Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СҮЙҮҮ СОНАТАСЫ

№420 19-25-ноябрь, 2010-жыл.


(Башы өткөн сандарыбызда)

Бир тартылуу кыйнап жатты экөөнү тең. Кафеден чыгып, Айдананын үйүнө келгенине көп убакыт өткөнү менен, үнсүз, сөзсүз отура беришти. Рустам “калып калайынбы?” деп айта албайт. Айдана “үйгө киресиңби?” деп сурана албады. Же экөө тең кош деп басып кетишке эрки жетпей, чайналып отура беришти. Алыскы жылдыздарды тиктеген Айдана оор улутунуп алып Рустамга тике карады. Өрттөнө тигилип турган каректерден көзүн ала кача акырын үн катты.
– Эми бар... Үйүңдөгүлөр күтүп жаткандыр...
– А сенчи?
– Эмне мен? Мен да үйүмө кирем. Өкүнүчтүүсү, мени күткөн адамдар жок. Бирок эч нерсе эмес. Билесиң го, мен күчтүүмүн. Көп нерсени көтөрө алам. Сага жакшы болсо болду. Сен бактылуу болсоң болду. Мен...
Үнү солк этпегени менен, көзүнөн жаштар тоголонуп бара жатты. Рустам мындан ары чыдай албайт эле. Айдананын мөлтүрөп бара жаткан жаштарын өөп токтотту. Ушуну эле күтүп тургансып, келиндин дирилдеген эриндери эрдине жабыша калды. Оо, канча жылдан бери чогулган эңсөө, куса көз жаш менен жуулуп, жүрөктөргө бейпилдик, жылуулук таратып жатты.
Эртең менен көзүн ачкан Рустам каруусунда уктап жаткан Айдананы көпкө тиктеп турду. Акырын чачтарын сылап койду. Көздөрүн ачып, мойнуна асыла берген Айдана бактылуу жылмайып алды.
– Ойгондуңбу?
– Айка, беш жылдын ичинде биринчи жолу бактылуу болуп ойгондум. Жүрөгүм аңгырап ойгончумун. Бүгүн көзүмдү ачып эле сени карап, жанымда жатканыңды көрүп, бактылуу экенимди туйдум. Тим эле бөжөйүп, жабышып жатып алыпсың. Ичим ысып кетти.
Бактылуу эле алар. Ошондуктан эч нерсени ойлогулары келишпеди. Чай ичип алып үйдөн чыккан Рустам машинасына отурганда гана үй-бүлөсүн ойлоду. Көзүн жайнатып, атасы келмейинче уктабай отура берчү уулун эстеди. “Айнура түнү тынчсызданып, уктабай чыккандыр? Кызык, эмнеге мага телефон чалбады экен?” Машинасын тиктеп, кол булгалап турган Айдананы көргөндө кайрадан бардыгы эстен чыкты.
– Болду эми, үшүйсүң! Үйгө кир,- деди Айдананын телефонуна чалып.
– Үшүбөйм.
– Азыр кирип кетпесең, кайра жаныңа барам.
– Жинди...
Айдана күлүңдөй кол булгалап коюп кирип кетти. Рустам ал күнү да үйүнө барган жок. Кимдир бирөө байлап койгонсуп Айдананын жанынан кете албай, сүйлөшүп сөздөр, күлүп күлкүлөрү түгөнбөй жатты. Кийинки күнү да бардыгына көз жумду.

ххх

– Ата! Атам кайда?- улам сураган уулун тынчтандыра албай Айнура убара. Чын эле уулу атасына өзгөчө жакын эле. Бир күн көрбөй калса кусаланып, көздөрү алайып кете турган. Эки күндөн бери үйгө келбеген Рустамга эми чындап кабатырлана баштады. Бирок телефон чалып сураганга негедир батына албай турду. Телефонду ордуна коюп, уулунун жанына келсе, кичине көзү илине түшкөн экен. Ойлуу терезени тиктеп тура берди. Күйөөсү кайда жүргөнүн, эмне кылып жүргөнүн ички туюму менен сезип жатты. Кызыгы, мурункудай кызганычты сезген жок. Кайра ийининен оор жүктү алып салгандай жеңилдикти, эркиндикти сезди. Ооба, азыр өзүн кыйнаган сезимдерден эркин эле. “Кызык, менин жалбырттаган сүйүүм Рустамдын муздактыгынан музга айланып кетти окшобойбу. Ал мага таптакыр ачылбады. Анын сезимин ээлейм деп жүрүп, алым куруган экен. Азыр түшүнүп турам. Мындан ары кантип жашашым керек?” Эми гана Рустамга болгон сүйүүсү таптакыр өчкөнүн туйду. Так ушул учурда Рустамдын машинасы келип токтогонун эшитти. Бирок ал көпкө кирбей жүрдү. Короо-жайын карамыш болуп, машинасын чукулап, убакытты созо берди. Эки күн үйгө келбей, азыр эмне шылтоо айтышты билбей жатты.
Ушинтип бушайман болуп жатканда Айнура сыртка чыгып маңдайына келди.
– Кандайсың? Айдин ооруп калды. Үйгө тезирээк кирчи,- деди супсак гана. Рустам ылдам баса уулунун бөлмөсүнө кирип барды. “Аталап” жаткан уулун бооруна кыса салды.
– Балам, сага эмне болду?
– Ата, сен келдиңби?
– Тентек десе, мен кайда кетет элем? Мени сагынып ооруп калдыңбы?
Күлүңдөгөн уулунун көздөрүнөн өөп, кучагына кыскан Рустам жанында турган аялына баш көтөрө албай жатты. “Качан суроо берет?” деп турганы менен, аялы негедир таптакыр ооз ачкан жок.

ххх

Концертке даярданып жаткан Айдана акыркы учурларда катуу чарчады. Үргүлөп отурган ал телефондун үнүнөн улам көзүн ача салды. Күйөөсү Абдул чалып жаткан эле. Ошол замат кызы оюна келип, үрөйү уча түштү.
– Алло?
– Айдана, кандайсың?- Абдул кадимкисиндей токтоо үн менен.
– Кызым кандай? Ооруп калган жокпу?
Айдананын телефон кармаган колу калтырап кетти.
– Баары жакшы. Айсу сага салам айтып жатат. Биз жакында Кыргызстанга баралык деп чечтик. Кыскасы, тосуп ал.
– Кандайча? Неге келесиң?
– Барганда сүйлөшөбүз.
Телефон коюлду. Аң-таң болгон Айдана отуруп калды. Кулагына күйөөсү экөөнүн акыркы сөздөрү жаңырды.
– Кетпейсиң, мен сени эч кайда жибербейм!
Кийимдерин чемоданга салып жаткан Айдананы колдон алган Абдул ушинтип кыйкырып жиберди.
– Айтчы, эмнеге кетесиң? Жакшынакай жашап жүрүп эле басып кетиш кажетпи? Токточу, өзүңө келчи.
– Абдул, сен мага айткансың. “Жүрөгүң качан кааласа, туулган жериңе кеткенге шарт түзүп берем” дегенсиң. Мен кыйналып кеттим. Жериме, элиме баргым келет. Канча болду деги?
– А бизчи?
– Мен сага баарын айткам. Жашырган эмесмин. Сенден мурун жашоомдо бир адам болгонун, аны унутуш үчүн атам тааныбаган жерге качып кетишке туура келгенин айтып бергем. Эми ошол адамга менин жардамым керек. Коё бер мени! Мен сени билем, өтө намыскөй адамсың. Бул сөздөн кийин мени чындап жек көрүп каласың. Экөөбүздүн жашообуз болбойт!
Көзүнө кан толо түшкөн Абдул жаакка тартып жиберген. Кайра жулкуп ордунан тургузуп туруп, эгер кетсе эч качан кызын көрө албасын айткан. Эми эмнеге келгени жатат? Келишкис болуп бөлүнүшпөдү беле? Айдана оюн жыйынтыктай албай жатты. Бир эсе кызын көрөрүн ойлоп, аябай сүйүнүп кетти. Абдул өзү менен кошо кандай сюрприздерди алып келе жатканын али биле элек болчу.

Нуржамал Жийдебаева

(Уландысы кийинки саныбызда)


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(9)
20.11.2010. 17:43 
Тайпасы:
Кыймылы жок
Комментарийлердин саны:
40
Катталган:
10-09-2010
Соӊку аракети:
13-04-2011 12:42
Жынысы:
Белгисиз
0
Уффф, таптакыр эле жомок болуп кетти го. Чыныгы жашоодо кантип ушундай болсун? Мынчалык акмак адамдар болбосо керек, Голливуддан башка жерде. Жазат десе жаза берет экенсинер да...
20.11.2010. 23:28 
Тайпасы:
Жаран
Комментарийлердин саны:
78
Катталган:
14-08-2010
Соӊку аракети:
02-01-2018 21:44
Жынысы:
Белгисиз
Калаасы:
Кыргызстан,Бишкек
0
oi ee kachan butot bir jyl boloiun dep kaldygo ...aiabai ele uzartyp jiberdinergo ...
20.11.2010. 23:55 
Тайпасы:
Жаран
Комментарийлердин саны:
370
Катталган:
06-09-2010
Соӊку аракети:
03-07-2018 19:51
Жынысы:
Белгисиз
Калаасы:
Italia,Sardegnia.
0
Kaarman AINURAGa jinim kelip jatat balasin da kuioosun da bergenge dayar kaidagi bir ........,ui buloosu u4un kurowuw kerek da alsiz bolboi,SUIUU SUIUU ui buloosu bolgondon kiin suiuunun baleketin alabi.
21.11.2010. 10:17 
Тайпасы:
Кыймылы жок
Комментарийлердин саны:
30
Катталган:
24-10-2010
Соӊку аракети:
21-11-2015 06:06
Жынысы:
Белгисиз
Калаасы:
Туулган жери
0
Суйуу кучтуу экенинде шегим жок, бирок, мынчалык эмес болуш керек…Же жакшылап суйуп коро элек бекем….?Эмнеси болсо да аягына чейин чыдашка туура келет.
21.11.2010. 23:42 
Тайпасы:
Кыймылы жок
Комментарийлердин саны:
10
Катталган:
13-11-2010
Соӊку аракети:
12-12-2010 19:33
Жынысы:
Белгисиз
0
da,ayabai jakwy 4ygarma,4on rahmat
22.11.2010. 10:14 
Тайпасы:
Жаран
Комментарийлердин саны:
13
Катталган:
15-03-2007
Соӊку аракети:
19-08-2017 03:35
Жынысы:
Белгисиз
Калаасы:
Бишкек
0
Суйуу кучтуу,анысына мен дагы ишенем, кошулам, бирок...,адамдын тагдыры эки айры жолго тушкон сон, тем более ортодо балдары болсо... кечке эле суйуу дегенден кантип тажашпайт.Кичинекей наристеден да, ошол суйуу ойдо турат дегенге тук кошулгум келбейт, менин деле башымдан откон, мен дагы ушулардай болуп суйуу менен алоолонуп жашаганмын,бирок мынчалык курмандыкка бармак эмесмин.Экоонун тагдыры 2 башка нукка туштубу, демек тагдырынын жазмышы ошондой, андан качып кутула албайсын.
22.11.2010. 10:21 
Тайпасы:
Жаран
Комментарийлердин саны:
13
Катталган:
15-03-2007
Соӊку аракети:
19-08-2017 03:35
Жынысы:
Белгисиз
Калаасы:
Бишкек
0
Омурлук жарларынан баш тартса мейли, бирок суйгон адамы учун кан-жанынан жаралган баласын дагы курмандыкка чалып, басып кетип жатышкан адамдарга эч тушунбойм,бардык нерсенин чеги болот да, убагында баркына жетпеген сон,кийин баркына жетеби? Намыссыз, эрксиз адамдарга гана тиешелуу сапат.Чыгарма -чыгарма болуп кала берсин, бирок жашоодо мындай болушун душманыма да каалабас элем!
22.11.2010. 14:12 
Тайпасы:
Кыймылы жок
Комментарийлердин саны:
83
Катталган:
27-03-2010
Соӊку аракети:
28-12-2012 05:10
Жынысы:
Белгисиз
0
Айнура азамат экен..., ар бир эле аялдын ал нерсе колунан келе бербейт...Омур бою тируунун олугу болуп жашоо, олгон омур. Билем мындай тагдырды да, адамдарды да...Айдана менен Рустамга кыйынчылыктарын которуп кеткенге эрк каалайм. А Айнура болсо озунон озу эми бошонду, анын жашоосу эми башталат, созсуз оз бактысын табат ;)
23.11.2010. 13:24 
Тайпасы:
Кыймылы жок
Комментарийлердин саны:
118
Катталган:
26-03-2010
Соӊку аракети:
24-02-2012 11:40
Жынысы:
Белгисиз
Калаасы:
Бишкек
0
Фантастика! Чыныгы жашоодо мындай болбойт!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: