Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЙДАЙ

№419 12-18-ноябрь, 2010-жыл.


(Башы өткөн сандарыбызда)

– Анан, атаң эмне деди?
– “Кудайга шүгүр де. Көңүлүңө жаккан адамды ар бир бурчтан эле жолуктура бербейсиң. Эми сага акыл айтып деле кереги жок. Чоңойдуң. Өзүңө эмне керек, эмне жакпайт экенин билип калдың. Жакшылап ойлонуп иш кыл. Өзүң туура деп чечсең, мен бардык ишиңди колдойм” деди. Тигил аялынын ажаандыгын өзү деле түшүнүп бүткөн көрүнөт.
– Атамдар билип калсачы, эмне кылабыз?
– Айдай, сен эмне, күнөө кылып жатасыңбы? Билип калса дегениң эмнеси? Өзүбүз эле жетелешип барып айтабыз, “батаңарды бергиле” дейбиз.
– Атам түшүнөр бекен?
– Меники түшүнүп жатпайбы, сеники деле түшүнөт. Кел, мындай маселеге баш катырганды токтотобуз. Сенин баш катыра турган башка маанилүү маселең көп. Эсиңе түйүп ал!
Биринчиден, мектепти жакшы аяктап, сөзсүз өзүң каалаган окуу жайына өтүшүң керек. А экөөбүз чогуу жүрүшүбүз үчүн МГУга тапшырышың керек. Эскертип айтып коёюн, МГУга өтүү оңой эмес. “Сөзсүз Москвада окуйм” деп өзүңдү өзүң ишендир. Мен ал жакта, сен болсо Бишкекте жүрүшүңдү каалабайм. Азыр го айылда, атаңдын кашындасың. Андыктан көңүлүм тынч.
Экинчиден, жигит-мигит, курбулар, кечелерди унутуп, бүткүл көңүлдү окууга бурушуң керек.
Үчүнчүдөн, акыркы коңгуроо­дон кийин ээн-эркин баса бербей, кечкисин көчөгө көп чыкпай, абайлап жүр. Окууга тапшырар маалыңда көзү кызарып жүргөн бирөө ала качып кетип, дагы ызы-чуу түшүп жүрбөйлү.
– Койчу, кайдагыны айтып менин маанайымды бузбай!
– Тамаша. Ошентсе да абайлап жүрчү, макулбу? Сага башка жигиттин колу тийгенин элестетсем жаным чыгып кете жаздайт. Жоготуп алуудан корком.
– Эмнеден корксоң, ошол нерсе болот дейт. Андай жаман ойлорду өзүңө жолотпой жүрчү.
– Макул, менин кичинекейим, акылдуум.
Жакшы нерсе дайыма аз болот. Же менин турмушум ошондойбу? Апам, атам үчөөбүз жашаган бактылуу, бейпил күндөр аз гана болду. Эми Арстан. Тамашалай мурдумдан чымчып, бетимден өөп, кол булгай машинага жөнөгөн Арстан менен кошо жүрөгүм үзүлүп кетчүдөй жаман абалда турдум. Атамдан айбыкканымдан гана ыйлабай, тамагыма топтоголок болуп кептелип калган ыйды күч менен токтотуп, калп эле жылмаюуга аргасыз болдум. Менде ички туюм жакшы өнүккөн. Аны жашымдан билем. Мына азыр да көөдөнүмдө будуң-чаң, бурганак болуп жатты. “Эми экөөбүз жолукпай калабызбы? Арстандын жылуу кучагын сезбей каламбы?” чагылгандай тездикте ушул ойлор мээмди тепчип өтүп, башым тегеренип кетти. Кайрылыштан көрүнбөй кеткен машинага дале кол булгап турган атам менен Ажар менин абалымды сезишкен жок. Мейли, ошонусу жакшы. Эртерээк үйгө кирип, өз бөлмөмө жетпесем, шолоктоп ыйлап жиберип уят боломун. Кой, кеттим.
Кайрадан кунарсыз күндөр. Мени бир гана ой жылытып, кубантып жүрөт. Ал – Арстан. Демек, МГУ болбосо да, Москвадагы окуу жайлардын бирине өтүшүм керек. Сөзсүз. Ал үчүн азыр бардык көңүлүмдү, күч-аракетимди окууга бурушум зарыл. Мендеги мындай өзгөрүү, албетте, досторума жакпай жатты. Аларды деле түшүнсөң болот дечи. 11 жыл бою окуй берип, мектептен деле тажагандай болушту да. Анан быйыл окууну бүтүп, туш-тарапка тарап кетебиз деген ой баарын өрөпкүтүп, мындайда ар кандай кечелер, туулган күн, ыр-бий дегендер көбөйөрү турган кеп да. Мен ушундай иштердин баарынан баш тартып, көшөрүп окуй бердим. Досторума бул нерсе жакпай, атүгүл кээде атама чейин келип арызданып, мени алып кетүүгө аракет кылып көрүштү. Майнап чыккан жок.
– Сапарыңар байсалдуу болсун, урматтуу бүтүрүүчүлөр!
Мектепте окуган ар бир адамдын өмүрүндө ушул сөздөр, кубанычка толгон көздөр болсо керек, ээ?! Кудай буюруп, биз да аман-эсен мектепти аяктадык. Колубуздан учкан ак көгүчкөндөр көкөлөй абага көтөрүлүп, алар биздин өмүрдүн бир барагын жаап, жаңы өмүргө жарчы болушту. Бүтүрүүчүлөрдү куттуктап сүйлөп жаткан агайыбыз орто жолдон планда жок нерсени баштап жиберди. Бул учурда 11-класстын атынан өкүлдөр чыгып сүйлөп, агай-эжейлерге белектерди тапшырышыбыз керек болчу. Тамагын кыра жөтөлүп, ортого чыккан агайыбыз сөз баштап калды.
– Урматтуу бүтүрүүчүлөр. Силер үчүн кичинекей сюрприз бар. Ошону жарыялап, анан белек тапшыруу аземин баштасак.
Белек, сюрприз дегендерди кимдер сүйбөсүн! Эмне айтар экен деп баарыбыз жардана карап туруп калдык.
– Биздин мектептин бүтүрүү­чүсү, силердин агаңар Айдар Алиев бүтүрүүчүлөргө арнап, Бишкектин кафелеринин бирине дасторкон даярдатып койду. Ал байкеңер атайы унаа жөнөтүп, силерди чыдамсыздык менен күтүүдө. Чогулуштан соң туш-тарапка тарабай, чогуубуз менен короодо турган кичиавтобустарга түшөбүз да, Бишкекти көздөй жөнөйбүз.
– Ура-аа!
– Охо-оо, жыргайт экенбиз да!
– Мына сага тамаша!
Классташтар кулак-мээни жеп кыйкырып, ышкырып, кол чаап жыргап жатышты. “Айдай, барба, бул - тузак”. Көөдөнүмдө бир үн ушул кепти кайра-кайра кайталап жиберди.
– Ооба, барбай эле койгонум дурус.
– Эмнеле күбүрөнүп жата­сың?
Асел мени капталга нукуй күлүп калды.
– Асел, силер бара бергиле. Менин бутум тартпай турат. Үйгө кетем.
– Койчу, ушундай күндө жеке мамиле дегенди жыйыштыра эле турбайлыбы?
– Көңүлүм сезип турат. Муну ал жөн жерден уюштурган жок.
– Жо-ок, жок, жок! Сен бар­басаң, анда кандай майрам болмок эле? Азыр Мукай ага менен Ажар эжеге айтып коёбуз да, жөнөйбүз.
Ох-х, ушул курбум кээде мени чарчатып жиберет. Сүйлөгүң келбей турганда кечке бежиреп, көңүлүң тынчтыкты самап турганда жаныңдан чыкпай коймою бар. Азыр да ошол адатын карматканы турат. Жакшысы, жеңилип берүү керек.
– Майрамыңар менен! Келечекке сапа­рыңар байсалдуу болсун!
Айдар, анын беш-алты классташы бизди кафенин босогосунан кучак жайып тосуп алышты. Адамдын беттегенин бербегени жакшы адат. Бирок айрымдар көздөгөн максатына жетүү үчүн эч нерседен кайра тартпаганы коркутуп жиберет. Бүгүн да абдан ыңгайсыз абалга туш болдум. Тамак, шампан, ыр-бий, көтөрүңкү маанай өз ишин кылбай койгон жок. Кафенин босогосун көңүлсүз аттасам, эми балдар-кыздар менен жыргап бийлеп жүрдүм. Ошентсе да толук кызый элек окшойм, жанымда Айдар пайда боло калганда эле соолуга түшүп, андан жаа бою качып жаттым.

Жазгүл Калыева

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(12)
12.11.2010. 22:55 
Тайпасы:
Тартип бузгандар
Комментарийлердин саны:
12
Катталган:
05-09-2010
Соӊку аракети:
11-11-2014 00:36
Жынысы:
Белгисиз
Калаасы:
Москва
0
китебин каяктан сатып алсак болот?
13.11.2010. 01:52 
Тайпасы:
Кыймылы жок
Комментарийлердин саны:
26
Катталган:
10-10-2010
Соӊку аракети:
15-12-2011 19:51
Жынысы:
Белгисиз
0
Ушунусу жаман да.Кызыктуу жерине келгенде жинге тийип,бутуп калат.
13.11.2010. 01:52 
Тайпасы:
Кыймылы жок
Комментарийлердин саны:
3
Катталган:
10-11-2010
Соӊку аракети:
14-11-2010 23:15
Жынысы:
Белгисиз
0
кийинки санда Айдайды алып качып кетер бекен Айдар дегени.....................надеюсь нет.
13.11.2010. 02:33 
Тайпасы:
Кыймылы жок
Комментарийлердин саны:
6
Катталган:
11-11-2010
Соӊку аракети:
16-07-2015 20:36
Жынысы:
Белгисиз
0
Мен дагы Айдайды алып качып кетет окшойт деп ойлоп калдым. Кызыктуу екен сабыр кылайык кийинки санына чейин.
13.11.2010. 03:30 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
12-11-2018 20:43
Жынысы:
Белгисиз
Калаасы:
Kg-Ош
0
Озу негизи баарын чогултуп анан окуш керек экен.
13.11.2010. 15:25 
Тайпасы:
Кыймылы жок
Комментарийлердин саны:
11
Катталган:
05-12-2008
Соӊку аракети:
03-11-2012 10:42
Жынысы:
Белгисиз
Калаасы:
Бишкек
0
Барган сайын кызык болуп баратат.... эми дагы бир жума кутуш керек.... ухх
13.11.2010. 20:16 
Тайпасы:
Жаран
Комментарийлердин саны:
265
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
uuuffff yaaaa koburook ele jazgylachy suranych
13.11.2010. 22:33 
Тайпасы:
Жаран
Комментарийлердин саны:
27
Катталган:
08-12-2008
Соӊку аракети:
08-11-2018 21:49
Жынысы:
Белгисиз
Калаасы:
Бишкек
0
Окуп жатып ий-ийй, Айдай ошо кечеге барбай эле койсо болмок деп, чыйпыйым чыгып кетти. Эми аны точно алакачатго.
14.11.2010. 01:10 
Тайпасы:
Кыймылы жок
Комментарийлердин саны:
3
Катталган:
10-11-2010
Соӊку аракети:
14-11-2010 23:15
Жынысы:
Белгисиз
0
кыздарды ала качканы эле жаманда.эми Арсланга жетпей калар бекеееееееееееееееееен!!!!!!!!!!!!!!
14.11.2010. 04:30 
Тайпасы:
Кыймылы жок
Комментарийлердин саны:
1
Катталган:
01-11-2010
Соӊку аракети:
29-03-2015 16:07
Жынысы:
Белгисиз
0
Kitebin kajdan tapsa bolot,ajtip kojgulachu suraniiich.
15.11.2010. 19:39 
Тайпасы:
Кыймылы жок
Комментарийлердин саны:
20
Катталган:
11-11-2010
Соӊку аракети:
22-08-2012 04:55
Жынысы:
Белгисиз
Калаасы:
бишкек
0
Байкуш Айдайды алдыда кандай тагдыр кутуп турду экен? мага ошонусу кызык...
15.11.2010. 22:07 
Тайпасы:
Жаран
Комментарийлердин саны:
8
Катталган:
28-06-2010
Соӊку аракети:
08-04-2018 04:06
Жынысы:
Белгисиз
0
Эми дагы бир жума кутуш керек да
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: