БИР БҮРКҮМ. ЖООКЕР ӨЗҮН АТЫП АЛДЫ...

Кыргыз Республикасынын Эгемендүүлүгүнүн 30 жылдыгы Бишкектин “Ала-Тоо” аянтында белгиленет.
Жалал-Абад шаарында 16-август күнү автоунаа оңдогон жайдан өрт чыгып, 5 унаа күйүп кеткени кабарланды.
Гүлмира Абдралиева Мамлекеттик камсыздандыруу уюмунун төрайымы болуп дайындалды.
Жалал-Абадда ЖОЖ мугалими “экзаменди бүтүрүп берем” деп студенттерден мыйзамсыз акча алууга айыпталып жатканы маалымдалды.
16-августта Ош шаарында МАИ инспекторунан качкан айдоочу жол кырсыгына кабылып каза болду.
Август айынын жарымында Кыргызстанда бензиндин АИ-92 үлгүсү 5 пайызга кымбаттады.
2021-2022-окуу жылы 15-сентябрда башталат, мектептер кадимки режимде иштейт.
Миргазы Исаков Бишкек мэриясынын аппарат жетекчиси болуп дайындалды.
Балыкчы-Ананьево-Каракол жолунда кыймыл 19-20-август күндөрү маал-маалы менен чектелет. Себеп – Чолпон-Атада Евразия өкмөттөр аралык кеңештин жыйыны өтөт.
Бишкек-Нарын-Торугарт жолунун Кубакы ашуусунда 17-август күнү кичи автобус жол кырсыгына кабылып, 7 адам каза тапты.
Бишкектеги “Сары-Өзөн” жер-жемиш базары толук түрдө мамлекеттин карамагына өткөнү айтылды.
Саламаттыкты сактоо министрлиги: Калктын 70 пайызы эмдөөдөн өтсө, коронавирустун 4-толкуну болбойт.
16-августта Баткен жана Тажикстандын Согди облусунун жетекчилери жолугуп, чек ара чырын болтурбоо жолдорун талкуулашты.
Мамлекеттик чек ара кызматы: Жалал-Абадда 21 жаштагы жоокер өзүнө ок атып, учурда ооруканада дарыланууда.
17-августка карата Токтогул суу сактагычында 11 миллиард 956 миллион метр куб суу бар. Бул 2020-жылдын ушул мезгилине салыштырмалуу 2,5 миллиард метр кубга аз.
Парламент депутаты Урматбек Самаев Токмок шаарынын мэри кызматына ат салышуу үчүн арыз берди, шайлоо 26-августта өтөт.
Кыргыз-Өзбек өнүктүрүү фондун түзүү боюнча макулдашуу ратификацияланды.
Өмүрбек Текебаев Кыргыздын Германиядагы элчиси болуп дайындалары айтылды.
Ош шаарынын мэринин милдетин аткарып жаткан Алмаз Мамбетов шаар башчылыгына талапкерлигин көрсөттү.

Лунара Бекиева

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Талкуу жабык.

№ 976, 19-25-август, 2021-ж.