Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КӨКҮРӨКТҮ ЧОҢОЙТУП, КУРСАКТАГЫ МАЙДЫ АЛДЫРУУ КАНЧА ТУРАТ?

№240 8-14-июнь, 2007-ж.


Табият ыроологон өң-келбетиндеги мүчү­лүштүктөргө капа тартып, айрым кемчиликтеринен тартынып, өзүн ыңгайсыз сезип кысынгандар жашообузда көп. Албетте, адамдын келбетин хирургдун бычагы менен өзгөртүп жиберүүгө болот. Бирок, мындан 5-10 жыл илгери эле пластикалык же эстетикалык хирургиянын кызматынан жалаң гана байлыгы башынан ашкан дөөлөттүүлөр жана дүйнөгө атагы чыккан жылдыздар гана колдоно тургандай туюлаар эле. Замандын өзгөрүп-өнүгүүсү мындай медицинадагы жетишкендикти биздин мекенге да алып келди. Ошондон улам жалаң гана байлар эмес, көпчүлүк мекендештерибиз өң-түсүн, келбетин каалагандай өзгөртүү, эңсеген сулуулугуна ээ болуу мүмкүнчүлүгүн алышты. Көпчүлүк окурмандарыбыздын суроолорунан улам биз мекенибиздеги пластикалык хирургия, анын мүмкүнчүлүктөрү канчалык экендигин байкап көрдүк.

КЫРГЫЗСТАНДА СЕЙРЕК КЕЗДЕШКЕН КЕСИП ЭЭЛЕРИ

Кыргызстанда пластикалык операция жасап акча табууну көздөгөн хирургдардын саны учурда көп. Алардын дээрлик көп­чүлүгү мындай операцияларды жашыруун жасашат. Бирок, бул опурталдуу жана өзгөчө кылдаттыкты талап кылган өнөрдү кесип кылып, атайын билим алган адистер да жок эмес. Көп­чү­лүк хирургдардын айтымында, алар мекенибизде төртөө-бешөө гана. Мунун себебин тактап көрсөк, жалаң КМШ өлкөлөрүндө эле эмес, Сирия, Түркия, Пакистан, Индияга таанымал биздин медициналык академияда пластикалык хирургияга багытталган билим берүү базасы жок экен. Мындай өнөрдүн ой-чуңкурун билгиси келгендер медакадемияны бүткөн соң жалпы хирургия боюнча ординатурадан өтүп, анан микрохирургиядан, андан соң пластикалык хирургия боюнча Россия же Европа тараптагы курстардан окуп келишет тура.

ОПЕРАЦИЯ АКЫСЫ КЕТКЕН ЧЫГЫМГА ЖАРАША

Окурмандарыбыздын суроолорун канааттандыруу үчүн эстетикалык хирургия боюнча атагы чыгып турган медициналык борборго кайрылдык. Бул борбордун пластохирургу Качкинбаев Искен Каримович пластикалык хирургия менен 5 жылдан бери алектенип келе жатыптыр. Жумушу жөнүндө кызыктуу кеп салып берди.
Бул медициналык борбор пластикалык хирургиянын бардык түрлөрүн, алсак, маңдайдагы бырыштарды тартуу (липосакция), көздүн айланасындагы бырыштарды кетирүү, көзгө сурма жасоо (блефаропластика), сурманы салаңдап жаап калган кабактын терисин тартуу, мурундун формасын өзгөртүү (ринопластика), эриндердин формасын өзгөртүү ,сүт безин чоңойтуу, кичирейтүү (маммопластика) жана бошоп салаңдап калган терисин тартуу, курсактагы майды алып салуу (абдоменопластика), жамбашты чоңойтуп, кичирейтүү боюнча операцияларды жасап келе жатыптыр.
Көпчү­лүк­тү ириде мындай операциялардын акысы кызыктырат. Сиздерде кызмат көрсөтүү акысы кандай?
– Эгер биздин сумманы так айтсам, эртең салыкчылар менен баш оору чыгышы мүм­күн. Орточо эсеп менен алганда, пластикалык операцияларды жардамга муктаж майыптарга бекер жасайбыз. Калганы операциянын чыгымдарына жараша 2500 долларга чейин барат. Бул сумма операцияны, ооруканада жаткан күн­дөрдүн акысын, медициналык каражаттар, консультация, имплантанттардын акысын да ичине камтыйт. Жалпысынан алганда, операциялардын акысы Алматыдагыдан 3 эсе, Москвадагы операциялардан 10 эсе арзан экендигин айтып койсок жетиштүү болоор.

НЕГИЗГИ КАРДАРЛАР – АЯЛДАР

Борбордун негизги кардарлары аялдар экендигин да билдик. Мисалы, Искен Каримовичтин “бычагынан чыккан” кардарлардын 85 пайызы аялдар. Курак өзгөчөлүгүнө келсек, көбүнчөсү 40-50 жаштарга келип калган айымдар “жашарууну” эңсеп келишсе, ушул эле жаштардагы эркектер ашыкча салмактан арылууну көздөп келишет. Ал эми 20-25 жаштар аралыгындагы кыздар көзүнүн сурмасын өзгөртүү, көкүрөгүн чоңойтуп, жамбашынын түзүлүшүн өзгөр­түү үчүн көбүрөөк кайрылышат. Россия, Европадагыдай бизде кары кишилер пластикалык хирургияга анчалык кызыгышпайт өңдүү.
– Карылар да көп кайрылышса керек? Негизи, канча жаштан тартып канча жашка чейин кабыл аласыңар?
– Кулагынын түзүлүшүн өзгөр­т­күсү келгендерге 6-7 жашында операция жасоо ыңгайлуу. Ал эми карыларды айтсам, былтыр 80 жаштык юбилейине карата бир орус аял келип, көзүнүн айланасындагы ашыкча бырыштарын алдырып кетти. Кийинчерээк “бетимдин терисин бүтүндөй тарттырам” деп кайра келиптир. Жашы улгайып калганын, мындай куракта операция опурталдуу экендигин айтып, мындай ойдон айнытканбыз. Ошентип, мага кайрылган пациенттердин эң карысы 80 жаштагы адам болду. Көзүнүн айланасындагы бырыштарды кетирүү үчүн, кабактагы ашыкча терини алдыруу үчүн улгайып калган аялдар кайрылышат.
Көзүнүн сурмасын оңдотуу үчүн кайрылган кардарлардын дээрлик бардыгы жаш кыздар. Операциядан соң 1сааттан 5 саатка чейин жатышат да, ыраазы болуп кете беришет.
Сүт безин (эмчекти) чоңойтуп, кичирейтип, терисин тарттыргандар медициналык борбордо 3-4 күн жатып, денсоолуктары калыбына келген соң үйүнө чыгып, 1 жума бою күн сайын текшерүүгө келип турушат.
Жамбашын чоңойтууга көбүнчө жаш кыздар кайрылышат. Ал эми орто жаштагы аялдардын көп­чү­лүгү тескерисинче, соорусундагы артыкбаш майларды алдырууну каалашат. Мындай операцияларга туш болгондор деле 2 күндөн 1 жумага чейин ооруканада жатып, андан соң 1 жума көзө­мөлдө турушат.
Эркектердин көп­чү­­лүгү (орто жаштагылар) курсактагы майын алдырууга, анан делдейген кулактарын оңдотуу үчүн кайрылышат. Салаңдаган курсактан 7 килограммга чейин май алынган учурлар болгон. Эркектердин арасынан “кө­зүмдүн сурмасын оңдотом, бетимдеги бырыштарды кетирет элем” дегендери көп деле болбойт.
Төрөттөн улам кеңейип кеткен жыныс кынын кичирейтүүнү каалаган аялдарга операцияны гинекологиялык билими бар хирургдар жасашат.
Жогоруда саналгандардан тышкары пластохирургдарга бети-башы, колу-буттары күйгөн адамдар да көп кайрылышат. Хирургдар күйгөн­дөн улам бырышып, тырык болуп калган терилерди дененин башка бөлүгүнөн алынган тери менен кылдат жамап бере алышат. Мындай учурларда көбүнчө сандын териси пайдаланылат. Айрым операциялар 4-5 саатка чейин созулат.

“СИЛИКОН МЕНЕН БАЛА ЭМИЗҮҮГӨ БОЛОТ”

Жогоруда саналып өткөн операциялардын ичинен көпчүлүк окурмандарды аялзатынын аялуу жери болгон эмчегине жасалуучу операция (маммопластика) кызыктыраары анык. Андыктан, буга кененирээк токтолдук.
Көкүрөгүн чоңойткусу келген айымдар атайын консультация, текшерүүдөн өткөн соң кайсы өлкөнүн чыгарган имплантантын тандоону өзүлөрү чечишет. Кытайдын башкалардан арзаныраак продукциясына кардарлар анчалык көңүл­дөнүшпөйт. Негизинен Франциянын, Германиянын, АКШнын продукциялары өтүм­дүү. Бул продукцияларды кардарлар биздин медборбордон алышат. Бизге болсо аталган өлкөлөрдөн атайын дистрибюторлор алып келип беришет. Пациентти толук бир жуманын ичинде текшерип бүтүп, операцияга даярдайбыз. Операциядан соң пациент 7 күн медборбордун өзүндө жатып калыбына келет. Андан соң бир жыл бою көзөмөлүн­дө жүрөт. Сүт безине силикон койдурган аял эгер операция ийгиликтүү болсо тынчсызданбай эле ошол көкүрөгү менен кош бойлуу болуп, төрөп, бала эмизе алат. Ал эми эмчегинин терисин тарттыргысы келгендер бул операцияны баласын эмчектен чыгарган соң гана жасатышы керек. Териси тартылган көкүрөк бези сүт толо баштаганда кысылып, өтө кейиштүү абалга алып келиши мүм­күн. Мындай операция жасатып, анын айынан ракка чалдыккан аялдар туурасында теле-радиодон көп эле көрүп, угуп жүр­бөйбүзбү. Андыктан, мындай опурталдуу иште хирургдун таланты, кылдаттыгы, тажрыйбасы биринчи орунда турат.
– Аллергия кылып, организм кабыл албай кыйналышы мүм­­күнбү?
– Адам баласы кичинекей кезинен тартып эле силиконго көнүп калат. Биз ымыркайларга упчу берип жатпайбызбы, ошол – силикон. Упчуну соруп, эч кандай аллергия болбой эле чоңоюп жатышпайбы. Аллергия кылышы мүмкүн эмес.
– Имплантанттар коюлган дене суукту, ысыкты, кадимки денедей эле көтөрөбү же күнгө кактанууга, суукта көп жүрүүгө болбойбу?
– Кадимкидей жайында көлгө барып, күнгө кактанып, сууга түшүүгө боло берет. Памела Андерсон деле жүрбөйбү. Ал тартылган фильмдердин баарында эле сууда, пляжда жүрөт эмеспи.
– «Батышта бир пластохирургду дайымкы 5-6 кардары эле жетишээрлик акча менен камсыз кылып коюшат» дешет. Силерге да бир кайрылган соң кайра-кайра келе бергендер барбы?
– Эгер тажрыйбалуу адис экениңди бир эле пациент байкап, күбө болуп кетсе, башкаларга сени рекламалайт.Өзү да бир нече ирет келиши мүм­күн. Мисалы, мындан 2 жыл мурун бишкектик эле жаш кыз көзүнө сурма жасатып кеткен. Жарым жылдан соң келип эринине силикон койдурду. Андан соң көкүрөгүнө силикон койдурду. Кийинчерээк келип шыйрагына силикон салдырып, бутун түздөтүп кетти.

“ЭЛИТА ӨКҮЛДӨРҮ КӨП КАЙРЫЛЫШАТ”

– Кыргыздын элитасынан да кайрылгандар көп болсо керек?
– Пластикалык хирургдар кар­дарлар­дын аты-жөнүн алардын уруксатысыз жарыялай албайбыз. Жалпысынан айтсам, кардарлардын көбү элитанын өкүлдөрү.
– Операциялардын ичинен кайсы түрү оор болот?
– Биз жасаган операциялардын бирин да жеңил деп айта албас элем. Анткени, бизге адамдар илдетине шыпаа издеп эмес, сопсоо кезинде келишет. Демек, кеткенде да ошондой сопсоо, алты саны аман, анан көтөрүңкү маанайда кетүүлөрү керек.
– Дагы бир маанилүү нерсе, ийгиликсиз болуп калган операциялар жөнүндө айтып берсеңер, кандай кыйынчылык, коркунучтар күтүлөт? Аларды кайра оңдоого болобу?
– Операциялар жаңы, мыкты сапаттуу аппаратуралардан эмес, ириде хирургдун тажрыйбасынан көз каранды. Күтүл­бөс­түктү кайдан деп болбойт эмеспи, анын сыңарындай, “эч качан жаңылбайм, дайыма кыйратып таштайм” деп айтуу туура болбой калат. Ар бир операция өзгөчө кылдаттыкты талап кылат. Бүтү­н нерсени кыйратуу, бузуу оңой жана кайра калыбына келтирүү кыйын болгондой эле бизде да начар жасалып калган операцияны кайра оңдоо абдан татаал нерсе.
Биздин республикада операциялар башка мамлекеттерден бир кыйла арзан экендиги чет жердик кардарларды өзүнө тартпай койбойт. Өз ара тааныштар, байланыштар аркылуу билишип, Россия, Казакстан, Германия, Түркия, Араб Эмираттарынан келип операция жасатып кеткендер көп болот.

Даярдаган Айбек Нурадилов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: