ВИЦЕ-МЭР ПАРА АЛУУГА ШЕКТЕЛИП КАРМАЛДЫ

Бишкектин вице-мэри Азамат Сагындык уулу пара алууга шектелип кармалды. Бул тууралуу УКМКнын басма сөз кызматынан билдиришти.

Мурда алынган 6 миң доллар өлчөмүндөгү параны кайтарып берүү учурунда Бишкек мэриясынын түзүмдүк бөлүмүнүн кызматкерлери кармалышты. Кармалгандар Бишкектин вице-мэри менен сүйлөшүп алып, Кытай грантынын эсебинен оңдолуп жаткан Түгөлбай-Ата (Линейная) көчөсүнүн реконструкциялоо долбооруна өзгөртүүлөрдү киргизүү үчүн жолдун боюнда жайгашкан соода объектисин сактап калуу үчүн кафенин ээсинен 9 миң АКШ доллар өлчөмүндө пара алышкан",- деп айтылат маалыматта.

24-июлда пара алууну уюштурганы боюнча жетиштүү далилдер бар деп вице-мэр кармалды. Териштирүү иштери жүрүп жатат.

Жолдубек Качкынбаев

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 973, 29-июль-4-август, 2021-ж.