 40 миллион долларга жеткен. Коркунучтуу тасмалардын дагы бир чебер режиссёру – Альфред Хичкок. Анын 1961-жылы жарык көргөн атактуу "Психоз" фильмин ким билбейт? Режиссёрдун бул тасмасы "Оскар" сыйлыгына ээ болгон. Окуянын өзөгүн Роберт Блохтун романы түзгөндүктөн, аны экрандаштыруу укугун 9 миң долларга сатып алган. Кызыгы, тасма кантип бүтөрүн сыр кылып сакташ үчүн режиссёр чыккан китептердин баарын дүкөндөрдөн сатып алганга мажбур болгон.

ӨЗГӨЧӨ ТАСМАЛАР
Бардык мезгилдин эң коркунучтуу жана таасирдүү тасмасы катары "Жаркыроо" тасмасы табылган. Америкалыктарды калтыраткан бул тасмада акылынан адашкан жазуучу өз үй-бүлөсүн өлтүргөнү тууралуу баяндалат. Стивен Кингдин романынан алынып, Стенли Кубрик тарткан бул фильм 2003-жылы "100 коркунучтуу тасманын эң мыктысы" аталса, 2004-жылы "Хоррор жанрындагы мыкты тасма" атагын алган. 2005-жылы коркунучтуу учурларды укмуштуудай чагылдырганы үчүн сыйлыкка ээ болгон. Айрым учурларда тасманын таасиринен кинотеатрларда көрүүчүлөр эстен танып жыгылганга чейин барышкан.
Ал эми “Араа” тасмасы эң көп киреше алып келген тасма катары Гиннес китебине таанымал. 7 сериядан турган тасма классикага айланып калган коркунучтуу тасмаларды артка таштап, 730 миллион доллар киреше алып келген.

ЖҮРӨКТҮН ҮШҮН АЛГАН КААРМАН
Өзүнүн коркунучтуу кебетеси менен элдин эсинде калган Фредди Крюгер болгон. "Вязов көчөсүндөгү коркунуч" тасмасында сериялык маньяктын ролун аткарган Роберт Бартон Энглунд бул ролу үчүн "Сатурн" сыйлыгына ээ болгон. Фреддинин түштө келип өлтүрүп кете турган күчү көпчүлүктү коркутуп, өспүрүмдөрдүн уйкусун качырган.
Ошондой эле "Чакинин колуктусу" тасмасындагы куурчак "Эң коркунучтуу каарман" сыйлыгына ээ болгон.

ЭМНЕГЕ ВАМПИРЛЕР МОДАДА?
Акыркы он жылдын ичинде Голливудда вампирлер темасы кирешелүү боло баштады. 1990-жылдардын ичинде "Вампир менен интервью", "Кеч киргенден таң атканга чейин", "Блейд" тасмалары ийгиликтүү гана эмес, эң кирешелүү да болушту. Ал эми "Күүгүм" тасмасынын популярдуулугу тууралуу айтпай эле койсок болот. Эмне үчүн вампирлер темасы модага айланды? Бул суроонун тегерегинде кино сынчылар: "Алар көрүүчүгө романтикалык маанай тартуулашат. Сулуу, аппак, көздөрү жылтылдаган вампирлер жаштарга сексуалдуулуктун символу катары көрүнөт. Вампирлердин ушундай образын түзүп, элди кызыктыруу кино тармагынын билинбес тузагы экенин айта кетпесек болбостур",- деген пикирлерин айтышат.

АДИС ПИКИРИ
Коркунучтуу тасмаларды кандай адамдар кууп көрүшөт? Бул суроого “Эксклюзив” медициналык борборунун психологу Тынара Токсонбаева жооп берет.
– Коркунучтуу тасмаларды кууп көргөндөр көбүнчө ачууга жакын, кыжыры бат келген адамдар. Аларды “ужас” кинолордун фанаты десек болот. Көпчүлүк учурда аларга эмоционалдык заряд жетишпейт. Ошондуктан мындай тасма көрүү менен алар өзүндөгү агрессиянын ордун толуктайт. Канды, кыйноону, коркунучту көргөндө каны дүргүп, кумар алат. Коркунучтуу тасмаларды 14 жашка чейинки жаш балдарга таптакыр көрсөтпөө керек. Анткени алардын психикасы али калыптана элек. Мындай тасманын таасиринен коркок же тескерисинче, зөөкүр, таш боор адамга айланышы мүмкүн.


Ар собол

“Каражолтой” тасмасынан кийин акжолтой болдуңузбу?
Назым Мендибаиров,
режиссёр, актёр:
– Кыргыз киносунда “ужас” фильмдер аз санда кездешет эмеспи. Анын бири – “Каражолтой” тасмасы. Фильмде мен башкы ролду ойногом. Каражолтой деп аталганы менен, бул роль мен үчүн акжолтой эле болду. Ошонун аркасынан элге таанылдым, актёрлук шыгым артты. Негизи, мистика өзгөчө тема. Айрыкча бизде эки кишинин башы кошулса эле “ак кийим кийген адам көрүнүптүр, тиги үйдүн ээси бар” деген кептер боло берет. Ошондуктан бул жанр кыргыз киносунда өнүгүп кетет деген ойдомун.

Эсиңизде калган эң коркунучтуу эпизод...
Жаным Айзат,
ырчы:
– Менин эсимде калган эң коркунучтуу тасма – “Араа 4”­. ­Элестетиңиз, эки адамды чынжыр менен байлап, биринин көзүн, экинчисинин оозун тигип коюшат. Экөөнүн ортосунда чоң станок турат. Станокко түшсө, экөө тең чайналып кетчүдөй. Көзү ачыгы “токто” деп көзү тигилгенге айта албайт. Көзү тигилгени эмне болуп жатканын түшүнбөйт. Ушул эпизоддон ушунчалык коркконум эсимде. Негизи эле “Араанын” бардык бөлүгү коркунучтуу.

"Ужас" кинолорунун фанатысызбы? Кайсы тасма эсиңизде калды?
Данияр Көбөнов,
спортчу:
– Жок, фанаты эмесмин. Коркунучтуу тасмаларды көп көрбөйм. Корккондон деле эмес. Негедир мындай фильмдер мага кызыксыз, реалдуу эмес көрүнөт. Кээде сюжети кызыктырса көрүп калам. Мисалы, “Блейд” деген тасманы көрүп чыктым. Анан, албетте, элдин баары көргөн “Күүгүм” тасмасын көрдүм. Тасмада эсимде калганы Белла болду.

Коркунучтуу тасмага тартылууга сунуш түшсө катышат белең?
Элина Абай кызы,
актриса:
– Былтыр Болот Шамшиев “Жаңгак токоюндагы арбак” деген мыкты тасма тартмак. Мен анда арбактын ролун ойномокмун. Бирок финансы жактан аксап, фильм тартылбай калды.
Негизи, тасманын сценарийи жакса, кандай жанрдагы тасма болбосун эч качан баш тартпайм. Өзүм “ужас” тасмаларын кызыгып көрөм. Акыркы жолу “Мыйзам ченемдүү көрүнүш 2” тасмасын көрдүм. Бул фильмдин өзөгү документалдык тасмадан алынган деген маалымат уктум. Ошондуктанбы, өзгөчө коркунучтуу экен. Жарымына чейин эптеп көрүп, анан ал бөлмөдөн качып чыктым. Кийин да кимдир бирөө бутумдан тарткансып коркуп жүрдүм.

Нуржамал Жийдебаева
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(8)
06.11.2010. 14:38 
Тайпасы:
Жаран
Комментарийлердин саны:
44
Катталган:
11-09-2010
Соӊку аракети:
25-09-2018 15:43
Жынысы:
Белгисиз
Калаасы:
Белгисиз Арал
0
Каражолтой деген тасманы кайдан таап кором.Айтып койгулачы!
07.11.2010. 01:22 
Тайпасы:
Тартип бузгандар
Комментарийлердин саны:
55
Катталган:
07-06-2010
Соӊку аракети:
20-05-2014 18:33
Жынысы:
Белгисиз
0
korboy ele koy,uktay albay jurbo anan
07.11.2010. 03:23 
Тайпасы:
Кыймылы жок
Комментарийлердин саны:
9
Катталган:
27-03-2009
Соӊку аракети:
23-05-2015 19:53
Жынысы:
Белгисиз
Калаасы:
г. Бишкек ж/м Ак-Орго ул.Хан Тенир
0
мага окшоп уктабай олтургандар дагы канча жооп жазып койгулачы коллегалар. пермден зейнеп.
07.11.2010. 12:10 
Тайпасы:
Кыймылы жок
Комментарийлердин саны:
380
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
0
Коркунучтуу тасмаларды аябай жактырып көрөм.
07.11.2010. 18:54 
Тайпасы:
Кыймылы жок
Комментарийлердин саны:
80
Катталган:
14-09-2010
Соӊку аракети:
14-09-2011 14:59
Жынысы:
Белгисиз
Калаасы:
münchen
0
nasym aka oshol kinonuzdan beri sizge bashkacha koz karashtamyn.aligiche mende korkunuch bar.
08.11.2010. 10:12 
Тайпасы:
Кыймылы жок
Комментарийлердин саны:
380
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
0
shishka Кара жолтой тасмасын айтып жатасызбы?
Кандай окуя баяндалат? көрмөк турсун укбапмын.
08.11.2010. 14:32 
Тайпасы:
Жаран
Комментарийлердин саны:
44
Катталган:
11-09-2010
Соӊку аракети:
25-09-2018 15:43
Жынысы:
Белгисиз
Калаасы:
Белгисиз Арал
0
Мен коргон эмесмин бирок уккам.Угушумча жакшы.Тартылганы дагы!Европадан кайсы бир наминацияга ээ болду деп да уктум эле.
08.11.2010. 19:10 
Тайпасы:
Кыймылы жок
Комментарийлердин саны:
380
Катталган:
20-08-2010
Соӊку аракети:
10-06-2016 08:31
Жынысы:
Белгисиз
Калаасы:
Кытай-Кызылсуу кыргыз автономиялуу областы
0
Каражолтой качан тартылган тасма болде экен? каражөлтөй тасмасынан да атайын маалымат берсе эмне, кыргыз тасмаларын бардыгын көргүм келет, ак кандайын.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: